致想復合既你

我而家都係打算咁, 不過我暫時乜都冇做去挽回, 佢家人(佢地都好鍾意我)叫我唔好搵佢住, 我就聽

不過我分咗三個月, 其實都冷靜夠啦佢.....

我都係, 分手前一個月變咗第二個人咁

聽佢屋企人講佢最近同父母關係都疏遠咗, 又同最好感情嘅家姐嗌交嗌咗幾個月都未好返, 好似突然咩關係都搞到好差咁, 所以我而家搵佢都係死路一條

我都係咁問, 但我唔想move on

見到好多巴打絲打都不停咁係到放負 都想講下我自己感覺

我被分手左三個月 上個星期佢番香港 我再約佢 被佢狠狠咁拒絕復合 佢話佢已經放低左 而我地分手原因係佢因某個原因心淡 慢慢就冇左對我個個愛 而我就當然仲係十分愛佢

當然我都問過佢 有冇後悔過同我一齊過 佢話冇 因為我對佢好好 如果唔係發生左某樣野 都唔會搞到咁 （唔好問係咩 總之唔係派帽 唔係性格唔夾問題）

所以我同佢講 不如我地做個一年約定 一年大家各自咁發展 各自去進步改變 到一年之後 我地或者可以再從朋友開始 而我當中都要學會放低呢段關係 重新開始 但我個愛佢個心都係唔會變

到依家 我已經計劃緊我要點做 例如可以搵新工作環境 做下gym 睇下書 或者去個working holiday 離開下 見識下 總之就係增值自己 改變自己

同埋我覺得 最有用減少空虛感ge方法就係 遠離個電話 去搵多d人同自己吹下水 唔好成日睇ig Facebook 同減少提及ex

雖然好似9up緊 但同我黎講 係幾work 起碼唔會再係分手個深淵入面

希望幫到大家 共勉之

我咁啱分手後三日就返新工, 之後開始做gym, 大隻咗好多, 不過而家除咗返工放工做gym, 有時同朋友食吓飯, 打下波, 都冇乜其他, 歌又唔想聽, 書又冇心情睇, 星期六日如果冇街去就係攤喺張床瞓 (瞓先唔會諗佢d嘢) 同碌電話, 好頽廢, 自己都憎自己

不過遠離電話係真係好嘅, facebook我都剷咗

其實我最鍾意係沖涼播歌同9唱歌 雖然看似on9 但其實好work 唱曬出黎 我近排就聽張敬軒首 缺，找對的人同埋追風箏的孩子 巴打你都試下

我都係分左一個半月，睇完個post 發現其實大家方法都差唔多。但我想講嘅係，即使復合左，但個結果係唔係大家心中諗個個？我每次一諗，就算好想搵佢，我都會放低電話。各位巴打，要增值自己呀，目的唔係要對方後悔，而係令自己眼界大啲。共勉之，move on 之路並不獨單 大不了左手陪自己一世

啱呀, 自己求返嚟嘅復合其實就算初步成功, 自己對段闗係都冇乜信心, 疑神疑鬼, 都會搞到好多問題出現, 除非係佢主動搵返自己咁又唔同

唔好話我悲觀
你點改變,佢睇唔到都係冇用, 你去佢面前show比佢睇?
改變自己係最白痴, 佢一睇就知係個種唔知自己想點, 一唔like就分手, 自私既人

但係你要知自己係比佢撚定佢係真心。有機會係佢想一齊個個男人唔理佢，佢悶先搵返自己。所以當佢主動搵返你，唔好即刻當返自己係男朋友，由朋友關係互相傾下，睇下個感覺先。

yes

分左就分左了
原來係冇冷靜完再傾呢回事㗎
雖然好多人都係咁講
因為long d分手
半年後見返一次
我未放低 所以唔敢講過界既野
佢都係冇任何野想要同我講
對視沉默左好耐
原來真係連朋友都做唔到㗎
最後佢拿左野就走左
見返真係好傷
咁耐都未放低
都係自己既問題

何必要折磨自己呢

而家我唔會再對你d 鳩話咁上心

我知係要放低 要忘記佢
我做到但係我做唔出
佢仲係我心入面佔有唔少位置

好明你感受
好似我使噻所有力氣
都未能將佢係我心入面完全清走

好想搵人同我大喊一場

圍爐取暖啦

佢有新女 但佢女朋友對佢唔好
我好想做返佢身邊個個 對佢好啲
見到佢咁我有啲心痛
雖然佢對我唔好 但我覺得佢係一個好男仔

利申：而家同佢係朋友
成日想進一步試探佢但過唔到自己個關

你飛佢架？
佢飛完你同第個一齊完都可以一齊番？

放過自己啦。唔好再沉迷係以前。唔好再無限放大佢個好。

佢唔係真係咁愛你，而你都唔係真係咁愛佢。

你無朋友咩？明明可以做情侶，但點解要做朋友？Come on bro! move on! 前面有個更加好既等緊你！

係啦 未分手佢講既野都唔可信
分完手奶過幾次野 都覺得自己on9
仲會信佢d 鳩話 比佢係咁撚
唔係好明女人點解講得出口
講完訓一覺 好似無發生過咁