當日既流程:
BEFORE STEP: 帶定足夠既金錢(大慨$1000左右)，用黎到時報OCAMP。一般既話都係報自己系會、住HALL既報埋HALL O、再起不同屬會入面簡D好玩既黎報下
。STEP1: 大家可以起大學站搭我校山區校巴/起大埔墟站搭74K/去到馬鞍山或大埔中心或廣福道搭26號小巴去到教育大學
(校大既交通係地獄級)(NON-JUPAS既學生應該已經拎左學生證，咁既話就可以直接跳去STEP3)
STEP2: 落車之後，大家一定會估唔到自己咁受歡迎，有成班人圍住你戚出咁轉去叫你去幫OCAMP行HALL TOUR。當然，如果你地睇佢地個樣和藹可親咁就跟佢地行啦。佢地第一件事帶你去做既唔係去BLOCK E整學生證既話，咁你預左個條友心懷不軌架啦。因為你無學生證既情況底下，係乜都報唔到做唔到。所以大家一定係先去BLOCK E整左自己張學生證先。
STEP3: 多數整完學生證之後，SU已經會坐定定起BLOCK E入面SERVICE大家(雖然佢地都幫唔到你D乜)而SAO會安排HALL BRIEFING比大家去聽。如果大家係UGC既學生就去聽啦，基本上你唔係住東鐵沿線既話，每次番學都要一個鐘以上。YEAR1既大家擁有一張宿卷，每定能夠獲派宿位 (宿位未必符合第一意願)。
(如果大家誓神劈願我點都唔住HALL架啦又或者係SELF-FIN既同學既話，咁可以跳去STEP 4)
STEP4: 大家整完學生證係無得拎住既，咁成日流流長點算呀? 放心，大家可以隨處遊歷去報自己想玩既OCAMP、院隊等等。最後只要去番拎學生證番BOOTH比錢報名，搞惦哂就可以番屋企等待迎接你既組爸媽同U-LIFE
校大內部結構簡介:
入面條LINK會有齊不同SOC既介紹:
http://orientation.eduhk.hk/tc/%E5%AD%B8%E7%94%9F%E6%9C%83-82.html
一般而言，大家只要認住四個範疇既學生組織就可以:
學生會: 學生會分為編委會、幹事會同代表會。最主要每年就係出下學生會報、派SCHEDULE BOOK、賣下文具咁樣樣。佢地亦都會搞我地裕稱既大O比全世界既FRESH MAN。(前半PART由SAO搞叫做FRIENDSHIP DAY,之後你要再比200$去JOIN過夜由SU搞既大O)
講真，咁多年既大O都比人話係唔好玩。大家覺得自己純粹想體驗下既，入黎摺既。咁你去啦，我都唔阻你了。
宿生會: 宿生會固名思義就係宿舍既SOC啦，每個宿舍特色不一。佢地都會搞迎新營比大家玩，而且負責舍堂入面既茶座服務、同搞各式不同活動比大家咁樣樣。到時候大家可番各個宿舍參觀HALL TOUR就會更加了解。各個HALL既介紹將會留番起下面講解番。住得HALL都預左大部分既時間起HALL，而且HALL LIFE係大學生涯入面幾重要既部分，有得住就住啦，有得玩就玩啦。OCAMP? 比錢啦望。
系會: 系會姐係自己讀個一科既SOC，咁你讀中文既咪中文教育同學會，數學既咪數學系會咁樣樣。每個人當日都會去PROGRAMME BRIEFING，咁聽完PROGRAMME BRIEFING 佢地就會迎接你地。讀自己個科就無乜理由唔玩自己個SOC OCAMP既，話哂對足四年五年，比錢啦仆街。
(系會既BOOTH會放置起BLOCK C LP層，ITS既位置。到時搵唔到問人啦，只要你開口一定成村人帶你去)
屬會: 屬會姐係由SU管轄既SOC，由大小不同形形式式既SOC組成。例如:舞蹈學會 DAN SOC、電影學會 FILM SOC等等。基本上係多到你唔去睇係唔知有幾多個SOC，所以你都係去睇啦。
(屬會既BOOTH會放置起BLOCK D1-D2 LP層既走廊。到時搵唔到問人啦，只要你開口一定成村人帶你去)
