新盤撻訂問題

你一房幾大？我嗰到個廳基本上擺完梳化就擺唔到電視櫃一定要掛牆，如果唔係好逼，不過我2020尾先收樓到時再算

都俾晒訂又簽晒正式約，供啦，不過要有心理準備，住新樓有會所其實都不外如是，你一定要覺得層新樓有投資價錢先唔會覺得蝕水位

咁要同奶奶住多幾個月

你個7頭反手狗買左天水圍邊個盤呀

有啲咩事都係自己決定，自己覺得承受到個結果咪撻/唔撻，就算撻都好，基本首期同佣金就真係要賠俾發展商，差價呢啲咁爭議性既野你都係問律師好過

跟呢度經濟學家既留言而決定去撻，同你當初信agent 講樓價升不跌一樣咁蠢，呢度好多高手經常性話樓價唔抵唔抵，但自己就可以日日撳兩粒制係股市賺到六位數返黎

我勸你呢方面既野留返同伴侶同屋企人坐低慢慢傾清楚好啲

一房350度啦。都放到梳化同電視櫃既。係到時收完樓想睇下可唔可以做到間閣仔係頂。因為個樓應有3.5高。不過要唔要入側我就未睇。
加油一齊供樓。我都繼續同奶奶住多幾個月。不過好彩係佢屋企人都好好

350好好多，大幾十呎就係大幾十呎

不過平心而論，康城其實唔差
到你入伙果陣其實巴士站已經起好，商場就差唔多起好，等多少少時間周邊設施就已經完善左好多
康城之前最大問題係隔離堆填區會收家居廢物，啲臭味有機會係果度/沿住垃圾車條路傳到上黎，但依家停收左，你入伙果時乜味都散晒啦
雖然我唔係住係將軍澳區，但之前都有留意過下，都幾like 呢個位置

調轉諗，康城呢個位置幾實係幾好。交通又方便。就算遲下要租俾人都容易。

公道講句
未入就實叫你等下先
但而家錢已經比左出去簽曬野個opportunity cost完全唔同曬，而家先投降真係分分鐘輸一半
入左就安份守紀同埋好好記住，買樓唔好諗住可以拎層樓黎發達既心態去買
有呢種心態你今次唔中招，遲早都會再奶野

老實，唔撻好過撻。
你出去行一轉啲所謂跌價，望下自己仲買到咩盤先。
信新聞會死㗎……
如果你見到間啱心水，你又撻完又有錢買，咪GOGOGO囉。
當然，你想改地區，住大西北，去上源、天鑽，一定住大啲，但地區同配套啱唔啱你先？
都係果句，自己行一轉二手，睇下個市先啦。

好多港女都見龜密條仔買左樓，就係咁水自己仔去買....

真心講，自住樓唔使理樓市，供得起繼續供，如果個市大跌，應該再買，用來等升值。現在要做既野係努力工作，搵多筆首期，大跌就係發達既機會，唔跌就繼續自住打個平手。

其實你知唔知天鑽點解開咁平？
附近乜都無，揾間七仔都無呀
巴士又無，行去MTR要28分鐘
你估發展商開善堂？係好野會開$12900均價？

康城至少係地鐵盤
商場、跨灣大橋、將南隧道起緊
呢d咪前景

你又會話我吹奏
但叫你介紹返天鑽前景又講唔出

純粹買大少少空間唔洗買天鑽啦
又殘又舊嘅嘉湖細三房都係500萬左右咋嘛
人地起居飲食配套仲齊，洗乜買天鑽？

抽唔到根本乜都唔洗講
加上買兩房就要4成首期 (唔贊成借二按)
相信樓主買唔起啦

無知問
咩叫撻訂？

舊唔舊？
睇過大西北d樓好多好舊
我都係冇諗過生小朋友，係想有地方二人世界

傻一次好 唔好傻兩次 17000$自住供得起咪撻

天鑽賣唔到$17000只係因為市況逆轉

市況係其一
但發展商開價點會唔考慮埋樓盤本身條件？
唔好玩啦

買咗御半山一定蟹
但論周邊配套+發展商品牌
御半山就算而家開價都會高過天鑽

我都覺照供啦，後悔都無計
佢講減價應該係講啲新盤，個勢唔減根本去唔到貨

如果市況好，天鑽實開17000，而凱匯兩萬三無走雞

撻訂賠雙邊佣
依到都十零萬左右啦
老老柒柒你撻訂 個經紀最開心
佣就收左 唔賠就告得你
簽臨約個下 已經落左袋