根本就預咗好少人排隊,所以要搵班記者過橋。
MTR公關真係世界級天才,以前新線/延線開通都有傳媒採訪頭班車,
而家開高鐵竟然冇安排傳媒採訪,搞到記者排通宵,留一定數量位俾傳媒都唔識?
假設高鐵500個位,香港分到一半。唔係話要比晒250個位記者,
可以大概100個位,每間最多5個,唔夠位抽籤,但一定確保每間一定要有起碼2-3個位。
開頭要記者排到星期一朝早,記協出手之後記者可以先登記星期一6點先嚟。
噚日睇新聞,得小貓三四隻排。係咁正嘅D鐵膠一早排隊啦!
過埋今晚都唔會多人架喇!計埋記者,西九站聽日頭班車都唔知賣唔賣到250張飛?