[先睇第一頁懶人包]絲打係邊到買Bra? (10)

Wacoal新出隻relax fit幾舒服
著開wacoal既一試即買
回收埋舊bra再減$50

你地著開厚定薄pad(lace面)?
前排上網買bra, 個牌子叫nissen, 個杯有少少厚，戴戴下會有少少離罩，顯得個胸好大好怪
下次唔上網買了
薄杯（lace)好似冇咁容易戴戴下離罩

通常會叫光面杯做模杯，薄嗰款做夾棉杯
模杯係個胸fit個bra，而唔係個bra fit個胸，如果杯型唔fit 好易走位 離罩

原來係咁

光面杯好易鬆，個拉力冇lace咁勁，只係一塊布包住啲肉，推唔到啲肉架所以市面上好多光面杯都厚到成隻餃子咁，個胸冇乜肉嘅話著落去好似好睇啲咁，但郁兩郁就散曬

RM既就係咁試過四五款都係
戴完著返件衫就已經散

基本上所有光面都係咁尤其係一片式扮到好舒服好貼個啲，著完仲衰過唔著

呢度既絲打係咪多數戴夾綿杯？
光面杯真係一戴咗幾分鐘就離罩好q麻煩

我係啊 好少會着光面了

Sleeping bra有咩推薦

我覺得佢啲碼係偏細少少 我都著70c都無乜gap 唔係有gap就係好 格硬推胸型會散 人字先係最正常

你哋去廁所時會唔會順便撥肉？定全日都唔會點移位？

我未著mm前係有副乳同埋胸型好散，換左mm問題明顯有改善，將啲肉推番啱位升左1 cup,不過我個時仲係青春期,未必個個有同樣效果。依家肥左，個圍同cup數都大左，但都唔會有唧背脊肉呢個問題。
至於其實70c真係唔大，胸型唔挺/胸距闊嘅話，可以睇落去同b冇分別。如果真係想露下事業線，就間唔中著下啲厚墊bra，但長期著只會愈搞愈衰

有冇人去過花園街 lady bra shop?

都想分享下依幾年買bra既經驗
satami: 四年前開始係satami買矯型內衣，我覺得係好著舒服，但太貴，當時仲係學生，所以轉左買mm，諗住平d，網上又多人。

mm：買時試著岩身，個阿姨幫我撥胸著到好靚胸型，但返屋企著就無左個效果，而且布既質地好差，好快梅梅地咁，胸圍邊成日hi到個身會好痕。腋下個脇位唔貼服，依樣可能係我胸形唔適合佢d bra啦。

lilygarden: 上年有試過lilygarden買，d胸圍係舒服既，但我著開32g or 34f，佢比左36f我，但佢話包曬同舉手無移位就係岩身，所以我都信佢。著左一排覺得真係太鬆唔岩身，所以都掉左。

triumph: 我追post見話其實唔一定要矯型bra先著得靚個胸，於是我係日本旅行順便買左3個triumph試。d款真係好靚，同d矯型brd差天共地，但著上身發現佢d肩帶成日下滑，我返工每幾個鐘要入廁所教bra帶，超級唔方便。同埋咁多年我始終著慣矯型bra，所以我好快又放棄左triumph。

係途中我都試過peachjohn、tutuanna同bodibra（超級厄錢，可一不可再），但都唔岩我

咁我覺得lilygarden 既bra係舒服既，只係貴同比錯碼我，所以我決定係kellylove自己買。我落單後3日就有貨，好快。試身係舒服岩身。由於我依幾個月有做運動減肥，度身跟佢個表係32d，對比兩三年前跌左2 3個cup，但我試返d舊bra 覺得買32e岩身d，所以無跟佢refrence買。好彩係買岩左！好開心！我都推薦大家試下，百零二百蚊一個，就算買錯碼都唔算好心痛。

都想分享下依幾年買bra既經驗

多謝絲打詳細包膠長文唔quote晒
想問下triumph肩帶下滑問題，係指個扣自己滑落去搞到跌膊？咁睇黎佢啲料都好麻麻個扣鬆到咁

其實lily garden 係咪姐係hafina,有啲款一樣嘅

係個扣自己滑落，搞到跌膊，買三款bra都係同樣情況