阿媽驗到有白內障

有日同阿媽去配眼鏡
個視光師話佢左眼白內障 都幾熟下
要做手術 私家做就預兩萬以內
佢話政府可能會見得返兩成視力 會早d幫佢做
因為唔知轉介信係轉去驗眼驗到有事再排手術
驚排好耐 時間長咗驚手尾長
所以諗住去盲人輔導會度驗下先
但係打極電話都無人聽 留言又無人覆...
而家book咗寶血度驗
知唔知寶血驗眼o唔ok?
如果真係有事 係咪可以轉介去政府做手術？

排左政府先 再搵私家

之前係一間眼科診所做過
啲醫生姑娘都好好人架
雖然比佢地炒咗我魷魚

間診所係油麻地 叫寶視眼科中心
價錢都係15k-20k左右 醫生會睇情況
兩位醫生都好多人讚手勢好

你試下預約去睇
唔係打手 純粹想比多個選擇你

小問題

驗眼定做手術？
驚排得好耐呀

唔該你先
等我阿媽驗下睇下係咪咁嚴重
真係做手術都想搵個好

快搞掂就係

我睇過話手術好快就做完 但阿媽都60幾
係有少少緊張

啱啱check咗 話係愈後生做就愈大機會有
希望到時順順利利啦

第一眼睇到白內褲

BTW多啲陪吓媽媽
媽媽得一個 唔好失去左先後悔

而家係好普遍，媽媽仲有冇番工？如果有，政府會排你快D做

去瑪麗醫院 眼科排全港最快，唔好去九龍排

建議你即刻做咗先。白內障算係小手術，喺私家眼科診所做都無問題。
有閒錢唔放心可以比多啲book醫院做。

拖得耐理論上唔會對視力有咩大問題。最大問題係未做嗰段時間捱得辛苦，睇到嘢同睇唔到嘢嘅mindset可以差好遠。

利申 廿三歲 兩隻眼都做咗白內障手術
有兩年時間乜都睇唔到
拖咗兩年喺心態上嘅影響遠大於視力影響

我33歲都做左，小手術，休息一星期就得

其實真係好小事。唔洗將佢複雜化。
不過我無喺公立做過 答唔到你

係診所醫院做都得，30分鐘搞掂，價錢大約$15000

我係一隻眼睇近，一隻眼睇遠，兩隻都係單焦距

有冇買醫療保險

無返工呀

我見醫管局個網全部都排好耐

瑪麗排一年半，九龍最少3年
有錢咪私家囉，小手術來

因為阿媽唔想用咁多錢
所以佢想做政府
我就想佢快d搞掂 做私家都無咩所謂
始終老人家 隻眼矇查查 驚佢易跌親

我都想私家
年半太耐 因為個視光師話佢白內障都幾熟

有閒錢就排私家醫生做左去
我老母之前又係白內障，我問佢政府要等姆耐，佢話一年半後診先知
我直接叫佢去私家做，兩隻眼32000，前後3個月做晒
我姨丈就排政府，前後排左幾年先了事

視力幾多先 ，醫院 最好隻眼差過0.5先有得排