1. 計計條數先
香港庫房而家有10919億盈餘，扣左5000億睇落有淨，但參考往績: 高鐵 (440億--> 840億) 超支兩倍 ; 港珠澳大橋 (762億 --> 1177億) 超支5成，所以保守估計，明日大嶼最後至少超支5成用7500億。咁睇落7500億重有3400億淨，但呢個結果係假設未來幾年市道一樣咁好。事實上，而家中美兩國打緊貿易戰，無論誰勝誰負，雙方都必元氣大傷，近期中港股市樓市人民幣都跌緊，如果步入左類似03年嘅寒冬，咁政府每年係可以虧損600億，所以明日大嶼加貿易戰 (未計其他支出，例如人口老化嘅成本),有機會令香港係未來 5-15年破產。
2. 咩人會受影響
破左產會發生咩事? 受影響嘅人比你想像中多，03年係政府破產/瀕臨破產嘅寫照。
-公務員(17萬人)，人稱鐵飯碗。但係當政府冇錢時，就緊係要開源節流啦，輕則凍薪，重則炒魷。睇返03年，由19萬裁到去07年嘅16萬，減左19%，而且03年唔請新人。你睇返近年警隊過度擴張，小販隊返8粒鐘實做2粒鐘，公務員咁多冗員，有超事上黎咪炒緊D人，一個人做2個人野囉。所以破起產上黎，在職嘅要擔心被炒，想入政府嘅唔洗諗啦。
-老師(中小學，大專加埋~7萬人)，同樣薪高糧準，香港本身嘅適齡學童已經減少，到時冇錢，咪取消小班教學，小班變大班，Cut緊D多餘嘅行政人員，大專嘅就Cut學位，Cut左D HD,，Asso，頹科佢，最後又少左人手需求，所以有起事都係等被人炒啦。
-醫療(HA~7萬6千人)，03年政府窮個陣，又係度減醫科生學位，到未來有事，做緊嘅就應該唔會被人炒，但讀緊書個班就要小心D啦，尤其時近年醫科生學位double，OT,MLT,Pharm本身就爆，咁醫管局比唔起錢請人，班學生未畢業先失業，做緊個班咪要頂埋多餘嘅workload囉，有錢都冇時間享。重有班病人，而家專科都可以排個兩三年，到時人口又老化，人手又唔夠，分分鐘等個5-6年，病死都未見到醫生。
-老人，窮人 (前者31萬人，後者23萬人) 上面講左，睇醫生就要慢慢等，咁至於其他福利，Cut曬就冇可能嘅，但係咩2蚊搭車優惠，醫療卷就可能 bye bye 啦。同埋攞綜援個班，政府冇錢咪比少D錢你地囉，到時三餐飽飯都未必有得你食。
-中產，有錢人 (185萬)，呢度係講緊要納稅個班人，除左上面堆節流之外，政府點會唔搵你地開刀
，到時少則查你地逃稅漏稅，嚴重咪加稅2-3%，基本法話要低稅姐，加完去到20%都重算低架 ，政府大洗，納稅人埋單。上面D數字加加埋埋，扣起double count，有成200萬人，3-4個人就有人奶野，就算唔係樣樣中曬，都人人自危，點都中幾樣，重未計有D人係經濟支柱，一個養三個。所以庫房冇錢真係一招地圖炮。
3. 例子?
上面唔係得個吹字，你地睇下之前破產嘅希臘，捱左十年緊縮措施先返到生，重要係有歐盟條大水喉係後面照住先冇事，但香港呢?中國貿易戰緊，點得閒理你。另一個例子就係委內瑞拉，因為政府嘅政策，令到佢由南美最有錢嘅國家變到飯都就黎冇得食，連日用品都要搶，留係度嘅就捱餓，走嘅就做難民(重要比巴西趕)。
所以簡單一句講曬，香港人唔做D野，就坐係度等冚家剷啦。
就算搏唔到最少都食好玩好呢幾年先再同成班人陪我一齊仆街
