「就係咁,我哋最後兵分兩路:我同金仔負責係到等多一晚時間,聽朝一早就會離開;而個個學生妹最後亦肯一人退一步,同Sabrina一齊出發去實驗室先。」
隨榮叔向前走著,很快便走到車尾正微微透出光線的軍用卡車之前。
「本身唔係泊係B1㗎咩……」你小聲地自言自語著。
「依家嘅B1層已經變咗做緩衝區,當然,只係以防萬一。」榮叔把篷布拉開、一躍而上,你見狀亦跟著他走進車內。
「我依家可以做啲咩?」你問道。
「你識電腦嘢㗎嘛?」榮叔罕有地面露尷尬,指向一整排的電腦螢幕,「呢到就交比你啦,我要去準備物資。」
說罷,榮叔便向車外跳出,留下你獨自一人。
「唉……你估做得毒撚就真係乜都識咩……」你掃視著車廂內的一切,正疑惑著從何入手。
……咦?
你看到一旁的高櫃上井井有條地放著文件夾,側面又用貼紙標籤上一連串的數字。
「二零一八一二一三一九三二……」你把數字重覆唸著一遍又一遍。
二零一八年十二月十三日十九時三十二分。
你選擇照常進行榮叔交托給你的任務,先定位出麗琪和莎姐的位置(a),
還是被好奇心驅使,決定抽出文件夾查看一番(b)?
改一改啲時間
發現有bug