作為一個補習老師，我睇到香港教育嘅失敗

只可以答你...某d 學校要你差唔多每堂教一樣完全無關的 grammar item
而補充練習只係一味深而唔係 in context 咁去教...
咁樣支離破碎式咁學又點可能會學得識英文?

就算老師投訴好多次....校方都會因為佢地自己離地同固有諗法
同埋家長的壓力而繼續咁樣去教
聽過家長投訴 : 咩咩咩名校都有依幾本補充點解你地無
好似以為做得多就會識咁又唔睇自己個仔程度去到幾多

英文係一種 skill 而唔係只限於學知識
唔俾佢去試去用...只係依書直說講原理...又迫佢地要出到完美的 output
去到最後只會咩都唔識+勁大挫敗感而以後都學唔到英文

呢樣明白嘅！我小二學生英文writing係有例子睇同會供詞，類似句子重組嘅作句 呢個方法就可以學下句型結構之類，我自己覺得係有用嘅

對唔住可能我太片面

睇得出你好有心
所以千其唔好做日校老師
乜火都會burnt out
我以前大學做補習都覺得日校老師好廢教得差
但到自己做先知身不由己
教到全班有1/3學生明已經好難得
小學雞好多每日返學目的就係小息食零食

沒錯係 老師係香港社會地位同人工都唔高
補習風氣又咁盛行 有料都走去補習社教
不過公平啲講 人地北歐語系本身同英文嘅語言結構係相似 但中文就唔係 所以中國人學英文係特別辛苦
係冇資源+天生母語嘅劣勢 我地係冇得同人別點教點教

你好啱
做所有野只要有家長投訴唔滿意
就乜都要改
班家長又唔識教 又多意見
最後咪一pat屎咁

我嘅年代 撈唔掂就去教書

當你發現你要教的野的程度係無可能短時間令佢地明同做到份功課要求
你就會覺得依份工真係無咩意義 - 只係害緊班細路的成長時間

A and the 我都唔識用

以前好撚憎英文，因為啲老師亂教
但係大個咗之後接觸多咗幾鍾意英文
先明白教嘅方法真係會好影響

高小好識玩架

其實我以前係教開英文小學教半班 native speakers
多數都係講英國文化同俾佢地睇咩書去令佢地思考更多睇得更多依個世界
無論學生定係老師自由度都大好多...亦好易可以將自己的理念俾到學生去試 (我係支持學生班級自治...將權力交俾學生去管理)

但當去到本地小學教的時候就發現係兩個唔同的世界
無論係學生定係老師都係一味咁受到迫害...做好多無意義浪費哂時間
而做左依d 就會令校方感覺良好好似做左好多野咁
但其實一點成效都無

而家都係呀，讀唔好就過教院讀書再出黎教書

一個grammar item 得一堂
一課課文得一堂
成課vocab得一堂
你用多一堂就落後進度
又教唔切 又要考試
可以點
以前細個學既野好少可以深入d
而家不停畀 又學唔到
教得少又應付唔到TSA
家長又話人地學校有學點解你地無
老細又chur你成績

d人成日教畜教畜
自己做下就知點解日校老師教得唔好

見多啲就知架喇唔駛對唔住既

好認同你啲練習淨係不停操同一種grammar 咁學生做練習嗰時就會spot到邊到要用，但一到寫文或者係mix埋堆tense要你自己填就會填錯哂 然後個學生就越嚟越唔明同唔鍾意英文

語言唔四五歲前用環境浸出嚟 之後當術科咁教 拆成啲抽象語法咁學 竟然咁多年無人認為係黐撚線

咁一定有啲語言天材 求其聽吓都學到 但普及教育係設計俾一般平常人㗎喎

其實好睇學校政策
好學校好校長好上司，又真心為學生好既
你就算辛苦都好開心

我HKU Major English同Linguistics

不過教小學 講真英文幾好都無用
所有野都唔係你控制
每堂點教已經中央plan好哂
你做既只係執行

所以一堂 30 分鐘時間講唔到好多....點解上面話要會咁樣加 ing
好多時就係老師睇哂練習的要求...知道要做咩野
再叫學生去做 - 只能夠令學生完成到份功課而已

不過我都會花時間去講解點解...依個係我的原則
但係學生聽唔聽得入耳係另一回事
因為學生好多時想要的唔係識點解....而係完成到份功課

有人話做老師地位同人工相對唔高
其實香港政府已經算pay得好好
下年起薪計埋跳pt 無cm轉GM 都3萬幾
3萬幾全港打工既絕對有頭20%啦
40歲到升到GM頂點都7萬蚊
兩公婆加埋都輕鬆買到樓

試問一個fg 有幾多個最後可以有咁既人工
即使要做TA先 都有皮幾 咪同一個讀BA既差唔多
但做老師成個人生根本易行好多
好多人係因為覺得自己能力更高
覺得自己做其他行業 將會有前途過做老師
所以先搞到成個人生半紅不黑
講黎講去都係expectations vs reality既問題
唔好下下賴政府唔好

我做幾間都遇唔到
根本一層層迫落黎
EDB睇堂又迫你點點點
校董會又要點點點
老細又要應付佢地
panelhead又應付老細
仲有家長
我見唔到可以點改變
所以都就快quit啦

我覺得你咁樣解釋幾好 係小朋友會理解得到嘅grammar 所以真係好睇老師點教，有冇心教
SEN嗰度都好認同我表弟係SEN，好多嘢都要慢慢嚟，但老師學校社會都冇畀足夠資源落佢地度，連成績跟唔上都唔俾佢地留班

小學生既數學
好多時你叻就可以好叻
蠢就真係教極都唔識
叻=理解晒成條文字題講咩
蠢=唔知啊，呢排學緊加數咪全部數字加晒佢囉。錯咩，咁減啦