黑大耳獸
2019-02-17 10:21:10
其實我覺得偽證case內幕無逆四牙琉(兄)講只係妒忌成步堂可以同佢細路對決咁簡單,嗰個黑鎖亦唔係四同五咁解。
以下係我FF作出嚟嘅情節:
牙琉兄可能係為黑幕頂罪或被要脅殺人。以佢嘅才智同經驗點會爆響口話藍色啤牌。就算係,佢係辯方律師師父,又係常客,大把籍口可以推搪。仲有一個律師邊到咁易可以拎到放五年都仲有效嘅管制毒藥,千奈美都要有個藥劑系男朋友喇。我估係有另外一個類似醫生或者院長嘅人,喺或真敷天齋嘅藥做手腳,令佢以為自己真係命不久矣,再佈局等天齋見完巴郎扎克兩人之後殺死佢(邊有人自殺會特登用魔術佈到他殺咁,咁咪會害死兩個徒弟,天齋嗰女根本未死,佢無仇恨兩個徒弟嘅理由),再令兩位後繼人反目。而牙琉(兄)為咗某啲嘢被迫同黑幕合作,必須令扎克入獄,但扎克臨時轉人,令陷害計劃會失敗,所以牙琉(兄)搵土武六做假證據,然後經美貫手轉畀成步堂。
牙琉會為咗咩犯法?可能係佢細路響也有關,例如響也可能有長期病需要食本地買唔到嘅藥嚟醫(唱歌嗰集嗰隻不治之症,波吉魯尼亞嘅繭),而院長透過走私拎到藥物原材料,為牙琉制藥,呢嗰關係可以已經持續咗好耐。
牙琉(兄)搵土武六做假證據,但其實真係落手嘅係真琴。所以為咗令怕人嘅真琴幫手,佢送咗樽指甲油畀真琴做護身符,但其實樽指甲油係牙琉(兄)個人物品,係由院長送畀佢,用慢性毒藥慢慢咁殺死知得太多嘅牙琉(兄)......
扎克最後走咗佬,因為庭上嘅事連巴郎都畀人當做真凶,成個魔術團都收檔。黑幕基本上成功咗,但係仲有扎克未死,所以留返牙琉(兄)呢隻棋,叫佢負責監視成步堂,一來阻止佢有機會翻身,二來防止扎克喺佢哋唔知情嘅情況下返嚟搵收養咗美貫嘅成步堂。牙琉(兄)就介紹佢去黑幕經營,以前用嚟走私藥物嘅餐廳打工,令黑幕可以掌握到成步堂嘅一舉一動。
十年後扎克真係襯巴朗復活或敷真敷魔術團嘅時候返咗嚟搵成步堂,牙琉(兄)被指示協助黑幕殺死扎克,然後喺庭上令成步堂坐監。以繼續換取救佢細佬嘅藥物,而牙琉保底地喺庭上出錯頂罪,以防深入調查會發現更多事情,確保藥物唔會被斷。結果成步堂成功逆轉,而牙琉安排嘅頂罪,成功轉移咗所有人視線,而入獄嘅牙琉以自己掌握對黑幕犯罪嘅證據,以唔爆真相為交換,保持住黑幕畀細佬嘅藥物供應,同時申請單人房,防止被黑幕派人殺害。
呢個黑幕點解同或敷真敷魔術團咁大仇口?記唔記得王泥喜其實係美貫同母異父嘅兄妹?咁王泥喜老竇,拉米洛亞第一任老公係邊個?可能就係黑幕同犯案理由。而佢將自己做律師嘅仔放喺牙琉身邊,做佢徒弟,如果唔係成步堂拉到王泥喜去自己嗰邊,佢會被教到做一個知道點做偽證嘅律師,日後可能會支援黑幕嗰邊。同時如果唔係咁啱王泥喜有特殊能力同正義感,成步堂都係會坐監。