如果你係莉莉，你會揀詹姆波特定係石內卜？

係因為佢呀媽姓Prince同埋佢係混血
係翻譯嘅問題

翻譯問題?
唔係一語雙關咩
應該係石內卜覺得 Half-Blood Prince,又食字咁好型,所以咁改個名
混血通街都係,又唔見其他人叫自己 Half-Blood XXXX

aka 中二病

我嘅意思係佢的確唔係真係王子，但係叫做王子係來自佢媽個姓，當然係有一語雙關，書講當時佛地魔已經有個係叫Lord Voldemort，佢既醉心於黑魔法又覺得佛地魔好型，所以先咁改

明明係個油頭毒撚,FF自己又混血又王子

天狼星真心好撚正

揀天狼星

嗱呢個我唔作評論啦

但係講到點解Lily最後揀James其實書有講嘅
係因為Snape唔聽佢勸唔好接觸黑魔法又鬧佢mudblood佢先走
相反佢同James講佢唔鍾意佢恰人傲慢嘅行為，James就道歉同改善

我個人認為係聽唔聽人講野嘅問題

一睇就知石內卜真心同長情好多

不過女人一定係揀前者

書有講一開始莉莉唔鍾意詹姆,因為佢好自大,又玩鳩人咁
係去到後來佢收斂左,又唔'公開'玩鼻涕卜莉莉先同佢一齊

其實書全部有講

哈利老豆咁既性格都入到葛萊分多

其實點解石內卜同佛地魔都係混血但推崇純血
唔會好矛盾咩,咁佢地比人串混血時會點?

好多人都覺得詹姆欺凌石內卜既原因好似一般中小學既MK咁，透過傷害弱者黎獲得滿足同埋快感
但當時既背景係佛地魔已經公開活動，宣揚反麻種既巫師優先。石內卜係學校已經表現出對佛地魔既支持同埋對黑魔法既興趣，已經俾人視為准食死人，所以詹姆先咁敵視石內卜，詹姆一開始針對既係石內卜既立場多過係佢本人
如果詹姆既本質係一個惡霸，佢身為純種二世祖更應該加入食死人黎欺凌麻種，更加唔會繼續同路平海格做朋友，雖然對石內卜既行為過左火但係動機可以理解
莉莉點都唔會揀石內卜，就好似莉莉咁話石內卜群埋班食死人到，雙方既分岐只會越黎越大連朋友都做唔成。同19世紀個陣，一個黑人女姓唔會考慮一個加入3K黨既白人一樣

問呢個問題都on9
揀占士 石內卜會做兵
但揀石內卜 占士撚會做兵

同問
係咪藉以掩飾自己

有幾仇女先會吹奏咁既行為喺大情聖
食唔到先扮長情
人哋喺度嗰陣對你咁好你又唔珍惜話人係臭雞， 死咗先至永遠懷念你
仲要擺個弱者姿態出嚟 ，放喺現實世界睇真係好虛偽
睇下佢開頭點對哈里，同天狼星路平點對人
做朋友都唔得啦，仲想同你過人世?

half blood prince
咁中二病都有人吹奏

snape佢最後都係redemption先做間諜
佢後生果陣同恐怖分子無分別
醉心研究啲折磨人嘅黑魔法

james都係細個做過bully, 懂性之後一直企係最前線對抗佛地魔
係女人都要揀一個結婚, 點都唔會揀snape啦

改個名話tom riddle已經死咗
恰鳩啲人唔敢質疑

如果R.A.B唔係寫得少既話應該更多人鐘意
其實天狼星同佢細佬比一定係揀細佬
天狼星對同自己價值觀同意見唔同既人理得你係家人定點
但獅子亞爾發用自己方式去愛屋企人最後又為正義而犧牲
天狼星完任表現出佢對細佬既厭惡但書又冇寫佢細佬有咩反彈
感覺如果天狼星老婆同佢有唔同意見既會比人手起刀落斷關係
利伸: 四人組入面最鐘意天狼星 書入面形容佢個堆優點真係冇得輸
係衝動左D又帶頭蝦人 我諗佢個陣搞到石內卜差D死應該有後悔過?

差d死都係隻毒撚成日跟蹤佢地先走去尖叫屋，有無記錯？

其實呢個位我成日睇個陣都會諗係咪有bug
因為英國巫師有本書叫神聖二十八姓定點
寫低左碩果僅存二十八個全純血既家族 上面冇Riddle呢個姓
所以當年佢D同學應該知佢唔係純血 因為純血家族D人個個都識背本野
一聽個姓就知你係唔係純血
一係佢就呃D同學話係第二個國家既純血家族姓
更大可能應該因為佢當年班同學好多比佢說服到 成個家族都做左佢手下
之後佢改名又幫佢隱藏原本個姓
而其他人都會覺得佢吹奏得純血自己又咁勁應該都係純血大家族出身 大把祖傳魔咒個D 所以冇人質疑