論中醫點解咁廢

咁你有醫療知識真係安全啲嘅，吹你唔漲

你未遇到高人姐，
有隱世神醫，
隱世風水大師，
隱世武林高手

西醫history taking 大致都估到嗰diagnosis，investigation 多數係prove 個differential
但係我想指嘅係一個layman 唔會識我講嘅嘢，self diagnose 會危險咁解

中西醫融合到當然最好，互補長短
近代中醫特別大學train 個班我係比較認同㗎，學你話齋有基本嘅西醫醫學知識再加自己套理論，唔係盲信中醫

即係中醫係醫到人？
作為病人，我只要人醫得好我，尤其覆蓋埋西醫醫唔好嘅地方
中醫發展得有冇效率關我咩事

唉無知laymen 周街都係
黎睇西醫唔信醫生既大有人在
唔信又黎睇都唔知佢黎做咩

拎住恐怖醫學同content farm 文challenge 你

認同要儲多d evidence /database
不過睇返中國人可悲既歷史
或許真係有留書籍係度
但打太多仗, 破壞左太多文化
留多落黎既醫學書又有幾多呢

可能係，可能唔係
今次醫到你，唔代表下一次醫到
如果中醫可以cover 到西醫醫唔到嘅地方，咁我當然舉腳贊成，但係事實上係咪做到呢? 我唔知，不過我覺得可能性唔大

你咁講 我一樣可以套用係西醫度
次次傷風咳咪又係開個幾隻藥 實有人好返有人唔work
呢隻抗生素唔得咪開另一隻 咪又係鳩估
咁又係咪睇彩數呀

即係有機會醫到囉
有啲中醫門庭若市，一日百幾個症，如果只係安慰劑、睇完冇改善，啲人會俾錢排隊睇？
西醫一樣可以斷錯症延誤病情
唔係偏頗幫中醫，只係話件事唔係咁絕對

你扮哂鍾意學術/挑機咪自己買本中醫既期刊睇下先，入面全部都係你所講既「用科學方法驗證」，符合哂你要求。
不過都預撚左你話大陸野做假，唔緊要既，香港3大都有類似既研究，不過冇budget所以量會少好多。
成班唔識中醫講到自己專家咁，老實講裏面既內容你了解幾多？

傷風咳其實畀你嘅藥根本就係symptomatic relief 而唔係醫你，你幾耐好返係睇你自己免疫力打，外國傷風咳唔會開呢啲藥，多數就咁叫你去買必理痛食算，所以呢個例子唔成立

抗生素嘅話，有啲叫broad spectrum 嘅係好多菌都係得嘅，簡單化咁講就係 普通嘢又估到大約係咩菌就俾你食呢啲
複雜啲麻煩啲嘅就會抽血/swab 你傷口etc. 黎睇你中左咩菌，種左嘅菌重可以用黎試下邊隻抗生素得先俾你食某種特別抗生素
尤其依家抗生素咁容易有抗藥性，唔會亂咁俾你食trial and error 咁醫好你

西醫嘅優勝之處就係每一個決定背後都有大量嘅理論同研究支持，減低彩數嘅影響

的確唔係絕對， 西醫係會出錯，亦都成日出錯，但係西醫會做audit 做quality improvement 去自我檢討再改善，所以西醫都知道自己嘅limitation
就係因為咁西醫嘅確定性高好多，例如你做手術之前都會講定畀你聽有乜嘢併發症，重會講埋出現嘅概率

我唔否認真係有神醫嘅存在
但係你個例子即係: 一間餐廳多人排隊，所以間餐廳必然好食， 如果唔係點會咁多人排隊? 其實係一個循環論證黎

如果用西洋科學嘅方法研究嘅中藥 (我當佢做做現代中醫)嘅，咁其實係evidence based，無理由唔支持，例子咪有屠呦呦，但係其實某程度上係西醫參考/吞食中醫嘅結果
正如針灸一樣有好多research published 過，啲systematic review 都係話limited evidence 要做多啲research，呢啲咪科學精神
傳統中醫只係攬上一代傳落黎嘅藥方當寶呢啲手法應該要俾科學研究黎去蕪存菁，留返啲真係有用嘅

講黎講去都係屠呦呦，所以話你有幾了解中醫？
事實係參照現代科研既方法一直進行緊，而喺進行緊既過程中亦都係邊醫邊研，唔會停左要研究好哂先重新再醫，1黎現有安全性已足夠，2黎研究永冇盡頭，西醫醫心臟病食左10幾年阿士匹靈而家先話冇效甚至反效果。
另外唔同人用唔同藥先係大勢所趨，呢個世界唔會有2個相同既人，唔同人就有唔同治療方向，西醫都走緊呢條路，而你反而只睇研究報告，覺得要機械式既治療模式，真係一件好可笑既事。
你咁鍾意扮學術討論，我建議你可以睇下陰陽寒熱與atp關係既文章，你會了解到(假如你真係有用你個腦)
1.點解唔同人會用唔同既藥
2.所謂陰陽只係1個代名詞，你鍾意既話改佢做ab都得，重要既係佢既內容，唔洗再啫住話咩神神化化

即係你唔否定中醫醫到人啦？你係垢病中醫啲發展、思維、方法唔符合現代科學標準而已。所以咪話我作為病人我理得佢點發展，醫得到人就得
唔係餐廳好唔好食嘅問題，係有冇供應食物嘅問題。你咪去中醫診所問下啲病人，點解唔睇西醫？

人體「鍊成」實驗黎講中醫其實做得多過西醫
不過跳過左實驗室數據結果，直接用統計數據

如果安慰劑有咁大作用又真係唔摳呀，有啲cancer案例好似化療都醫唔好但靠安慰劑又無lala 好返

科學只係解釋事物嘅其中一種角度，眼界唔好咁窄

其實樓主不如真正的起心機
認識下中醫嘅內容先
你道聽塗說loop番以前啲post
同啲三姑六婆有咩分別

我當然知，只係為左代入表明樓主既思維模式先咁講

[url]代入樓主[/url]

你咁樣收樓主檔唔得架喎
你睇佢上黎講多幾句先呀嘛
反正呢度越反越紅既