唔敢話咩心得,因為自己唔係咩高手
BW改版後我覺得比之前強,玩法變得要進取啲。
最基本就留意自己SM範圍,因為隊友唔會得閒留意。醒目啲/了解BW嘅隊友,會喺冇血時行近啲你,但多數都唔會理。所以要識點樣走位補到最多隊友。同埋而家痴住隊友可以食埋兵仔減Z技cd,得閒要食多啲。
天賦多數咁點:
2122232
Q技而家打中英雄會出多次SM,中得多補得多。所以最好能預判對方走位,不過我都唔叻
。由於BW唔硬,又行得慢,所以我通常都企得幾後,怕死。所以我lv4天賦點1,可以企遠啲丟q,打中嘅可補多下又可以減CD。
Z技我而家當係佢另一招R,所以加治癒量和加盾都會點。而家唔會隨便用,所以平時都要不停躝躝下咁跟住隊友。Z除咗救落單隊友,會戰危急嗰陣會用嚟當大補,之後接翡翠之風解圍(留意對方仲有冇斷法技,因為要唱0.5秒)。由於Z都要唱法,出嘅時機要睇準啲。回30%血再加盾,試過唔少次靠呢招救瀕死隊友再逆轉。
羊同翡翠之風都係好強嘅控場,所以R我多數揀翡翠之風多過閃補。
羊嗰方面,喺會戰初期我通常都會留意對方隻坦,睇下製唔製造到機會俾對友突入對方後排;中期,雙方啲血開始少,就留意下對方有邊隻仲係大大力,最威脅到我方,就控下佢減少壓力;後期,就梗睇下邊隻少血想走或者準備補血,羊咗佢等隊友收頭
大致上係咁,唔係高手都想請大家指教下,唔好屌咁大力