自己個舊mon又有啲壞，所以打算陪佢砌機果陣買埋mon。
聽講中央田聲譽幾好，就去左幫襯果奸店，
然後就揀左個mon買左返屋企。
買到返屋企後，用左一陣就發現個mon有啲位黃黃地，
跟住打開左一張全白色圖，拉上拉下，睇下係咪全個mon都係黃，
發現上面啲顏色正正常常，都係白色，中間開始偏黃，下面就更偏黃一些，
為左確認我無眼殘，叫埋屋企人幫手睇，
一開始佢地都話唔覺，但我指一指之後，佢地就睇分別。
之後，今日就打左電話過去問，
佢地話可以拎返去check，check完係偏黃就可以換，
咁我當時就諗，依奸店都幾好，仲可以換。
係還原嘅途中，我發現個mon個支架實到hihi，拆都拆唔開，
又怕一陣太大力拆，整壞個mon，到時就hihi，
所以我成個mon連支架擺返落去皮紙到。
結果就係個紙皮封唔到盒，支架突左出黎，
好似瞄準器咁卡左係紙皮中間，
所以我要雙手托住個紙皮盒，再搭車由屯門去深水埗，
途中啲人用啲怪異眼光望實我，但我無理到，
因為只要到左中央田就可以換返個無事嘅mon返黎，
一切付出都係值得。
到左中央田，即時就比佢地check，
但佢地換人睇左幾次後，死都話睇唔到，
心諗:大佬，個mon上面白，下面黃，咁明顯都可以話睇唔到?你睇唔到就咪叫我返黎換啦，個mon好重架。
指完幾次有問題地方又再同佢地理論完一番後，
佢地就叫我睇睇佢地放出黎嘅mon，
睇下有無依個問題，
唔睇仲好，
但我一睇，發現10個mon入面有4~6個mon係有咁嘅問題，
果陣我就知玩完，原來奸店係專賣依啲黃又黃唔曬，白又白唔曬嘅mon嘅店。
果然，我同佢地講有部分mon都有問題之後，
佢地就直接答我話幫我唔到，自己call廠商上門維修。
無耐之下，小弟只能再次托返住個紙皮盒回家。
出曬名黑
