(中伏啦) on9遊雲南

話說之前見到有唔少去雲南嘅post,加上身邊唔少人都話當地真係好靚。抱住去影相嘅心態,無點plan就踏上咗為期十日嘅旅途。去咗麗江，瀘沽湖，同埋香格理拉
飛機去昆明根本啦

大概二個幾鐘左右就到昆明，去到都差唔多七點半。因為打算直接去麗江，所以就直接去火車站。

走去問人機場點去火車站，原來要搭空港快線，聽到個名第一個反應：咁先進嘅


買咗飛啦，究竟係咩黎。

跟住跟指示行去，屌你原來只係巴士黎。問完一個姐姐firm架車係去火車站就上咗車。

等咗陣就開車，但頭先企車門嘅姐姐都跟埋上車，我第一個反應係：仆你個街，唔通係旅行團黎？

現場係全黑嘅，所以好曚

開咗車無幾耐，個姐姐就開開始好似啲導遊咁揸mic講嘢。

一開始佢就講啲歡迎黎到雲南呀，雲南係一個山清水秀…………個啲welcome speech。
講咗一陣終於入正題， 懶係好心咁提我地人生路不熟要小心中伏，而報佢地公司嘅團就至穩陣。講完就逐個走去問人地個plan係點，之後就比啲報佢地團就至醒目嘅advise。咁我地就求其講咗幾句，可能佢feel到我地係唔會跟團嘅人，個姐姐就再無理我地。大概9個字車，終於到咗火車站啦！



大陸啲城市火車站個條街都係咁嘅樣







放幾張相先，睇下有無反應

想同朋友去 total三個女仔
得女仔安唔安全？洗唔洗包車/自駕先去到啲靚景？
同埋分享一下住宿

啲相靚到咁都on9?

D相咁靚都話伏??

留名

好安全架。但因為佢每個景點都隔幾遠，所以都suggest你包車。
打算幾時去呀？去幾多日？
住宿嘅話等陣我會講到，比張圖你頂住先。

on9係指我

景唔錯，支持
樓豬巴定絲

影得好靚

幾年前跟當地團識個女仔佢係一個人去添
鎮入面有好多當地團報 可以格下價先決定 住宿你可以入屋睇左啱先住 我推介一間叫 2046/2048 太耐唔記得6定8 間野係上少少位望到成個鎮既景 鎮入邊冇咩好睇好行我覺得 真係冇野做就留起客棧飲茶或者去cafe

瀘沽湖正！ 可以留好多日hea下！

因為我地事先訂咗飛，去到火車站直接攞飛就得。不過香港人攞飛係麻煩啲，要去櫃臺攞，佢又開得少，排隊嘅人又多。


hea陣先！

hea咗陣上火車，我買咗硬卧飛，心諗應該同軟卧差唔多，加上我之前都有搭過大陸嘅火車，所以都有啲心理準備。

呢張係等緊入閘嘅時候影，個下feel到自己好似大陸春運返鄉下過年嘅民工

check完飛開始搵自己個位，經過軟卧個陣都覺得還可以，點知去到自己個位個陣


屌你成個開放式廚房咁，三層。

訂飛個陣我都知係三層，但無諗到張床係窄到無得轉身，而我仲要訓最上，上到去發現訓係到已經幾乎係貼住個天花板。
落床個陣要好似printer咁，將自己當係一張紙咁「print」出黎。sorry for 1999

開始接受現實後，又諗緊同房會係啲咩人。最先黎嘅係一對年紀大過我嘅情侶，好彩正正常常。到差唔多開車個陣，仲有2張床係空嘅，我開心咗下：唔通可以唔洗訓天花板。之後又有一對情侶趕到上車，佢地就係個2張床嘅主人

因為年紀都差唔多，我就同情侶b開始吹水，我一開口佢就問係咪廣東黎嘅，我問點解會知，佢地話廣東人講普通話嘅口音好易聽出。
傾咗陣，又要check飛，之後就訓教了
但其實都無點訓到， 因為有啲其他房嘅人仲未訓， 加上硬卧是無門的，真係隔離房放屁你都會知。 又有好幾次訓咗比架車震醒咗， 唔知係火車舊，定係路軌舊了。

因為海拔越來越高，所以最後係涷醒咗的。



天花板


到啦終於！！

期待著你的……

講得好啱！！
人生安全就ok嘅，不過財産就…

期待著你的回來 我的小寶貝
期待著你的擁抱 我的小寶貝

我會話 瀘沽湖個2日
係我十日入邊最好嘅

昆明先係最唔安全既地方

十扑 暑假嗰陣去咗瀘沽湖 大理 雨崩 麗江

兩條友踩單車環瀘沽湖 踩到傻

仲未睇到邊忽伏 , 樓主咁想舒舒服服去包成個房啦

Total 用左幾錢?
有你分季節去？

去到麗江，第一個感覺好涷
行出車站，同情侶b道別後（之後又係其他地方撞到）見到天氣好好，成個人即刻精神咗

係雪山呀

因為拖住gip,同埋無點訓，我call咗didi,諗住早啲check in訓陣先。

上車個陣發現司機係當地人，跟住又開始同佢吹水，司機開始同我講佢嘅故事。係一個好典型講點「捱」到而家有車有樓嘅故事




司機大佬話佢小學一讀完，就離鄉別井，攞住一百蚊人仔，就咁孤身一人出城市搵工，咩都唔識，又未出過城，得自己一個，就要面對生活。最後搵咗工廠做工人，頭幾個月因為要將人工寄返去屋企，無食過肉，甚至有次去偷肉食。一做，就做咗十年，期間未返過鄉下。
其實我覺得偷肉食點都係唔啱架啦。

但司機隻身去闖盪呢種勇氣，我而家都未有

同司機傾得幾開心




屌但最後比呢個司機水咗

有無曬傷？

未到呀大佬，
我唔係話要舒舒服服
只係希望唔好咁伏