互動】【喪屍】《凌晨三點，我屋企門口有敲閘聲》（5）

又無 8個定7個姐

鳴呀

Lm

係咪主角食好多女個故

係 食左幾打女
掛住食女 搞到拖左好耐

連登富奸

真係睇到心都嚟一嚟

唔知係咪睇得呢個post多, 今朝發喪屍夢
仲要遲左起第

柒

垃圾樓主成日咁遲出文, 等我分享下我個夢掙取時間比樓主老母執野走佬

好

係夢入面我住私樓 住約莫6-7樓, 所以夢入面係聽唔到樓下既聲
係廳窗臺望落去左手邊有道圍牆, 入面係幼稚園
而我望到既位置應該係幼稚園停車場,
正值係放學時間, 所以有3-4 pair家長係度等緊

然後就見到十個八個著住紅色校褸既小朋友係老師既帶領下, 活潑咁走向家長等緊既位置, 而家長都掙取時間, 纏住老師, 問下自己小朋友上堂乖唔乖, 或者問東問西, 反正就係chur住佢地係咁問

跟住我發現有個背住我既小朋友.....
佢既動作好奇怪, 搖搖晃晃, 好似唔係好舒服咁,
但其他小朋友係度同同學玩緊, 家長都chur緊d老師, 根本冇人留意到呢個小朋友既異常行為
唔使過好耐, 個小朋友終於支持唔住, 一野跌向前暈左落佢一個同學身上......

個同學自然嚇一跳, 大叫住(睇到口形)一野推開個暈左既小朋友, 係佢跌落地之後, 佢塊面終於面向住我......

我見到佢塊臉係灰綠色, 仲有少少紫色透出黎, 同鮮紅色既校褸有好鮮明既對比...

係大家都未反應到既時候, 佢已經徐徐地企返起身撲向佢同學個身度, 係咁咬......個同學起初想掙扎, 但慢慢力氣越來越細.....最後冇郁.....

奇就奇在, d家長, 完全冇諗過避開, 有一個女人衝向咬人果個小朋友, 拉開佢, 好似好擔心咁想望個樣佢, 但好似只係擔心佢跌親, 當然唔使幾耐, 果個灰綠色既小朋友一野咬落佢面豬登度, 果個女人只係無力地向後跌......

然後因為呢個騷動, 冇人留意被咬果個小朋友, 已經企左起身, 咬向企係不遠處既一個男家長既肚度, 其他人仲想設法拉開個小朋友......

睇到呢度開始驚.....跟住就醒左
最後用左10分鐘就衝左出門口

在你們一行人成功脫險之後，卡車又重新駛回十字路口之前。隨著車子緩緩停下，榮叔打開車門著地，你們車內除了黑柴的三人見狀，也都紛紛跟著下車，在卡車的旁邊圍成一個半圓形。

「呼……嗄……」榮叔從衣袋中拿出煙盒，點燃了一支香煙之後，背靠著車身便抽了起來。此時他額上滿是斗大的汗珠，往日的沉穩已然消失無縱。

「到底啱啱發生咗咩事……」MK妹小心翼翼地問道，生怕自己說錯話惹怒了你們；而一旁的金仔則仍然雙目無神，無力地放軟著肩胯。

「……係咪得我覺得個隻喪屍好似有號召其他喪屍嘅能力？」你困惑地問道，同時又憶起了剛剛使用紅外線熱成儀所見的畫面：「個隻喪屍嘅熱成像圖同其他喪屍有少少分別……顯示出高溫嘅部份唔只得佢個腦，而係擴展到成個頭部都係咁。」

言下之意，那隻特殊的喪屍與其他喪屍並不完全相同，情況跟那種由警察，亦即身體能力較強的人轉化而成的「警屍」十分相似。

「特別到可以用眼睇嘢，而且有能力令所有喪屍鎖定我哋？」榮叔伸出指間正夾著煙的右手拭去額上的汗珠，呼出一口白煙後又說：「……如果呢種『特別』嘅喪屍唔只一隻嘅話，咁我諗我哋好快玩完。」

……雖然榮叔的想法十分消極，但他的判斷卻沒有錯－－這隻擁有視力和號令能力的喪屍極為棘手，其存在本身甚至已經能讓你們先前制訂的應對方案統統化為烏有，更遑論油站爆炸所造成的聲響，一下子把附近所有喪屍都集中到高速公路之上。

「咁我哋不如盡快搵過第二條路入元朗，唔好再留係呢到啦……」MK妹說道。

你決定出言贊成她的想法，認為此地不宜久留（a）；

還是認為你們必須優先解決這隻擁有特殊能力的喪屍，以免留有後患？

揀死你班仆街仔

A！隻喪屍可以號召千軍萬馬架喎

b 睇下作者點寫

B