濕疹唔好生小朋友

所以先話西醫係唔識醫濕疹
protopic , pimecrolimus都一樣只係治標，冇類固醇，但停用一樣翻發，而且好貴，長期亦可能慢慢適應變冇效

濕疹係根本唔應該睇西醫，冇人識醫

有無試過搽精油呀

生完先有 咁係咪要時光倒流返去

我好憎我自己 點解由細睇醫生睇咗10幾年
啲濕疹好翻又復發 壞下又好翻咁
啲手手腳腳接位痛到郁唔到
搽類固醇搽個陣會好翻 過一排又只會更加嚴重
不斷搽保濕都無用 一樣痛到仆街
呢排天氣就算我無r都乾到流血
仲要手手腳腳都係咁
好辛苦 一了百了好過長痛

我見你講有用過類固醇等抑制免疫系統既藥，而停藥時濕疹不停復發。你可以去我以下兩個post了解下類固醇或免疫抑制劑上癮嘅資料，我都係有濕疹並用過上述藥物上癮嘅患者，喺戒斷藥物10個月後我情況有好大改善。

我明白你嘅心情同痛楚，但唔好放棄，搵一個適合自己嘅治療方法。

濕疹、類固醇反彈/上癮、紅皮症、戒斷類固醇/免疫抑制劑
https://lihkg.com/thread/758201?ref=ios
- 分享自 LIHKG 討論區

濕疹、類固醇反彈/上癮、紅皮症、戒斷類固醇/免疫抑制劑（二）
https://lihkg.com/thread/881788?ref=ios
- 分享自 LIHKG 討論區

我唔係有濕疹 但我一熱就會成身痕到行唔到咁濟。 一曬，一焗 一搭地鐵 一開始做運動。。。直到全身都出曬汗先唔會痕。勁辛苦痴線。。濕疹都叫做有得醫下 我依種病好似成因仲係不明。我一年365日都會

GOOGLE 膽鹼性蕁麻疹

我老母有濕疹生左我
我居然咩事都冇
但就佢因爲呢個病同以前啲經歷影響
佢情緒都唔好 鬧人鬧到盡
佢又唔肯睇精神科醫生
所以我有大半原因都係因為佢而有抑鬱

雖然我冇濕疹但我之前抑鬱都幾嚴重下
我明白控制唔到成個狀況同被病折磨果種辛苦
影響晒生常生活咁

樓主唔好氣餒 我同你嘅病 雖然睇唔到將來 唔知幾時好返
但我覺得總會有冇咁辛苦嘅一日 可以同個病共存到

我老母之前都係keep住睇西醫 有叫佢試下死海鹽但佢唔敢試

好驚
諗起白馬嘯西風

睇明珠台電視節目話有一種濕疹係由於皮膚上嘅細菌失衡，令某一種細菌數量過多，無左互相制衡作用...
節目入面有介紹一種藥膏係不含類固醇，專門對付某種細菌嘅細胞壁，令佢繁殖唔到，從而回覆細菌平衡

有冇巴打絲打睇過？

有左十年，初時好輕微，前兩年好嚴重，呢一年有好轉。

總結幾樣對我有效方法：
1.認真同身邊所有人講叫佢地唔好教你做野。完全無視所有意見之後我心情好左， 有極明顯改善。D姨媽姑姐老豆老母廢up唔洗理
2. google 學wet wrap, 可以用最簡單既野(水同布帶) 加強保濕/藥膏效果。唔洗加新藥/成藥/偏方，風險低負擔輕。

你有冇正確用藥先，我就睇左成萬蚊中醫都未好番， protopic 0.01 我就買開360 30g, 對上一盒係半年前買重有半盒。

註冊中醫開消風散開蟲俾我食，食到我腸胃差晒發炎加重，佢束手無策重要收我$100 一日藥。重要每三日浪費兩個鐘生命去排隊改良藥方(改左半年愈改愈衰) 。

中醫根本標同本都唔撚識醫

Show Blocked User - 臭雞救世界 )

同意中醫有一樣野好黑人憎就係不穩定
10個中醫10個說法，所以衰啲講句只係搏睇得啱，但試係攞自己身體黎試 但的確有人睇到斷尾
西醫就好有系統，所以 train出黎基本每個醫生知識做法係唔會太大分別，而的確現有西醫下係唔識醫呢個係事實

首先第一樣醫者要令你識護理，盡量減低唔受影響生活。識護理，根治其實已唔重要。
我係人唔撚係白老鼠。
我睇開嘅主張唔洗戒口唔洗戒泳池水。

我想做乜就做乜，唔洗日日戒呢樣個樣再試偏方然後失望而回就已經對我有最好治療效果。

事實上中醫要證明自己work, 起碼要train到個個醫師都有行之有效療法。

現實係佢地生平唔知有冇醫好過一個患者，就左試右試，咁先叫唔撚識醫

可唔可以飛轉東京？
朋友有一年去左富士山間湖龍溫泉旅館浸過溫泉
之後果年冬天d濕疹無翻發過

問題係西醫只有獨孤一招，類固醇
用得多用得耐副作用係點我諗唔洗再喺度重覆，一唔用都一樣翻發，咁叫護理?
再唔係就得protopic,pimecrolimus呢兩隻非類固醇藥膏，前者係做器官移植先要用，兩者都有致癌風險(未被完全證實，仍有爭議)，而且貴(後者usd20/100g),停用又係翻發
再黎就係最近仍研究中未過美國fda嘅生物製劑，聲稱可斷尾，但又係好貴，每劑萬幾銀，第一年打3，4劑(視情況)，之後逐年減少
如果真係證實有效ok咁西醫 win,我都好希望出到個終極根治方法。但而家就係未知之素
咁即係西醫喺呢一刻嘅所謂治療方法其實仍存在冇效且大副作用嘅階段

濕疹原因可以係食物/環境/空氣/塵蹣敏感等等，又可以係唔知個免疫系統發咩癲
未清楚原因(而絕大部分濕疹患者就係點搵都唔知點解所以咁困擾)就話唔洗戒呢樣嗰樣係好唔負責任嘅講法

你keep住用類固醇 happy嘅係呢幾年，到有日要越用越冇效，要用更強度高嘅藥，副作用(皮膚變薄容易細菌感染，青光眼，高血壓/血糖，月亮臉，痤瘡，骨質疏鬆/骨折/骨枯，月經失調等等)開始浮現到時你先黎後悔已經番唔到轉頭

我唔係叫人要睇中醫，睇100個都要睇，反而我都有保留，效果有人好有人更差
但西醫我未聽過一個係因為用類固醇會痊癒嘅 case(而事實類固醇根本目的只係治標，減輕炎症，抑制免疫系統，作為過渡性令情況唔好惡化)

驗血驗清楚對咩有敏感反應，徹底避免敏感源先

我去過做faber test淘左成5600蚊
結果係所有食物都無過敏
根本個結果就唔準

我驗過都係對大部分食物無過敏，但發現左對塵蟎過敏，跟住用左D防塵蟎床具後有改善到
我覺得試下無妨

試咗bleach bath未

試下拍拖，有個女同學腳關節內側有濕疹，都幾明顯下。
早排拍拖，呢幾日都冇乜野lu

利申9up