因為牙骹痛TMJ，我做咗牙骹開刀手術（長文治療）（慎入有開刀圖）

我細個都試過，果陣又係開合口格格聲，本身唔痛，有一排佢唔知係發炎定點變到好痛，野都食唔到咁。後尾去左睇跌打做針灸，做左個零兩個禮拜就冇事，格格聲都冇左

TMJ = temporomandibular joint = 關節個名
TMJ disorder/dysfunction/syndrome = 個病名

定義上兩樣係唔同

治療Step 3

如果幾個月都無進展（我case係4個月都無用），
我建議你可以向醫生請求寫信照MRI。
私家約2星期就可以照，收費約$5500，於金鐘一間名為IRad的掃描診斷中心照。
我極度建議照MRI，因為一日無報告，一日D專科醫生都係靠估去診斷。
當日我就係手持MRI報告，無論去菲臘牙科醫院、公家牙科、甚至搵專家教授，
都即刻睇到你TMJ既主要原因。


以下為MRI照出黎既開口&閉口
(原諒我唔知點影份MRI上黎)
其實另有一份英文報告
有巴絲有需要我再uplaod

係呀我手快打咗出黎無改到
謝改正

你真係好彩做針灸就搞掂
若果照我聽醫生講
有部分人既關節係會自然產生潤滑液令個關節郁番順
但我唔得

幾十萬claim足嗎?

好痛

治療Step 4

照完MRI，其實你都可以有心理準備要靠手術先醫得好。
一般手術分微創及開刀。
微創包括顎關節沖洗手術或顎關節內窺鏡，
2者都係耳仔邊開一個筆孔咁細既洞，通過注射清除關節內發炎性物質，及潤滑關節。
初期及中等程度的TMJ能依靠微創手術醫好，手術傷口細，無乜風險，
而且價錢平，好多醫生都推介。
但缺點係沖洗只有「減低痛楚」的作用，如果你根源係「嚴重關節盤移位」，
咁好大機會復發，有可能1至2年就需要再沖洗多次。
E個沖洗手術周醫生收6萬，住養和醫院。


而我本人的MRI報告指出，我問題根源係「嚴重關節盤移位」，
正常人的關節盤於12點鐘方位，但我就係8點鐘方位，
所以我係拒絕咗第一位周醫生既微創沖洗手術建議。
因為真係說服唔到我通過沖洗就醫好，明明關節盤移咗位，
任你點沖洗都復位唔到，咁既係我無解決核心問題。

所以，我就手持MRI報告去搵一位口腔頜面科權威醫生，即係港大張念光教授。
佢一睇完份報告，已好明確指出除非開刀（關節盤開放性手術），否則無可能醫好。
而且，再長久落去唔醫好，有機會歪面。

第一次見張教授就好似將我既病況當一堂lecture咁講解，係非常細心同耐心既講解。
佢提到我唔只關節盤移位，甚至有機會穿咗關節盤。亦有機會過度磨損
（因為無咗關節盤援衝），形成骨刺。

教授向我保証，佢接收過好多我e種case，開刀經驗非常充足，所以一定醫得好，
但收費非常貴（30萬手術費）。正常人聽到都會呆咗．
所以我一開頭就叫定大家買定住院醫療保險，真係會救你一命。


我就係睇到以下報導，先決定搵張教授治療
巴絲有興趣可以睇下
http://tvb4life.pixnet.net/blog/post/177707979-%E9%A0%AD%E8%99%9F%E5%81%A5%E5%BA%B7-%E5%A3%93%E5%8A%9B%E7%88%86%E7%85%B2-%E7%89%99%E9%AA%B9-%E5%8F%97%E7%BD%AA

留名 我都去到口腔頜面外科醫生呢步
打咗botox 而家叫平時冇乜點痛 但係都有啲扯住

巴打睇開邊位醫生？

我就無試過打botox
不過聽聞都係唔長久既方法？

附帶一篇梁耀殷副教授於2018年介紹牙骹痛的報導

食得硬常磨牙觸發牙骹痛　或軟骨盤移位所致
http://health.appledaily.com.hk/medical-news/20180427/12010/

許嘉榮醫生 500蚊一針
都有成年冇睇
打完嗰一下明顯feel到舒服咗

最後，經過一家人相討，決定搵張教授於7月尾開刀
(主要因為佢真係權威醫生，無記錯佢係菲臘牙科醫院任教)．
手術地點係山頂明德國際醫院（真係孤漏寡聞，第一次聽e間醫院，但個景真係超靚），
採用全身麻醉（負責麻醉的醫生亦係港大出名既吳國夫教授），
手術時間約為5 小時。（手術由下午2點開始）

