老貓係咪比呢條友老點,搞到收唔到sms
政Whats噏:錯叫街坊社區會堂交表 林紹輝反罵政府 (17:04)
民主黨葵青區區議員林紹輝被指出錯訊息誤導市民交表。(讀者提供)
【
on.cc東網專訊】政府早前宣布向合資格人士派發4000港元,原意係補漏拾遺,可惜申請過程就諸多甩漏,搞到唔少市民都要向區議員求助。不過,有市民就爆料指民主黨(白鴿黨)葵青區區議員林紹輝上月底叫市民將有關表格交去石籬社區會堂或屋邨辦事處,殊不知社區會堂並唔收表,只有屋邨辦事處先會收,懷疑林紹輝出錯訊息累街坊。
社區會堂發現不斷有人嚟交4000蚊表,都已貼出告示表明唔收,結果矛頭隨即轉向林紹輝,一嚟話佢出錯訊息誤導市民,二嚟搞到社區會堂嘅職員畀市民狂鬧,誤以為職員懶惰先至唔收。
林紹輝接受查詢時就反指問題係源於政府訊息混亂,一開始講係社區會堂都可以交,後嚟先收窄至只有屋邨辦事處,所以佢都更正過幾次訊息。林仲話最新消息係,市民只可以喺周一至五嘅辦公時間到屋邨辦事處交表,相當唔方便,依家已經叫市民唔好急住交,等政府啲程序做好先,如果急就建議郵寄,唔好經屋邨辦事處喇。
石籬社區會堂貼出告示,表明不會收4000蚊表格。(讀者提供)