幾年前讀過 唔會自律真係咪撚讀
好多個教得好廢 oscar都叫有心教?
覺得教得最冇用 就係佢同埋英文個兩件
佢地3個都係補習做唔起
你母校英文同數學老師教得好撚差架?咪撚伏人啦
最撚on9係ian同佢個細佬兩個上堂sell自己d書
講下我讀完一年既心得
自由度黎講 比起一般中學 遵理就有d似大學既 timetable冇你既堂就唔洗返 可以走
仲有 大多數都冇功課交 上堂為主 (同埋多數好似上9點 放2-3點 唔太肯定有冇記錯)
如果想老師比意見你 要自己主動做練習 作文去交比作地
同埋你唔返學佢地都無計 所以好睇你個人自唔自律
你唔做野 冇人會迫你 所以唔識自律 喺日校repeat都係曬錢
老師方面 中通個兩位老師都教得好既
間唔中講下黃色笑話
不過中文唔會靠你上半年任sir堂就突飛猛進
只係佢搞搞地笑咁講書 令你冇咁憎中文堂
通識都教得ok 只係佢冇教人點答題 所以你上堂只識concept唔識答題 同埋學到新知識 都係要靠自己主動寫文比作地 等佢地比意見
中英文間唔中會有tutorial 比時間你做卷
好似都係past paper黎 有ce有dse 不過原校個陣都做過哂 冇咩用
同埋改既人係TA黎 睇佢地個樣似asso hd畢業既 有冇用就自己諗
Phy bio 都係等我覺得唔錯既老師 尤其係phy Sam sir
我原校phy老師教得唔好 大部分連條式個意思都唔明
見邊條式有哂d variable就sub咩入去
入到去上堂 Sam sir係講得勁清晰 解釋得好好
同埋佢差唔多每堂都有練習 教完一課會有test 你會知自己邊到做得唔好
仲有佢會印齊哂past paper比你
佢係我讀個年唯一一個有補過課既老師 教唔哂佢唔會推你去死
總之Sam sir
repeat phy決心想有大進步可以考慮下去遵理聽佢講書
同補習佬比 佢唔會好似sham sir咁悶 但亦冇wayne leung咁講技巧
佢係一位比你知道你讀緊咩 做緊咩既日校老師
Bio個老師就講書講得清楚啦 不過bio都係好易明既野黎 個老師唔係hea
佢都好肯答人問題
英文數學3個就曬氣啦
英文ian同佢細佬輪住上 我都唔記得佢地教過乜春 好似冇學過野咁
想人教你英文/補底可以唔洗上
佢地會有1堂係sell自己出既書 跟住用1堂黎派書收錢
數學堂就係睇oscar抄返自己既筆記落一張白紙到
大家英文數學可以做自己野唔洗聽 因為學唔到野
不過老實講既 佢地教得唔好 但你交野佢地會改同比意見你
比我就會每個月用返個2000蚊補習算 每日曬6個鐘返學校坐不如自己好好溫書
SBA個d想知先再講