如果你係莉莉，你會揀詹姆波特定係石內卜？

好多人都覺得詹姆欺凌石內卜既原因好似一般中小學既MK咁，透過傷害弱者黎獲得滿足同埋快感
但當時既背景係佛地魔已經公開活動，宣揚反麻種既巫師優先。石內卜係學校已經表現出對佛地魔既支持同埋對黑魔法既興趣，已經俾人視為准食死人，所以詹姆先咁敵視石內卜，詹姆一開始針對既係石內卜既立場多過係佢本人
如果詹姆既本質係一個惡霸，佢身為純種二世祖更應該加入食死人黎欺凌麻種，更加唔會繼續同路平海格做朋友，雖然對石內卜既行為過左火但係動機可以理解
莉莉點都唔會揀石內卜，就好似莉莉咁話石內卜群埋班食死人到，雙方既分岐只會越黎越大連朋友都做唔成。同19世紀個陣，一個黑人女姓唔會考慮一個加入3K黨既白人一樣

其實唔明點解石內卜走去研究黑魔法，詹姆就要去欺凌人哋，其實關佢咩事？噉走去研究核彈班科學家咪要俾人批鬥？

同埋，又話知識無分對錯，噉我係鍾意研究黑魔法都唔得？如果間學校唔想班學生研究黑魔法，應該一早收埋晒黑魔法啲書啦，噉即係話黑魔法其實都有佢嘅存在價值，例如話黑魔法防禦術，我都要知道啲黑魔法先可以知道點樣應對點樣去擋，所謂知己知彼百戰百勝，噉詹姆唔鍾意黑魔法係佢嘅事啫，點解連人哋研究黑魔法都要管，走去欺凌人哋？