女友乳頭有嚴重濕疹....

利申
真係睇過醫生好多次 唔係我冇帶佢去
帶左佢去睇10次以上去見不同嘅醫生
例如蕭鳳兒醫生
佢只係比左幾支乳液 盛惠1500元
結果：冇改善過

有D 醫生比抗敏藥3日 例如黃偉鵬醫生
盛惠400元
結果：每3日就返去一次 9天盛惠大概800元

中醫睇過王冠明醫生 個個都話好
3天藥 盛惠500元正
結果：一食就嘔左

仲有睇左好多醫生 都已經唔記得咗個名

我女朋友屋企唔比錢佢睇醫生
所有醫療費由我出 學生哥 好重負擔

逼於無於上大陸網見到話有用 我先買黎比佢用 佢又真係有改善到

我知我錯左 所以我先問下有冇咩方法可以斷尾 唔想再比佢用淘寶野

我有買PHYSIOGEL 嘅保濕乳同淋浴露比佢 盛惠500大元正 都係冇用

我仲有試過買人地個個話有用嘅Lucas’ Papaw Ointment木瓜霜 但冇用

日本zeria牌子嘅prevaline藥膏比佢 初頭有用
但幾日之後又覆發

果個艾洛松軟膏真係出於下策
佢一開始用我仲擔心佢會出咩事 始終大陸野
我成晚睇住佢 冇訓過 做好隨時打999嘅準備

當一知道真係有用 真係好開心嫁
起碼唔會再傷哂

後尾佢皮膚越黎越溥 我知唔可以再用
先黎求教大家

係呢枝 真心推介

同埋你可以以下針灸
我有幾個朋友係嚴重濕疹
全身都有，爛哂個d
去左針灸真係好左好多！
不過係真係貴

唔怕痛就買支無比滴，一痕，唔好R，搽無比滴，再吹風扇，冇傷口會涼涼地止到痕，有傷口就嗱到仆街，已經唔記得痕(以毒攻毒法)

瞓前搽好藥膏，包沙布再著薄bra瞓。
怕痕瞓唔著，就食粒鼻敏感藥，幫止痕同會好撚眼瞓，瞓到死豬咁，R 唔到。

濕疹過來人，希望閣下女友快啲變返靚Lin

懷疑樓主條女姓張

有隻寫住Goat Soap，有隻羊公仔嘅羊奶皂可以幫助舒緩濕疹，可以試吓！

去藥材鋪買包金銀花（約$10-15），執一小撮出黎用熱水沖當水飲，落太多會勁苦
另外倒一小杯灘凍佢搵化妝棉浸濕少少敷係患處上面。

利申：試過連飲兩日好番。

（勁寒涼唔可以長期飲，M到唔可以飲）

隔壁老王

你喺醫生到拎到果啲抗敏藥
如果覺得食完有效 就去藥房配啦
平好多 唔明可以問藥劑師
咁就唔洗專登返去覆診捱貴藥

濕疹出我會用兩隻膏
一隻係小林手作既野菊花膏 一痕就搽
另一隻係artesana既amazing salves 太貴 一日搽一次做protection only

如果都係唔得可能係飲食有問題 我平日都好節制 有時爆發就用以上兩種膏急救

認真 唔好r係第一步
仲有沖完涼抹身個d都唔好擦到乳頭
沖涼沐浴露唔好搽到乳頭
搽到都要即沖唔好停留
我中學都有過
流晒黃水好誇張好痛
就係忍住痕唔r keep住搽野先好返
希望你女朋友都好到

Btw濕疹個種痕唔係你想像到
如果佢係訓教r 可以試下帶手套訓

你個名

我曾經試過 安慰佢 呢個胸前濕疹好常見
首起因大多係因為壓力太大同唔開心 要斷尾就要無左d壓力同開心d

要轉胸圍 一定要薄既胸圍同純綿 唔好再諗話咩功能內衣果類尼龍質 焗住一定唔會好到 叫佢向屋企，訓覺 總之有得唔著胸圍就唔好著

搽藥膏 搽完又係唔好著bra

用完d bra 咪會有皮既 叫佢洗bra要用滾水浸 浸佢10分鐘 再手洗 過清d泡

沖涼唔好沖太耐個胸 同埋no熱水淋個胸 盡量快 個胸唔好搽沐浴露
沖完慢慢印乾就搽藥膏

戒下口 毒既野唔好食 例如鴨鵝 唔好同我講咩西醫話唔洗戒口 皮膚病係長期性既野黎 唔係短時間用西醫可以即刻斷尾 你想斷尾就起碼戒幾個月

我果時無食西藥既 淨係搽藥膏搽好左 搽左1星期 d皮換曬 然後愈搽愈少 但bra既習慣同戒口都要keep住 我keep左成半年 期間有食中藥慢慢執返個身體d抵抗力

仲有好左之後 有時會番一次發 佢一發痕就唔好R 一痕就搽少少薄薄地既果隻藥膏 跟住就開始慢慢忍住唔R
例如第一次番發好痕 就藥膏薄薄地搽
第二次既話 試下忍佢一日 第二日仲係好痕就先搽少少
第三次 忍住唔好搽 到佢皮膚又想再爆野出黎先搽 如此類推

我要慢慢咁斷尾搞左年幾 但就算無再出 你女友用d bra都要小心d揀 靚既bra d咩尼龍 唔透氣質地 有時連d運動bra都係唔透氣 叫佢真係小心揀 唔好貪靚 要顧及用咩物質做 最好都95%純綿

其實首先要知道自己對咩過敏先 再對症下藥 唔好一味擦藥膏
小弟天生就有濕疹 細細個睇完醫生用豬油膏沖涼之後好返好多一直都無再點出過 直到前兩三個月無啦啦復發成身都係 第一時間睇專科食藥擦膏 之後發現我原來一出汗就好易出濕疹 知道左自己對咩過敏之後我盡量避免出汗 做完運動即沖涼 再戒埋甜同蛋 但我可以食海鮮同辣 所以唔係咩野都要戒 最近就病情穩定好多 共勉之

會唔會對bra既質料敏感，或者洗衣粉，沖涼液果啲敏感? 試下轉洗衣液或沖涼液

唔講其他 總之唔好用類固醇

之前同醫生傾過

佢話其實發得好嚴重時，其實搽咩都無用，因為保濕嗰層已經失效

即時消炎止痕先可以慢慢醫
同埋佢好少開類固醇俾人，ok的

長沙灣吳醫生

戒奶戒糖 完全戒奶糖的話濕疹可以斷尾，如果得既轉食素

買舒特膚e學濕疹配方隻沖涼
優品360有得賣
然後再查呢個膏

Carun隻膏zstore有得賣
我查到由流晒水變到斷左尾
真心推介，我之前係高登睇到的所以買黎試
重點無類固醇！！！！！！！！

揸金盞花油/膏 非常有效 又純天然 又唔貴
但要揸無香味/精油嘅

認真濕疹要做多啲運動先會好返
唔好因為怕出汗會痕而唔做
抵抗力好咗就會冇咁嚴重

利 細個都有濕疹

勤d 剪手指甲，我都有，不過冇咁嚴重，主要唔係lin
剪短手指甲起碼冇r 得咁損先

由幼稚園到初中都有濕疹（唔算嚴重），睇過好多中醫西醫都無用，最後爸爸朋友介紹睇江安泰醫生，睇過兩次醫生食完藥搽完藥膏，就無再翻發。我都覺得好神奇，好想知佢開左咩藥俾我，之後我再介紹有濕疹同學去果度，佢地都有明顯改善。