[半條川藏線]稻城亞丁, 色達, 海螺溝

多數人行青藏線係坐火車
不過比較冇彈性，見到好靚嘅景都冇得停車影相
同埋要留意火車途經嘅時間，如果經過格爾木可可西里唐古拉山呢堆地方係已經天黑就浪費咗。

而家亞丁村有啲幾靚嘅民宿㗎
仲要對住仙乃日
今次住咗一晚，不過幾貴

哇, 你呢間好高質, 幾錢晚

岩岩先睇到你自己渣車去, 我覺得係大陸渣車真係要好夠薑先得, 佢地成日片黎片去 又鐘意爬頭

香格里拉鎮海拔低，住宿選擇多
又多野食，客觀條件係比較好

我上個月都係趕路晚上到香格里拉鎮，第二朝入景區，然後住亞丁村，第三日傍晚返到香格里拉鎮再揸車去稻城住（因為之後要比較趕路，而且稻城比香格里拉平啲）。

本身係千三蚊雙人房
個老闆娘 upgrade 咗我地去頂樓景觀房

老老實實
我反而鐘意喺大陸揸車多過香港
香港地揸車氣氛太緊張，香港司機又特別多戾氣 小小事就要殺人全家咁
嗰邊輕鬆好多，又有靚景睇，片黎片去爬頭都正常，始終都唔少車行，爬頭最緊要睇通條路。

川西啲路家下鋪得好靚，快揸慢揸都好，都絕對係賞心樂事。

屌我去個陣落雨

Lm

咁慘

我果個藏族司機住康定, 佢番康定果條路手車惡到

果時夜晚摸黑黎, 佢係個髮夾彎格硬過鳩部旅遊巴 果程車起碼爬左廿架車既頭

btw 除左臨尾番康定前果段仲鋪緊路之外, 其他路仲鋪得靚過香港

好想去稻城亞丁

日頭我都會快，因為川西好少影快相（啲白鴿籠都係假狗，龍門架閃下閃下就真嘅）。

晚上就正正常常慢慢行，不過如果有快車爬我頭會好開心，
跟得到都會跟，一黎自己都快咗，
二黎摸黑睇路其實係好 Chur 精神，
有前車做盲公竹會輕鬆好多😂，
不過有時啲車真係好快，會跟甩。
好佩服嗰啲本地車，真係好快。

我318入，317出
基本上兩邊川段嘅路況都好好

我係講緊條奪命斜好攰，我當然有上去
打算去既巴絲記得長線去左牛奶湖先

318 金沙江條橋冇左.....

樓上自駕巴打行緊果條就係川藏線 好似幾好行 完全冇大陸d山路feel

Btw 2個禮拜係咪一定玩唔哂稻城亞丁色達西藏 係咪最好分開玩

果度旅遊區, 大陸D公路鋪得好靚嫁啦
另外稻城亞丁+色達起碼都要食你10日 如果唔係會好辛苦, 要去埋西藏最好3個禮拜

Yes，都係上星期嘅事，因為上游位置堰塞湖泄洪，導致金沙江水位暴漲，沿住金沙江好多橋都被沖斷，G318 竹巴龍金沙江大橋係其中之一，家下 G318 都係中斷，入藏要兜 G317 或 G214。

今次冇去到咁西，不過 2013 年去過一次。

呢條橋好多人打卡，因為呢個位就係四川／西藏交界。

本質上都仲係山路嘅，
不過早年比較少水泥／瀝青路，比較多爛路，家下通咗好多新路同新隧道，有 D 地方唔再需要兜山，拉直咗好多，慳好多時間，
不過少咗上山，整體景觀係少咗，條路安全咗，傳統川藏線嘅刺激感都少咗。

如果想行川藏南線 G318 入藏，都可以落一落亞丁，
但就好難兼顧埋色達，色達就川藏北線 (G317) 過去好 D。
如果得 2 個禮拜就川西亞丁色達環線算啦，俾你去到拉薩都夠鐘返香港，中間仲有巴塘左貢波密林芝然烏墨竹工卡大把地方可以去。

你真係好熟川藏