角膜受傷真係好痛苦，大家好好保養自己對眼

你係咪睇張醫生

我依家就係煩緊做佐PTK, 會唔會做唔到lasik

但真係好辛苦

復發就算滴哂抗生素+鹽水+戴保護con都係唔舒服，keep住番發

做到，會眼乾，視力弱左
但打波安全左，生活方便左

Hello 你好啊，我岩做左PTK醫Rce，一個星期後覆診除左con 2日，但今日覺得好乾，仲好似有時眨眼覺得有粒野係眼入面un住咁，好驚又再黎過但覆診又要3星期後，想問咁樣正常嗎？
另外醫生都只係開多一星期假我，咁我呢段時間係咪都唔可以洗頭化妝？

巴打養和做ptk？做完要幾耐先好返哂？

做完會唔會好似我咁覺得有粒野係眼入面每次眨眼都好似有d野咁架？好驚手術做埋都搞唔掂日日係度擔心

ching 想問ptk係咪門診小手術？
我都有rce，睇醫生話可以做個小手術
起咗塊皮等佢再生過
但就會好痛同要抖2-4星期
因為我個痛唔算好嚴重所以佢唔太建議我做？
想問吓佢建議嗰隻手術係咪即係ptk？

唔一定架，因為起左皮有可能係就咁即日係診所整，佢就咁用棉花棒了了了，起左個皮等佢重新生過，呢個我都有做過，但成效不大又痛死，有個學術名但我唔記得左叫咩名了，之後佢就會幫你戴返個con (治癒性)避免眼皮同角膜再有接觸磨擦，大概一星期等你既角膜生返先會除對con，我自己係做完之後痛到pk，係行路都行唔到要人真係扶住仲要痛到連右眼都開唔到，之後個幾日我真係只係訓係床上乜都做唔到，手機真係最多用到5分鐘左右就要休息，痛過我做手術十萬倍，仲要都唔平，你預至少幾千蚊啦。我之後上網睇返都有講過復發率高

巴打如果你本身唔算好嚴重又唔太痛最好就乜都唔做，但記住要成日滴眼藥水，尤其係訓之前，醫生都建議唔使做就唔好做住，因為其實真係可以自己好返，睇過其他Post 都有巴打有rce靠自己好返，我自己其實都係隔左大半年先再復發，但講緊有d人真係復發得好密個d就真係要做手術。

你有咩問題真係可以係度問，當然最後一定係睇醫生問專業意見最好，我唔算好熟但係我真係都叫經歷過幾次，最後決定做手術，同埋我份人好中意上網search 野，所以有關呢個問題所有post 同資料我基本上都睇過。

我問咗agent同醫生 我份保險有包呢隻手術
我淨係想好返渣
我日頭都狂滴眼藥水 同瞓前都滴足同搽足藥膏
有時中途醒咗都一定滴一滴先再瞓
但每日朝早都會少少痛
流10-15分鐘眼水就冇乜事
一星期有1-2日朝早起身係超痛
我唔想每朝起身都擔心
因為真係好影響 有時痛起上嚟真係咩都做唔到
醫生都有講我個情況唔嚴重
如果有日發作好痛先考慮吓即做
都有講過做完嗰日會好痛
我諗住過多排都係咁反覆就做一做佢trytry
希望會好返
你真係答得好詳細 多謝你呀

如果保險有包呢個手術，而你又日日起身都會痛咁仲嚴重過我喎，我會覺得你做手術好d，不過記得係要做ptk手術先會包保險，有另一隻係叫prk 手術做法差不多但係會加埋矯視近視個d問題，呢d保險就通常9成唔包，因為近視唔係病黎。同埋如果想整埋近視會再割得深d個risk 都會大dd 。

好老實講呢個病一但確診左就好難好返，最多係復發得冇咁密，我見有巴打好返，不過真係經歷左好長時間慢慢減低復發到最後好返咁。如果你想盡早終止呢d痛苦都係要做手術。

保險個度記得問清楚如果自己之前有呢個問題仲包唔包之類，當你決定好要做手術再去睇醫生，最好就揀定邊個醫生做，因為我第一次係中環睇女醫生，但覺得佢有d hea，個度都使左成千蚊，到最後想係養和做手術點都要再畀多一次錢睇醫生，醫生決定你情況岩唔岩再擇日做手術。所以每次轉醫生又要畀多千幾佢睇

如果你有保險，最好當然係養和做啦，服務一定好十倍，價錢貴少少，但所有配套都係好十倍，我係中環睇就話萬五蚊做手術，直接診所度做，好多人，冇姑娘得幾個，冇乜人理你連坐既位都唔多，養和就有姑娘全程跟你，同你好仔細交代所有野，有個自己既area 做完手術坐底休息下咁，不過養和就海鮮價，唔同醫生開價都唔一樣，呢點都要留意返，我自己就兩萬五左右埋單諗返真係貴唔少，但睇醫生係同中環差不多每次一千左右，千幾蚊包埋藥。

