濕疹唔好生小朋友

同巴打一樣，由細睇醫生睇左十幾年都未試過好過，最嚴重既時候係連手都唔可以伸長，街都唔敢出，因為驚比人望住

之前試過睇政府專科睇極都冇效，再加上每次一嚴重佢就比類固醇我食，食類固醇係好，但停左之後就一定返發，所以之後就冇睇

依家睇緊親戚介紹既大陸醫生加做下gym，希望情況有啲改善

同路人
你並不孤單
我日日都問自己係咪做錯啲咩
每一日都係捱緊

加油💪🏾

樓主幾歲？
我自己細個都有 又係手腳關節位生
但大個左之後就冇事
以前睇醫生都係話大個荷爾蒙調整好就自然會好

不如去下日本住一排
好多時係氣候同空氣品質問題

夜晚痕醒

巴打信我,一定有得救.
我係天生就有濕疹,以前bb果時飲奶粉出到成身都係,屋企要買無敏比我飲
跟住小學好過一排。
去到中學,生活習慣差左,成日飲凍飲,夜訓
生到手,腳,後頸,西利到生到臉到
搞到無曬自信,睇過無數中醫都係唔得
最後睇左沙田一個醫生,佢處方左d維他命同埋無類固醇既藥膏
其實都係d普通野,藥房都配到,但係茶左一個禮科就無事,好神奇
仲比左幾千蚊做左敏感測試
驗左過百種食物邊d係致敏

到宜家都無再大翻發,只係有時夜訓or食錯野就係手肋位起少少,睇下中醫食番兩劑又會好番

所以建議有濕疹既巴打睇左西醫先,一定會好好多,仲有手尾既通常都係生活習慣問題,有濕疹既抵抗力同腸胃實差D,最好戒凍野同甜野

中醫係無撚用的

我同樓豬都係天生有濕疹,天生型濕疹通常都係有致敏原,一定要搵西醫check

你食幾多中藥都好,keep住食對身體引起致敏作用既野食,都係唔會完全好曬

我睇西醫之前都唔知睇過幾多所謂有料嘅中醫,叫我戒凍戒油戒糖,病情都係翻翻覆覆

我試過幾個病都好有效喎(睇完西醫冇效之後)
你睇個幾多個中醫先，我睇開嗰個好撚勁

本主題可能正在討論有關「自殺」的內容。
若你需要進一步協助，可致電以下求助熱線：
https://lihkg.com/help/suicide-crisis-helpline

I feel you ching
以前諗點解呀爸呀媽要生我出嚟活受罪
Btw 有冇試過中醫？我食過幾個月藥 感覺好咗
同埋自己戒咗食肉之後皮膚都好似好咗 雖然轉天氣都會翻發
雖然體質呢啲因人而異

我3年前有個暑假開始復發
就係食完包東東鮮蝦雲吞皇
細個試過睇中醫斷尾
呢3尼接連睇過西醫同中醫
夾埋至少都嘥左$25000
最後決定索性唔睇
因為老實講 濕疹睇醫生只係控制
特別係類固醇 只有短期效用 一唔搽好快又痕返
除非去到好嚴重好嚴重 先拎類固醇當急救咁用
最緊要係飲食習慣 牛蝦蟹羊盡量少食
但唔洗禁得太過份 久唔久食餐邊爐放題放鬆下都好
同埋戒糖同做運動真係好緊要
糖係萬惡之首 唔多講 做運動係為左無咁易出汗
等皮膚都可以舒服d
頂住呀chinggg 要停用類固醇呀

未睇西醫之前
平,貴,煎藥,沖劑,天灸都試過,最長好番stay到一年

每個人身體特質都唔同,對中醫治療個效果都唔同
可能我自己係天生就有濕疹啦,中醫未必一黎就有效

都恭喜你搵到醫好自己既方法,你睇開果個中醫係邊度,分享下?

可能幫到你，有video

http://hambowbow.blogspot.com/2017/05/endolysins.html

建議你睇中醫

幾歲 未夠30可以試下 wh
除咗可以試下換個環境
仲可以擴闊你嘅眼光 唔好成日咁峽窄 一來就想死

濕疹其實唔係遺傳
係你腸道有問題
你注意下飲食
飲多啲水唔好飲甜野
去搵個正確方啦
冇可能一時三刻就即刻好
試多啲方式總會搵到解決方法既

上面話濕疹唔係遺傳班傻鳩黎，隔代遺傳都有呀，就好似我婆婆同爺爺本身都有濕疹嘅，到我爸媽嗰代無事，黎到我呢代係搞到我同我兩個妹都有

巴打我明你感受呀，濕疹最辛苦其一係又痕又痛、夜晚瞓唔著之外，其次就係出街會被人注視 尤其係朝早搭地鐵返工嗰陣，人多又逼想匿埋都匿唔到
最嚴重嗰時我係連由月台搭扶手梯嗰時，人多要慢慢排隊行都驚，驚俾人見到我個後頸紅曬...嗰種心理壓力真係好大

但自從我真係開始戒口，再加埋睇中醫食中藥（濕疹真係得中醫先醫到，起碼我經歷係咁）差唔多兩個月，濕疹先慢慢退落黎
牛羊鵝鴨嗰啲唔使講一定唔食得之外，第二係雞蛋牛奶，包括埋佢地啲製品（麵包餅乾），第三係精製糖（一般零食，即係糖果同朱古力），糖真係好緊要，早排我見好返少少，口痕飲左兩支益力多，又即刻黎返料

所以一定要戒糖呀

睇落好似話乜撚都唔食得，人生無曬樂趣咁，其實我個方法係食水果代替零食（每日狂食蘋果同提子），慢慢你就會發覺其實食水果都可以解決嗜甜個慾望，同埋你可以同自己講，keep住食咁多水果，身體係一定會慢慢好起黎，當俾埋個心理支持自己

其實濕疹係真係會控制到，我就係過來人，由全身濕疹包括臉、額頭、頸、手，到經歷類固醇反彈（類固醇係死賤精黎），到而家起碼出得街見人，過得返叫做正常生活

加油呀巴打，有呢個長期病之後，我慢慢明白到其實健康嘅人係無可能理解我地有幾受苦，我亦都唔逼佢地理解了，自己身體自己負責返就好，同埋最起碼係我，經歷過呢啲野之後，可以同其他人講返做啲咩野會有幫助，已經係對自己一種補償同安慰黎，好似我生病，自己好之餘亦都要帶返其他人好

巴打同其他有濕疹嘅人加油，我支持你

我個人經驗覺得有樣野好重要
就係要注意塵蟎問題
塵蟎係一樣好易令人過敏既生物黎

香港濕度又偏高 氣溫和暖
天氣特別適合塵蟎滋生
特別係係你張床

所以呢樣野無得懶
床鋪同枕頭套要經常洗經常換
講緊係每星期都要換
可以既話3,4日最好換一換

床褥最好搵吸塵器吸下
將人體的皮屑吸走減少塵蟎的食物

希望幫到你

濕疹呢家野真係久病成醫，講咩戒乜戒乜係廢話，我之前好嚴重個時冇食牛、咖哩、海鮮一年，每日飲成桶水，咪一樣嚴重到PK，著長褲個時個腳較位係出水出到條褲會濕，出汗又痛，沖涼又痛。
前前後後搞左我六年，終於搵到方法斷尾。而家偶爾乾燥會痕，但已經控制到一兩日就會唔紅，同埋唔會流膿。
至於點斷尾有冇人想知？如果有我開個post 同大家講。sorry for TMI.