[統計]依家仲有冇人睇港漫蛇貓門？？

痴撚線，D內容好易集集都一樣

已經諗唔到招名

今期簡報：忍者原來係白鷲嘅應變計劃，老邪收拾心情，準備向白蓮，通天，至尊會宣戰。
邪神被忍者救走，文殊同南傑響爆炸中執番條命，跟手就要面對一大堆忍者嘅自殺攻擊，四條高手浪費咗十幾分鐘先殺哂班忍者。
眼見邪神可以較到腳，四人決定重新合作，東奇使出奇門遁甲力阻，就算邪神傳功俾其中一個忍者，始終都係俾四條友欄住較唔到。
四條高手殺埋淨低嘅忍者，想收邪神皮之際，突然殺出個基龍解圍，聖上忍無可忍，連同三條高手攻向基龍。

蛇貓門又好事多為

基龍金鐘罩又要俾人破(?)

今期：元始門翼龍見蚩尤俾人打到仆街，心諗之後唔知點算之際，突然成件蚩尤生勾勾企咗響佢身後，嚇到翼龍跪低。原來蚩尤又學文殊詐死，想借聖上同邪神手除去文殊，點知佢估唔到文殊同聖上合作，不過佢估計聖上除去邪神之後，必定順手搞掂文殊，於是出發去接收文殊地盤。

天嬌戰兩件雜魚，受白痴仇影響，天嬌打法吓吓搏命，另一方面，小貓扮哂高手面對刀君臨，幾吓手勢以靜制動打贏佢，仲扮野手下留情，見好就收以求天嬌，飛妖同風忍全身而退，刀君臨打唔赢人，唯有死死地氣放人走。

基龍同文殊，仇人見面，份外眼紅，完全針對文殊唔理其他三條高手

文殊計功力應該高基龍兩班

痴尤又自吹自擂

太耐無睇，基龍咩事同文殊有仇

文殊殺咗基龍老豆

殺咗佢老豆

無睇成個月，壇野仲未玩完？

又想升邪神level？

仲響嗰島上面打緊

屋企人唔知係咪終於頂唔順cut書，無再拎返嚟

我公司有人仲有買先痴嚟睇，要科水真係不了

我都係痴嚟睇

你地仲開唔開新po

開，龍虎門暨港漫討論區