致想復合既你

認真，咪撚復合啦

唔好煩住人地啦，大家各有各生活，好來好去

一開始果一個星期都喺度掙扎
覺得係自己做得唔好唔啱先會令對方死心
係好想求佢畀機會我 但都唔想逼佢

之後一星期發現佢同個女仔發展開始一齊咗
開始由唔開心變嬲 點解話放低就可以放低
開始鬧佢 下一秒又後悔 講對唔住
最後都係祝佢幸福

然後就係反覆自我懷疑既階段 同自己拉扯
睇好多點復合 點令自己變得更好
有另一半點挽回 復合成功既文
再睇住另一邊廂其實佢已經過得好開心

一個月 開始平復
減少去睇佢既野 開始向朋友求助
唔需要倚靠朋友安慰既說話
開始反思段關係有咩問題 自己點樣做得唔好
對方係咪完全冇錯 對方有咩優點缺點
成段關係為我帶黎乜野
下一段關係可以點樣改
自己想唔想開始下一段關係

諗諗下或者好辛苦 偶爾覺得自己仲中意對方
但開始覺得
更多既係只係中意以前既佢 以前既我地
或者分手正正話比我地知
原來佢未必係最適合你既人
真心相愛既兩個人 又點會捨得放手

發現自己只係唔甘心
發現自己最愛既都係自己

所以今日 先更加要爬起身
好好面對現實 唔好奢求一齊返
但更多既係
今日既我 可以點樣為聽日可能遇到更適合既人預備

到左今日
突然發覺 原來冇佢既日子都過左個幾月
個幾月 原來已經習慣左自己一個
生活無左佢 原來無嘗不可。

其實最好係做朋友，但做朋友唔代表一定復合到，都要睇佢係咪仲有feel俾你喚醒 利申：過來人

我前度分完手話掛住個EXEXEX，乜我仲有機咩

三個月, 都仲未去到你一個月嘅境界

雖然明白你講嘅嘢, 亦同意有道理

記得睇文講 忘記舊愛既方法有兩個 新歡同時間
忘記唔到放唔低只係因為新歡唔夠好或者時間唔夠長

從來都唔洗急
當心境由我要留住呢個人變成覺得 係時候面對
你就會搵到方法自救

慢慢黎啦

其實學樓主話齋 復合如果為咗解決一時寂寞同唔適應，到最尾都係會再散過
回想返啱啱分手嗰時真係好辛苦，但都決定積極改善自己，到自己改善好自身問題就已經唔想返返轉頭 大把更合適嘅人等緊自己，如果當初係夾嘅夠愛對方願意磨合同體諒嘅(當然要係雙向
)，就唔會行到去嗰一步
不過總有啲例子係還是覺得你最好架啦
共勉之

我真係好掛住佢

我可以為佢做任何野

咁要檢視返自己有咩做得唔好導致分手 復合都係為咗走更遠
到佢見到你改變 就要睇你哋之間緣份有幾多

每次諗到其實得自己個心仲喺佢度
佢個心一早唔喺自己度 就想算數
唔好搞咁多自演

咁惟有move on喇

點解分手一定要係我做得唔好

咁當然我唔係完美 我亦都唔敢話我做得好好
但係點解佢唔同講佢需要乜野 點解唔傾

唔係話得你做得唔好 雙向嘅
有時你太就佢 根源係咩？係安全感唔夠怕佢嫌棄你？覺得自己容忍遷就就解決到問題？或者根本你兩個付出一開始就好唔balanced？咁原因又係咩？
依啲嘢 一定要檢視清楚

我就係太怕失去佢, 將佢擺喺自己生活嘅中心, 痴身, 排山倒海式咁對佢好, 令佢覺得大壓力, 分手後我就更加難抽離

雖然佢分手嗰陣佢冇咁講過, 但呢個係我分手後反省所得

我同呢位巴打都幾似
但係我覺得愛一個人就自然會對佢好 想比晒自己所有野佢

樓上巴打果個本身獨唔獨立先？

我果個會痴番我 佢好多野都要我陪佢
所以突然佢講話想要自己 我真係打個突

我本身個人個style 就係咁, 或者痴身嗰part係我衰嘅, 但我覺得我其實唔過份

三個月, 未死心, 不過已經冇聯絡, 只能喺IG post吓嘢俾佢睇到我最近點(譬如大隻咗)

聽佢爸同家姐講佢同屋企關係都唔好, 所以都唔適合講復合住

或者正如樓上講, 呢段時間努力改善自己, 無論外表定性格上, 有緣嘅佢會睇到嘅

我覺得佢都痴, 初初一齊嗰陣好痴我, 話咩都要一齊, 突然間冷淡變咗第二個人咁, 對我同對佢屋企都係, 佢老豆同我講佢個女同佢地最近好少聯絡, 我都估唔到

太依賴一個人/只放一個人做生活輻心都唔係一段健全嘅關係
一個人除咗同伴侶有共同興趣同目標之外 應該要有自立嘅能力 有自己嘅事業學業同個人成就 同埋處理好社交圈子同原生家庭
做好自己愛自己 先去愛人 你嘅愛人先會珍惜你

希望我過一段時間可以做到同俾佢睇到啦

冇嘅, 希望遇到下一個時我會成熟d la, 不過我唔細gala

緣份依樣嘢好奇妙 當你變好咗 然後mr/ms right出現 唔係更好咩
或者調返轉講 你變好咗 就唔會令遺憾嘅事再發生 你珍惜嘅就會一直同你行落去
唔理嗰個人係咪佢 令自己變好 都係自愛嘅表現 要愛人先愛自己嘛