阿媽驗到有白內障

最緊要安全又做得好

睇黎而家白內障真係好普遍

我o岩o岩search過你個醫生 好似都有唔少人讚
雖然聽日先驗 我諗都係睇定D有咩醫生好

望住佢做會唔會好恐怖 見到人o地用o野整你隻眼咁...
不過我見樓上咁多人做過都輕輕鬆鬆 應該都無事
政府同私家價錢真係無得比 $2000搞掂哂
都係個句 金錢買時間
快d做完個心都安落D 又唔洗驚佢成日睇o野矇查查...

咁後生都有？

我阿媽係盲人輔導中心都check到有白內障
排半年，一隻眼14k

要有嘅幾歲都有

原來係咁
我睇過報導果陣話40歲都可以有
不過唔知係可以無分年齡

14k 都要排半年⋯
俾多少少私家一星期就有得做⋯

當年過程係咁

瞓係手術床有塊布冚著塊臉，眼位留番個窿望著天花板，跟住醫生話播音樂輕鬆D。

姑娘就係眼附近查麻醉藥，話打針無咁痛，之後就係眼一頭一尾打針，會見到枝針對埋嚟。打完針繼續望天花板，個頭唔可以轉。

醫生同姑娘係旁邊整野，唔知做咩。
過左陣，隻眼望到好似變晒全部細細塊玻璃碎，好似萬花筒但係得綠色。
好快D 玻璃碎又唔見晒，望到好似濛咗霧鏡咁。
跟著好似有塊嘢係眼前揚一揚，唔再濛好似清番咁。
醫生就講 OK 手術做完。

全程只係覺得醫生姑娘係頭附近 (唔知頭頂定左右) 整嘢，係 Sense 唔到有嘢掂住個頭 or 眼。
你去睇牙醫洗牙定其他，你會 sense 到佢攪緊，由牙傳到個頭。但做白內障係好似完全無接觸咁，眼前只係望到上面所講嘅嘢，完全唔恐佈，唔會見到有工具/手係眼前出現 (除咗打針果下)。

成個過程係極快，當思考緊醫生做緊咩嘢嘅時候，佢已經話 OK 做完。

金錢買時間 & 健康, 值嘅!
若果一兩萬唔係負擔，快快手做咗，好過佢又成日諗，屋企人又成日諗。

白內障好普遍...
唔駛太擔心嘅...

佢好初期，好多年都冇惡化
只係醫生話做左會好d所以先做
唔知係咪因為唔急所以等耐d

啱啱寶血驗完 話都好熟下
話下個禮拜就做得
知唔知袁紹華醫生做得好唔好？

白內障要生成先可以做，初期發覺有都唔可以做，要等佢生成先

白內障愈早做愈好
我呀爺都有 但拖左好耐先做
結果仆親

我媽係法國醫院做 好快手 一個鐘搞掂

個醫生話佢個白內障都幾熟 建議快d做
如果唔係白哂就好大獲
要做下個禮拜呢度就有得做
而家諗緊會唔會口度搞掂埋佢

前年老母做過

係旺角中心裡面做
唔洗入院

唔使太擔心，小手術
陪屋企老人家去九龍眼科醫院做過，好多人做，又好快手搞掂
可能佢年紀大，同醫生講多兩句就可以排快啲，如果真係嚴重可能有計傾可以問下先
計埋等，用左一個下晝都唔駛就冇事走得

有冇邊個醫生可以推介？

唔記得
但我個手術做得麻麻 所以唔開名啦

醫生名唔記得了
搵你去開既家庭醫生，佢地會轉介