新盤撻訂問題

點解仲係俾5%，其餘10%大訂未俾就簽咗正式買賣合約？

如果仲係臨約階段5%廿幾萬算啦，你俾埋15%到收樓估價不足又無錢補錢上唔到會到時total loss 加追差價，還掂要生B一房唔夠用，咁樣係少一個做新樓業主機會但多一個破產機會

放棄5% 買二手樓兩房至多無新樓住，但係即可以問銀行估價先買，計到數即供即住少一個破產機會呀

你信會再有沙士/97？
依家d人有錢過果陣幾多 你知唔知果時人均負債同而家係幾比幾？ 香港m1講緊成萬億呀
利申我經歷過曬

你係咪冇買過樓
你覺得最平果個單位你有可能買到？
有份抽就買到
而家新樓係一推就要抽籤 有錢都冇得話事嫁
買到樓主唔洗開po

係呀 跌到發展商蝕住做 求小虎哥救市呀
發下夢啦硬淡
反正跌你都買唔起

唔好撻啦，收樓後先自住enjoy下新樓先，到有需要換兩房時咪放租呢間一房，租康城兩房囉！

一手買賣唔同二手 有好多付款方法
簡單講臨約一星期內有繼續付款行動 俾印花稅 唔一定要再俾訂 就自動變正式買賣合約

Lp6二房500實呎6百幾萬中低層都唔少選擇
對比二手市場其實無咩升跌
不過樓主擇咗最細一房高層

信班未睇過樓仲同呀媽住既兒登廢淡

你地各自收入係？

唔好撻啦 LP6都叫做地鐵站上蓋 樓下有大商場 過多幾年配套應該幾好 買咗唔好諗咁多話驚跌 俾你撻完再抽新樓你都唔知買唔買到 慳返啲錢設計下間屋點樣偷位將來小朋友出世點住好過啦 我自己買咗白石角接近$19,000/呎都未驚 你驚啲乜

白石角19000就有d驚喎

你都比左啦 如果升番你又dum春
慘得過我 7年前 樓市未升果陣賣左 賣完又過左幾個月先升

如果照買 樓市繼續跌 可能會俾人call loan

所以樓主放心去俾尾數啦

我自己都無諗咁多唯有同自己講發展商係好野層樓有質素過中國乜乜個啲，同埋個環境係幾正既

我地都係決定上咗車先，真係最多過幾年就放租，出面再租，因為我個人工就過唔到壓測去買過個兩房嫁啦，我地都預咗有機會十年先放到，就算平放都叫做供咗百幾萬咁諗，又儲到舊錢，到時再換間同區兩房。
係香港生仔個仔真係好慘，相信係未來有樓已經係對佢最低嘅保障。
再次好多謝各位咁真誠嘅留言同意見，你地都唔好再開戰啦

共勉之！

供到就照供啦。我都買左1房大西北。 都有諗過你諗過d問題，但自己又唔係咩經濟勁人。間屋仔自己鐘意，又搞得掂未去馬。唯一唔同係無諗住生bb。未來野無人知，自己都想有自己既地方。依家諗下點装修好過。

又唔係好輕鬆，但又未去到捱麵包嘅，頭幾年無得去旅行囉主要，因為都問父母借咗啲錢for買樓同結婚，還哂俾佢地就會輕鬆啲，雖然佢地無逼我一定要盡快還，但我自己個心唔安樂，但我本身就使得唔多錢嘅，車費幾百、日日帶飯間唔中出街食一個月幾百，睇下戲買下零食幾百咁，未來幾年可能會睇少啲戲，除咗還錢都要儲返啲現金返嚟，過多幾年人工再高啲，錢又還哂，又有返流動資金就真係輕鬆