仲有丫，如果要返工返學，最好預返時間，做完個一個星期最好就請假休息，雖然我做完冇乜點痛，但始終都係有傷口我個幾日都好聽話休息唔洗頭洗面，水龍喉水唔入得眼，set alarm 提自己定時滴藥。記住呢個手術唔係一勞永逸架，一來佢都有1成機會既人會復發，二來始終就算一兩個星期後個角膜生返，但其實佢都仲係好脆弱仲未去返原本既厚度(大概一個月左右多先會夠厚好似係)，所以你都預返自己既工作行程會好d。

原來我騎劫左人地個留言，唔好意思

我1月尾喺養和做完smile
服務係好 但覆診個醫生次次都好趕
可能真係太多人睇 比我感覺有d hea
到5月隻眼有事返去睇
都淨係話我眼乾滴多d藥水就冇事
之後頂唔順換咗幾個私家
去到而家呢個好細心 諗住過多排有時間做埋佢
前後覆診都覆咗6 7千
錢都唔算咩大問題 係覆極都未好先覺得困擾
有時覺得呢幾日有好轉但第日起身又痛返
搞到個人真係好灰

如果你覺得而家個間幾好就照而家個間最好啦，其實覆診都冇用架，除左畀藥水你滴之外乜都做唔到，如果好困擾快d做左手術去仲好，我岩做完2個幾星期，對眼易乾d之外都冇乜野，有時起身會覺得乾，太乾會覺得有少少野un眼咁，但一滴完藥水又會好返，暫時都仲ok，希望可以完全好返我自己都好怕再黎我好明幾咁困擾，其實做完都好多擔心不過我呢排訓醒已經感覺冇好似以前咁要慢慢開眼個種感覺，唔知係我心理上以為定點

我做過smile，個醫生唔suggest我做ptk。
因為再打薄d有機會太薄，變錐型角膜。
ching係咪做ptk？

好欣慰隔左咁耐個post依然可以幫到其他人， 多謝咁多位提供資訊同意見既巴絲打。

唔記得，不過應該兩日後番工

我係做ptk，但係我知做矯視會有可能打薄但係ptk好似我理解既係雖然係會整薄，但只係暫時性會生返，而且ptk係可以唔止做一次。不過既然醫生有咁講當然聽專業意見，我都好驚自己有錐型角膜定唔知咩，個時係養和做檢查佢話我左眼眼壓定唔知咩野個數據有少少偏高，會有機會有，不過醫生話可能係隻眼個時唔舒服先咁樣都有可能而且只係一個小警告叫病人注意下咁，所以就冇理。

咁巴打你未做smile 之前有冇呢個問題架？定係因為做左smile 先搞到咁？

1月尾做smile，一直冇事到5月第一次痛
呢幾日又冇事，問咗幾個醫生又話未必關smile事
話好多深近視眼都係有多啲毛病
有啲人冇做smile都會有呢個病
咁啱右眼本身近視都深 8 900度
不過自己就形住關事
我係養和張叔銘醫生做
咁啱又話做完之後右眼做損咗
要戴一日軟con 不過都冇計 唔做都做咗

眼壓偏高有機會有青光眼
橫掂都係順便一次過check埋
不過青光眼檢查好似唔平
今次瀨咗嘢之後都好擔心身體
所以上次都做埋青光眼檢查

個醫生食依家想我得等角膜好番，度數穩定佐先做ptk + prk

但我上次病發完次之後已經睇野矇佐1個月

依家每晚要搵eyepad + 膠紙封印住隻眼先訓得覺

因為之前戴佐2星期 contact lens 繃帶，去覆診換另1隻，換完第2日又紅哂，番發黎過

pm la ching, 同1個醫生

夏天你應該好些，無咁易傷，都係要等傷口埋左做。做完PTK，等九個月再做矯視

唔係ar, 醫生話ptk已經做得,但要做埋度數prk, 就要等睇野滿清番哂

但自從上次番發已經矇佐1個月,之前又每1,2個月就番發1次都唔會咁

1516 緊好唔好 唔做度數

醫生比佐隻鹽膏Muro 128 同鹽水我用，都成半年

但睇多個醫生又過話用鹽膏只會愈用愈乾

叫得我唔好用 唉

我果時做左PTK,等左九個月再做lasik, 效果係無悔
你驚可以睇多兩個醫生，拎second opinion
我果時睇左公立(瑪麗/葛亮鴻), 銅鑼灣某間眼科，養和(姓張)

你講邊個係同一個醫生先

U