因為牙骹痛TMJ，我做咗牙骹開刀手術（長文治療）（慎入有開刀圖）

TMJ全名係顳頜關節疾病．
主要病症喺顎骨開合「格格聲」、嘴巴張不開、肌肉痙攣及疼痛。



我開post原意係想收集如何治療TMJ既攻略。
事關香港無乜case sharing，我只有搵到台灣人既blog分享。
係長達一年既治療中，無台灣人既經驗，
我喺香港好難知道點醫好，甚至原來嚴重到要做手術先醫好。


以下2張圖係我手術後既情況
知道我係邊個請唔好起底

我以前都試過
不過過左一排冇事

好恐怖 咁大個傷口

過一陣冇事

好多年前我都試過又係個口一打開就好痛 不過忍左一排就冇事

喺開始前，我有幾個跳步steps好重要：

1. TMJ係富貴病 ，如果你有心醫。
建議一定要買保險，包括：意外受傷保險 & 住院醫療保險（仲要附加金/銀 plan)。
意外受傷保險係for治療費、藥物費、X光片& MRI磁力共振（$5500)，
但不包括牙膠製作費（$6000）。
記住提醒醫生TMJ問題係因為意外受傷例如撞擊引致，咁先claim到。


2. 住院醫療保險
非常重要，一定要買埋附加金/銀 plan。
因為牙骹開放性手術，價錢由15萬至35萬起。
你無睇錯，搵權威專科醫生起碼收30萬。

我個人使用AI_既意外受傷保險 & 蘇黎X既住院醫療保險


3. 照MRI磁力共振最有用
一般牙醫喺轉介前，會同你照X ray睇你顎骨骨絡有無異常。
若果乜問題都照唔出，唔好開心住。
因為你可能係軟骨（關節盤）移位，咁既情況係需要照MRI先睇到。
所以，我建議有錢既巴絲，可以照咗MRI先，
廢事浪費時間喺保守治療上，到頭來浪費一年得個桔。

我都係開合「格格聲」
睇完專科照完X光，就話冇咩必要都唔好做手術
反正都唔影響生活

原來係病嚟
幾年前開始有症狀但諗住冇乜事
同啊媽講過佢話佢都係咁 可能遺傳(??)
已經幾年冇試過大大啖咬蘋果

Lm

上面有巴絲打話牙骹痛可以忍
但我e種情況係好極端既情況
所以未必似大家咁諗法

我既痛楚已經擴散到全塊面，
包括眼睛（眼窩痛楚及雙眼皮浮腫）、
經常性頭痛（由牙骹蔓延至頭頂）、
左右面頷痛（可以感覺到牙骹關節的痛楚擴散於面上）。


戴定頭盔先，
以下一年治療過程全為我個人經驗，
你可以唔同意我，但我真係無幫任何人賣廣告／詆毀任何醫生。

另外，
我會留低一個tg group，
https://t.me/joinchat/CWGsOhGX1EkYl8YpjEov_A
裏面有10多位同樣受梗TMJ之苦既巴絲，
如果你有急切問題，
我都會盡快答到。

同倒合切短個下巴差唔多？

唔係呀
我嗰手術係拉番移位關節盤去原位

治療Step 1

初期腫痛可找尋相熟牙醫作診治，
一般會照X ray及處方消炎止痛藥給你。
醫生一般建議服用藥物2星期及減少啃咬硬性食物，
有牙醫會懷疑智慧齒係腫痛原因，建議你剝左去。（但我case係剝完都無用）



治療Step 2
如果治療無效，
可建議牙醫推薦口腔頜面外科醫生治療。
我個人曾經接受4位專科醫生治理，評價不一，
我將於下一篇評論他們成效。我最早期係接受咗半年周Ｘ昌醫生治療。


專科醫生多查問你有無不良咬合姿勢。
其他成因包括：磨牙、心理壓力、撞傷意外等等。
一般黎講，多採用保守性治療。
包括消炎止痛藥（Arcoxia 120mg）、
肌肉放鬆藥（Diazepam 5mg，此藥食完後會非常疲倦）。
如果服藥後2星期亦無效，
醫生會建議度身訂造一個牙膠（防止上下排牙齒相磨，提高顎骨的肌肉鬆弛），
於晚上睡覺使用，並觀察3個月。

最近一年都係咁
一擘大個口好似合唔返咁，要用力格格聲先合返埋

痛既就去睇下醫生

就係唔痛
但咁樣磨個牙骹我諗都好快有問題

留名跟進 已經TMJ左成5年, 帶牙膠無進展 前排好痛但食左消炎藥無事, 希望唔好再惡化

要知道自己咩原因牙骹痛
先配到合適治療
如果磨牙可以配牙膠

我好似以前開post見過你

係呀 無諗過巴打你真係去左做手術 傷口比想像中大

我一直都有牙骹痛，有日食牛扒之後格一聲，之後同左三個月

太痛啦 保險claim到就索性無謂再拖