啱啱確診成人專注力失調，想問下各位過來人

我係同時有專注力差同焦慮問題，我唔知自己係懶，自我要求高定係真係有病，因為我有D徵狀唔係典型嗰D，非常奇怪。

1. 啱啱學打中文字，成日睇錯行數，搵唔返隻字

2. 當感到尷尬時，假笑時笑容僵硬，控制唔到面部肌肉

3. 成日同路人撞到正(冇實質身體碰撞），即係佢行左我又行左，我行右佢又行右🌚

4. 完美主義，過份謹慎而唔係操心大意，不斷返check，但係又唔係由頭check 到尾，冇check 嗰D通常就會出錯，以致效率差

5. 上堂安靜，但係經常係書上劃圖案

6. 上堂老師要求學生朗讀課文時，好驚比人叫中

7. 好少遲到，時間就到剛剛好，介意別人看法

8. 講野1999，比人笑做on 9 野

9. 小學問題不大

10. 容易喊

11. 比別人更有責任感，但係唔會隨便欖野上身做，即係一不做二不休

12. 自從細個一句無心之失衝口而出鬧個朋友，自始之後沉默寡言而唔係不斷打斷人説話

可能有D係性格而唔係病🙈
可唔可以講下你地既經歷同用藥情況？

5 6 8 9 12都有試過

解決方法

去玩啲突破膽量既野

問陌生女仔影合照

諗到咩就講咩 唔好hold

你個case 係食stimulant?
我唔係食 stimulant ,試過因為副作用太多。

Strattera, 食咗幾日好似冇乜料到了

我覺得係個人少左講野同做事認真左都有影響，我以前都好鐘意講野，大個左除非好熟先多野講，同時講野慢左好多，有時又會打晒kick咁，都無咩既，野少啲野都係好事

係呀，唔駛驚講錯野，唔會講D好長同複雜既句子，同埋好多時用倒裝句，例如：我食咗包喇出門囗之前、去左邊呀嗰條友。你係咪都係咁

我都覺，唔知邊個係雞邊個係蛋。但係自己一個人既時候又有專注力問題。細個嗰陣有怪獸家長睇住我D學業，係佢既壓力下成長。

我好識保護自己，所以我冇持續既情緒低落。算係病情較輕，但係焦慮又係幾困擾到我，自己係控制唔到身體既化學反應。

點確診？

向精神科醫生求診

OMG 好似有D中，會唔會係疑病症

中幾多下

2 3 4 5 6 7 8 9 10 11 12都有

我一講長句子就好唔順

小學嗰陣係，中學開始荒廢
利申：22歲，hd yr1，fd上hd (好撚自卑)

小學攞頭五，高form唔作文(一句要諗10分鐘)
中文1(1UU2) 英2(揀B1) 通1 數學唔溫孖4

絲打都係ADD? 我小學頭10，有英文私補，去到中學補習老師每星期要我作一篇英文，題目自己訂，次次都好難落筆，每篇有五成字寫係改錯帶之上，之後學識運用創意作故事，過到骨☺️。 CE 中文2 （寫作1） 英文4（寫作5）數學 B （從來未試過有時間成功完成全份卷），掹邊入大學🤗

你好，這是《自殺．自療．互助舍》。看來你已累積了不少負面情緒，是嗎？人就好像氣球一樣，若積存的鬱結和壓力太多，便會有爆發的一天。何不暫時停一停，到我們的網站www.help4suicide.com.hk？那裡有一些勵志故事和有趣短片，你可以隨心看看。你也可以進入網站內的『Chat窿』（星期一至五：上午六時至凌晨一時；星期六、日及公眾假期：下午８時至凌晨１時），讓我們的義工為你加油打氣！



我們願意聆聽你的心聲，伴你一起走過這段艱難的時候！只因『晴天雨天要樂天，難關難過總會過』！