手術當日於8時到達，經過一連串抽血（check肝定腎功能）、
驗肺（因我本人有8年食煙習慣，而且手術前幾個月有痰清唔到）及血壓等。
呆坐到1點半，張教授同吳教授先到埗講解，然後2點左右入手術室。

入手術室後，有約10個醫護人員，
俾完我吸完氧氣，係種豆位打麻醉藥後，
真係連自已都唔知幾時失去意識。
最後9點醒番，手術成功，訓多一日可以出院，
(後來先知右邊甘TMJ曾經失血，但未嚴重到需要輸血）
各位可以參考第一頁圖，我而家都康復梗。

窮撚點醫好？


巴絲你可能問，咁無錢點醫？
當然無錢既，方法包括排公立牙科（你要係公務員／公務員家屬），
等2至3年，就有得做手術，但e個方法真係拖到你癲。

你好彩既，亦可以排菲臘牙科醫院既教學病人，
我唔肯定佢會唔會收，因為我無試過。
但建議可以係決心治療TMJ時，同一時間排菲臘牙科醫院。
因為你排都可能需要半年先輪到你。


如果以上私家、公家或菲臘牙科醫院你都唔滿意，
其實仲有一個最後收費平、但效果好既方法。
就係去台灣萬芳醫院搵一位周珊如醫師，
佢係一位台灣非常出名既顳顎關節障礙專家，
我見好多台灣人有TMJ問題，都係搵周醫師做手術。
甚至tg group都有巴絲遠赴台灣搵周珊如醫師．主要原因真係平勁多，
台灣亦有一個國際醫療專區負責海外病患，
我自已係無錢情況下亦有諮詢過萬芳醫院。
嗰到d職員都係一日內回覆我問題，好細心。


以下係萬芳醫院既國際醫療中心
由tg group絲打提供

到最後，我俾埋曾經參考過既台灣人blogger治療記錄

顎關節開放性手術

http://yuhsuan9624.pixnet.net/blog/post/144352862-%E9%A1%B3%E9%A1%8E%E9%97%9C%E7%AF%80%E9%9A%9C%E7%A4%99%E9%96%8B%E5%88%80%E6%B2%BB%E7%99%82%E5%BF%83%E8%B7%AF%E6%AD%B7%E7%A8%8B

http://luwj55266.pixnet.net/blog/post/2332302-%E9%A1%B3%E9%A1%8E%E9%97%9C%E7%AF%80%E9%9A%9C%E7%A4%99-%E5%85%A5%E9%99%A2%E3%80%81%E6%89%8B%E8%A1%93%E3%80%81%E5%87%BA%E9%99%A2%285-11-14%29

http://fyyang.blogspot.com/2015/09/blog-post.html

http://silvialiang88.pixnet.net/blog/post/320289390-%E9%A1%B3%E9%A1%8E%E9%97%9C%E7%AF%80%E5%92%AC%E5%90%88%E6%9D%BF%E9%85%8D%E6%88%B4%E8%88%87%E9%96%8B%E5%88%80%E5%BF%83%E8%B7%AF%E6%AD%B7%E7%A8%8B

顎關節沖洗／內窺鏡手術

http://clear6241.pixnet.net/blog/post/83140727-%E9%A1%B3%E9%A1%8E%E9%97%9C%E7%AF%80%E7%97%87%E5%88%86%E4%BA%ABagain

http://fei980814.pixnet.net/blog/post/198932443-%E9%A1%B3%E9%A1%8E%E9%97%9C%E7%AF%80%E9%8F%A1%E6%B2%96%E6%B4%97%E6%89%8B%E8%A1%93%E6%8B%86%E7%B7%9A%E5%9B%9E%E8%A8%BA%E8%A8%98

如果仲有任何疑問，
可以經連登／tg group問，
我答到就盡答。


希望嗰post幫到有牙骹痛TMJ既人

留名學嘢
樓主分享精神好值得學習

謝謝
因為真係無乜咁嚴重既case係網上搵到
如果幫到人就好

結論窮L真係唔好病

e個真係

謝謝你詳盡既分享.
我見到都驚. 你好勇敢.

絲打我記得你對台灣醫有D興趣
我就只係提供到一位周珊如醫師
你可以經e到搵到掛號 & email查詢當地職員
https://www.wanfang.gov.tw/p3_register_e3.aspx?depttype=B&deptcode=3910&doccode=100170


祝你都快D醫好