低音雄渾,中高音沙啞,迷人到不得了,舞台魅力更加係王者。
早期既粵劇腔抑揚頓挫好有穿透力同霸氣,而復出後既唱腔簡直係升華,有人懷疑佢聲帶出左問題,其實佢自己講左換唱法,早期既歌佢好多都唔再唱,專注做新音樂。
林夕用四個字形容哥哥,舉重若輕,哥哥幾乎所有歌都係中低音,而且難度唔高,基本上任何一個專業歌手都可以唱到,但好可惜,觀眾一聽心中只浮現一個字「wrong」!
哥哥既唱歌技巧其實好深厚,只不過佢深藏不露,而且復出後選擇比以前隨意既唱法,舒服輕鬆渾厚既低音聽起上黎好似好easy,其實已經運用左無數既技巧,有技巧但係唔會刻意show出黎,唱每首歌都好似好輕鬆咁,舉重若輕,高手中既高手。
之不過將哥哥既「唱功」同學友、eason、克勤等等出名唱得既歌手比較,單係「唱功」明顯仲輸一截。我最中意既演唱會係拉闊,基本上哥哥成場由頭到尾都係到走音
,要麼在走音邊緣懸崖勒馬,但係到底點解?點解都仲可以唱得咁迷人,咁舒服,呢個就係愛上哥哥既原因