交通意外...

小弟琴日開工渣車撞親個老伯伯... 當時渣緊架開工貨車(中型貨櫃), 去到個交通黑點T字路口, 經班馬線既時候, 個老伯伯係盲點, 完全見佢唔到..跟住就撞到個老伯伯隻腳, 送院個時清醒, 家陣唔知咩情況.. 我當時開緊架車只係1x km/hr唔夠, 而且我無任何危駕既行為, 想問下呢到會唔會有巴打面對過呢D情況可以比少少意見我應該點做?...

我家陣個心真係好唔安樂...我想去醫院探下個呀伯...但我無佢資料, 打去問當時mark我個個交通警有無用?

我知道不小心駕駛、危駕以致他人受傷同危駕以致他人死亡係3條罪, 老實講我最多剩係會承認我不小心駕駛...而事實都真係.我朋友就話只要有傷人就會告我危駕, 但係我真係無...

最後再想問下, 最重既危駕會罰幾重? 我相信個伯伯應該唔瓜得, 因為送院個陣個伯伯係清醒既..仲有就係我家陣會比警察去告我危駕, 另外會唔會有機會個伯伯以後終身殘廢既話, 會再以民事起訴我呢? 小弟真心係好小心駕駛, 渣車咁耐以黎都無出過咩意外, 最多都係HI親人地架車賠幾千就算....

通常都會以較重罪名入你先
個阿伯無嚴重受傷既話
就告普通危險駕駛

「危險駕駛」

最高可被判處罰款港幣 25, 000 元及監禁 3 年
如屬首次被定罪，可被取消駕駛資格至少 6 個月；如第二次或再次被定罪，則可被取消駕駛資格至少 2 年
強制修習駕駛改進課程
記 10 分違例駕駛記分

如果你撞到阿伯隻腳殘廢
咁就危險駕駛引致他人身體受嚴重傷害
罰重好多

樓主我會去探你架

有人受傷緊係報左保險先喇

如果個呀伯瓜左
樓主咪

「危險駕駛引致他人死亡」

最高可被判處罰款港幣 50,000 元及監禁 10 年
如屬首次被定罪，可被取消駕駛資格至少 5 年；如第二次或再次被定罪，則可被取消駕駛資格至少 10 年或終身*。
強制修習駕駛改進課程
記 10 分違例駕駛記分

連登又短暫少左個巴打, 10年後連登再見?

坐10年/終身

你幾頭㾗架啦.....

睇個官架 搵定朋友同事寫求情信

渣貨車搵食搞到咁
不渣了

節錄自運輸處網頁：

「何謂危險駕駛？

司機駕駛汽車的方式，顯然大有可能對其他道路使用者、車上的乘客或司機本身造成受傷的危險，或對財產造成嚴重損害。司機駕駛汽車的方式，遠遜於一個合格而謹慎的司機會被期望達到的水平，及對一個合格和謹慎的駕駛者而言，該方式駕駛汽車屬危險是顯然易見的，例如︰

不理會交通訊號的指示
不理會交通情況
不顧警方所設置的路障／警務人員所發出的清楚指示

危險駕駛的例子
在下列情況下嚴重超速駕駛︰

沿路有多個以燈號控制的路口
沿路有多個急彎
沿路有車輛會從其他路口駛入

以下列方式「扒頭」︰

在有急彎的地方，越過雙白線「扒頭」
當對面行車線的車輛從近距離駛來時，越過雙白線「扒頭」
下列情況下衝紅燈︰

其他車輛已停下，而行人正在橫過馬路
其他車輛已停下，而來自其他方向的汽車正駛過道路交匯處
上述情況只是舉例，每宗個案須單獨研究，並根據天氣情況、道路情況和事發時的交通量等實情，判斷司機是否危險駕駛。」


有無車cam錄到事件經過？
如果影到個阿伯無睇車就衝出馬路
又或者影到你係路口有停車，留意路面情況，再開車個阿伯先出嚟

咁就有機會入條輕d嘅，祝你好運啦

殘廢既機會好大...但我真係無危駕..

屌你

報左...72小時內嘛

唉, 唔好亂講野啦巴打, 全人類集氣Pls...

殘廢左
係咪申請定破產都得

洗唔洗咁撚重呀....唉

真心一問...搵朋友寫求情信有用? 聽唔少, 以為係電情情節

唔好再上黎鳩噏，對你無好處
同埋搵個律師，無錢就申請法援

記住唔好再上網/公開場合討論依件事，所有你發表既嘢控方都有機會拎黎做證據

最理想係個呀伯清醒+唔告?
警察果面會唔會告

但阿伯民事唔追佢保險
警察都應該會照落案
同埋差佬見阿伯唔識可能都會教佢追

唔該巴打提醒, 我知

頂, 如果人地真係殘廢
咁真係比人告都無辦法

你翻睇晒車CAM片先啦

我勸你唔好上網討論
快手報保險同埋搵律師
唔好亂認亂答