梳化倉，咁既情況重可以點樣處理

彈絞厚真皮3座貴妃真係要都唔出奇嘅

唔去茲曼尼買？

牛牛個邊同款起碼貴多3分1

岩先買左張，好舒服

係好正，但可惜佢唔做梳化床，真係品質保證

哇咁撚仆街

同樓主一樣又係12月收貨，分享下幫襯呢間野經驗

怕太長篇幅，講左結論先，呢間野永不錄用

當日收貨其實已經驗屍咁驗，到最後送貨佬走左先發現某個皮邊鴛鴦色，似爆爆地口，即刻打比送貨佬問佢位置，佢一句話唔關我地事，你打返去門市

咁我就照打去門市搵返阿哥仔跟進，最後千辛萬苦約左個師父黎拎支顏色補兩補就當無事

到兩個月前，即係坐左張野三個月嗰陣，左右兩邊都有聲，又係搵師父整，佢黎到都係收緊螺絲呀搵海綿填下位咁呀，望到其實都呆左，全程靠估，整既過程中套我說話問平時有無踩上去呀，用得好粗呀之類，好彩我算錫張梳化，知唔關自己事，整左成粒幾鐘，最後係無左聲既

就琴日又疑似有聲，放棄，再整基本上只係玩9自己

買嗰陣門市哥仔既語言藝術都幾精湛，只係全程聽落鬼鬼地，例如叫你收貨一定要驗清楚呀之後唔包，保養唔知得一年定兩年，又只包某樣野呀

其實最初考慮茲曼尼，但屋企太細差兩寸就係差兩寸，同埋梳化倉價格係茲曼尼三份之二，甚至一半，嗰陣諗兩間都未試過其實無咩所謂，又見梳化倉呢張尺寸價錢都同預算預想最接近

好彩呢張買嗰陣同自己講最多坐兩年，或者坐到搬走算了，黎緊呢張野都打算粗坐

公道講句，呢張梳化算舒服，但小問題小問題咁湧出黎都幾煩，講平又唔算係最平好平

建議不拘小節既人先好考慮，一分錢真係一分貨

一萬同8千幾接近都好，始終有距離

張野好似7千幾8千買返黎，呢個價位尚可

吐完苦水，有需要人士可以參考下