我媽返工跌斷隻手，勞工處咁判合唔合理？

我媽之前返工，跌斷右手手腕上少少個到
做手術後因工傷休息咗半年，醫生就唔再比假，叫佢返工。
其實佢右手依然用唔到大力，攞重嘢都唔得，間唔中仲會覺得有啲痛。
佢係做清潔，而家返工都係暫時避開咗粗重嘢，例如拎唔到大水喉個啲。

今日收到勞工處關於判傷後賠錢封信，計返唔夠3萬（佢本身底薪係得1萬2到）

我想問下大家，3萬呢個數其實正唔正常？因為身邊冇親朋戚友問，唔知可以點
其實我好擔心佢隻手，遲啲想帶佢睇物理治療。3萬蚊都唔知睇得幾多次

請問我應該點做？上訴？大家有冇例子話我聽成功率高唔高？感謝大家

有冇永久傷殘? 有嘅幾多%?
接受左判傷未？ 未就揾醫生上訴

未接受，啱啱先收到信
所以我係咪應該搵醫生睇，攞證明？
有冇話搵咩醫生好啲？例如直接睇骨科比較好？
thanks

再睇醫生 再攞病假
你直睇骨科都冇用 要叫家庭醫生Refer
判傷係勞記負責 要上訴 通常上訴完個金額會大D
同埋賠舊錢好似會扣工傷期間病假份糧 (4/5人工) 你唔明再打上勞狗處問 煩多幾次就ok

搵工會幫 呢dcase除左法定賠償， 通常可以告返僱主疏忽， 例如冇提供合適裝備令我仆街。

同埋你個case,. 賠左出黎永久傷殘係幾多個%

合理，你老母又唔係國家級網球手

如果佢老母係日工，個判傷好撚離奇，出奇地少

所以返工唔好搵命搏，香港勞工法例係幫雇主、保險佬

跟過幾單工傷，好撚慘，斷撚左手指都係賠勁少，但活動能力就冇一世

賠咁少 你跟開 會唔會係你問題
我朋友係維記牛奶廠 係咁易整親條腰都拎足2年工傷 最尾仲收30萬尾數

後生加日工加一個月返得幾日
又冇人識佢

慘撚到，老左肯定一返風就勁痛

thanks

係咁睇醫生，係唔係都同醫生講好撚痛，不段loop

法律界人事講我知work

我聽過告完個僱主後，好容易比佢炒，係咪真？？
我媽年紀唔上唔落，如果唔好彩炒咗佢就好難再搵工，但又未咁快退休住

唔係日工
想問下你跟過啲case最後係點？有冇上訴？

會唔會係因爲腰重要啲所以賠得多啲？

應賠償300萬先岩

通常你要告既話 都會唔撈/仲放緊SL

勞工處判傷完覺得唔合理可以再上訴 另外果3萬蚊有冇包埋SL左半年既4/5糧?

想問下你知唔知佢係一開始就賠足咁多定係有上訴？thanks

屌， 你表格7判左幾多%呀， 大佬你唔同意要14日內上訴嫁

同埋清潔工唔打呢間咪轉另一間囉， 爭取自己權益都唔去做扺人恰

我做開二判 我公司黎講 暫時賠得最多係 整親腳趾....
上家話唔報勞記 條友1年拎我80萬

樓上巴打講得啱 要睇永久傷殘幾% 其實要睇醫生報告先決定賠幾多

點樣因工受傷呀
成件事係點整到呀