(中伏啦) on9遊雲南

呢個啱，一個人旅行真係會令自己有啲變化。

瀘沽湖真係好正

幾月去架？

5定6月

睇完好有衝動想去一次
追咗樓主同在雲之南嘅post
想請教下條大約路線可以點走 如果想去埋稻城 西藏
見好多巴打都推介瀘沽湖同雨崩 仲有邊度係必去 追咗post都唔係好記得啲details
同埋見有啲巴打話落雪時去好 有啲話暑假好

因為琴日凌晨影星星影到好晏，一起身就食得lunch。
琴日食完雞煲後，有啲熱氣，決定中午又食小菜。


張枱下面放咗唔同人留底嘅字。

本身諗住單車環湖嘅,但老闆話要差唔多十個鐘，但我起身個陣已經一點。

黎到無得環湖搞到我好sad,包車嘅話要280。2個人唔抵。

所以留咗電話比包車個到，等夠4個人就拼車。
咁我就去郵局想寄post card, 個職員（其實係呀婆），搞咗好耐話唔識點寄去香港。





行去郵局個陣隨手影

我心諗湖又環唔到，postcard又寄唔到，我唔想咁就浪費咗呢日呀

於是我跑返去租車個到，幫佢地拉客

見有人經過就問：拼車嘛
一開始拉到2個女仔黎，我都係咁強調我真係遊客，等緊人同我拼。但個2個女仔就咁走咗。

租車個檔口啲人笑到停唔到。我估佢地好少見客會幫佢地拉客。

唉，返酒店寫postcard算。

個老細幾好咁

係超好！！ 請我地飲紅酒
不過差我三十蚊未還

join左類似local tour 去瀘沽湖
幫同車對情侶影相 而我自己一個毒撚去

連postcard寫完都未有電話，突然有電話到，我以為係打黎約聽日回程巴士嘅時間，點知電話入邊：有人拼了，帥哥快點，車在你酒店門口等你。

好開心呀，可以環湖啦。

上到車司機話我地好好彩，咁嘅鐘數都拼到車，個陣已經三點，司機話今次出車係佢最遲嘅一次。


咁佢揸埋去接埋另外個2個，係一個幾靚嘅女仔同佢媽媽。應該唔會伏。

開始環湖lu




第一站，我唔記得叫咩名



影完之後上返車，開始同個女仔傾計，佢地一聽我開聲，就問：廣東來的？
同佢傾咗陣發現佢地係唐山黎，個女仔仲要比我細，但睇外表我係估唔到，可能因為佢嘅打扮都幾成熟。跟住佢地問好多香港嘅野。e.g香港啲樓係咪真係咁細。

傾傾下，去到第二個站。係雲南同四川嘅交界。




過咗呢到，就係四川。所以瀘沽湖係一邊屬於雲南，一邊屬於四川的。

呢個時候，我個fd突然肚痛就咁跑咗去廁所。 搞到全車人等佢，我係咁話唔好意思。

下一站係草海，
同埋情人橋（又嚟）

我去到發現雲南係couple去好啲

你淘寶報團係咪要有大陸電話no.先報得？點知佢會唔會走數

黎緊想自己一個人去西藏 但唔識玩大陸

有時間可以去上下雨崩！好靚！最值得去既地方

去旅行只要踏出身一步，自然就會成功出發

留名支持

LM

樓主想問下個度多唔多洗手間同埋係咪都係啲噁心洗手間呀？

大陸景區嘅洗手間唔駛諗啦.......

就係咁所以我就算想返去睇下景都唔敢，真係會想嘔。

可唔可以教下電話點影星軌？

你唔開大咪得囉..........

影星個setting係點

Lm

電話有個星軌mode