DSE中文5次5** 分享讀書心得

試堂喺網上定喺

真人

讀緊咩

4532 出3 說話抽中愛情婚姻嗰題 早知唔咁偏激 appeal咗 巴打覺得機會大唔大

cityu資源好過bu好多
排名都就快做3大
比我排會cu hku cityu lingu bu

你會建議睇咩or邊個啲書去浸下個語感?
例如大陸高考文 魯迅金庸陶傑嗰啲

ps.升中五 寫文垃圾 平時冇睇書
可以點救 仲有冇得救

個post有講

背 抄 寫

所有appeal機會都不大

18dse retaker

到時再tg睇下點

出3好正常喎，卷二三佔咗7成幾分，你拎2同3

巴打會唔會介意我都講下作文嘅心得
利申13年DSE中文5**，聆聽說話5*其他全5**

如果要重新pickup，再學過，應該要買邊本教科書/補充黎睇？

其實textbook有無用?
當年覺得啟思書d內容同dse題型完全無關

咁我就獻醜啦
利申只屬個人經驗，有錯請細力屌

容許我講幾句廢話先
無論做人又好考試又好，有一樣野好重要嘅係你要知道自己嘅長處同短處係邊
呢樣野係你排JUPAS，考作文甚至考成個公開試之前都要諗定
因為呢樣野會牽涉到你成個行動嘅策略係點

點解我要講呢樣野呢，因為作文由你一打開份卷開始，你就要開始揀定一條嗰一刻最適合你嘅題目去做

基本上大家最常寫嘅應該都係記敍文(或者叫記敍抒情文)
學我一個阿sir話齋，一篇記敍文好少可係100%淨係記一個故事
亦都好少係100%抒情(如果你自問係李專或者夠膽係DSE作文寫鄺體就當我無講過 )
點解會係記敍文呢﹖
因為佢容易合格(只要唔好離題同寫個故事合情合理)
但變相要突圍而出就相當困難
大家可以諗下，記敍文係同你講故事
即係話你要寫得個故事合情合理而同時要描寫得生動
點先可以寫得生動就係要練好鵠巴講嘅語感：句子結構，修辭手法，用字等等，係適當嘅時候用適當嘅句子同用字
可惜一個故事寫得好唔好係都幾主觀嘅一件事

所以小弟個人並唔建議aim 5或以上嘅巴絲寫記敍文，萬一你遇著改你個Marker唔鍾意你個故事或者內含嘅道理你就大鑊
亦因為咁，小弟嘅心得都係關於另一種文體，一種考評局成日插香港學生嘅文體

議論文

1. 寫議論文有咩好處

大家不妨諗下，議論文係一種點樣嘅文體，或者話一個作者點解無端端要寫議論文
我自己個人嘅理解係，議論文就好似係一場書面版嘅辯論，目的係要說服聽眾(即係marker)覺得你有好強嘅說服力而要接受你嘅觀點
亦即係話，議論文嘅高分位並唔集中係用字同修辭夠唔夠靚，而係論點同論據夠唔夠強
咁有咩好﹖
就係你唔需要擔心格式、時序，甚至用字都唔洗話死背爛背(當然有就最好啦)
正如上文所講，最緊要嘅係你可以講到夠強嘅論點同比到夠強嘅例子

2. 咁議論文要點寫
比個基本格式大家參考下

第一段：引言+立場
第二段：定義
第三段：論點1
第四段：論點2
第五段：論點3
第六段：駁論
第七段：結論(最好有少少反思，個人或者社會都得)

第一段就睇你支筆夠唔夠華麗，夠嘅話第一段可以出個轉折嘅引言
當然唔得嘅就唔好勉強，就咁「有人話.....」都收貨架啦
但記住，一定要盡快表明立場，就算你第一段唔講第二段頭都一定要講(建議都係第一段講)

第二段要定義一D唔清晰嘅野，我用我當年考嗰份卷做例子
「孩子唔係等待被填滿嘅樽，而係盼望化作燃燒嘅火焰」
咁孩子同樽或者火有咩關聯呢﹖呢個就係你要係定義呢一段講清楚嘅野
我理解嘅係兩種唔同嘅教育理念/方針
我當年就話樽係被動咁等野塞入去，象徵被動咁接收知識(填鴨式教育)
火係主動咁去發光發熱，象徵自由探索自由發展
無錯係諗都諗到，但作文嘅話呢D定義要畫公仔畫出腸

第三四五段就係你嘅論點，亦都係成份卷最為重要嘅攞分位
初中都有講，議論文最緊要有論點論據論證，咁係咩黎﹖

論點就係你個point，點解你支持/反對問題問嗰句野，呢個好容易理解
論據即係例子，有咩證據去證明你個論點
論證有少少複雜，就係你要用你個論據去證明論點，即係你要講明點解你覺得呢個例子可以證明呢個論點

我當年有講呢個論點：
論點：填鴨式教育有其必要，因為即使孩子想要自由發展，佢都要有充兄嘅知識作為後盾，而填鴨式教育係灌輸知識嘅有效方法之一。
論據：東漢末年嘅蔡文姬(大家打三國殺或者睇三國都聽過架啦)嫁左人之後被捉左去匈奴，之後生左小朋友之後又比曹操比錢贖番黎。係匈奴嗰陣佢寫左好出名嘅胡笳十八拍(我背左2句出黎 )
論證：如果佢無作為一個樽去接受佢爸爸蔡邕嘅教導，佢又點可以寫出胡笳十八拍，又點可以因為呢份才華被曹操贖番黎﹖

駁論就係話，想像有人當住你面話你呢個立場唔啱，你要想像佢會用咩論點去插你同你會用咩論點去駁番佢，呢樣視乎番你個立場去講

結論唔多講，大家知要做乜
唯一想講嘅係，最好可以係文嘅最後用一兩句去帶出一個對時下一D社會問題嘅反思同唔好開新論點，你唔係要討論時下嘅社會問題，只係要感嘆一句
我當年就係借寫小朋友嘅教育方針帶出時下好多家長只側重填鴨式教育，造就左港孩嘅出現
千祈唔好寫多，一句起兩句止就OK

3. 考評局鬧考生啲乜﹖
其實大家都可以想像到，議論文打嘅係咩野﹖
係論點同論據
論點可以慢慢諗到
但論據就唔係人人都諗到
如果係D太common個個都知嘅，就會令人覺得說服力唔強：「超，我夠知啦 」
所以，論據最好就係罕有嘅，古今中外各行各業都有D就最好
而呢樣亦都係考評局最常鬧考生嘅野，例子黎黎去去都係嗰D，顯得接觸嘅知識面不足
咁大家知要點做啦

4.咁點先可以夠論據啊
學語文唔會有捷徑，同鵠巴講嘅一樣：要浸出黎
要培養出一個習慣，係日常生活，書本甚至打機嘅台詞都可能係來自一D名言，或者有一個名人嘅故事係入面
試下唔好聽完睇完就算，覺得未聽過嘅，有D興趣嘅，就上網去search下背後嘅歷史或者人物故事

仲有一樣野，改你份卷嘅人係一個Marker，佢嘅正職係一個中文老師
即係話除左間中要背幾句詩詞歌賦大家不妨準備一D中文以外嘅例子(例如愛因斯坦一個人生活係慕尼黑而學會獨立生活，或者德川家康係童年時被送去織田家做人質)，Marker好可能會唔識而唔敢話你錯

至於手速，每段要寫幾多字呢D就要靠大家多寫多練去自己摸索啦

小弟嘅感想暫時係咁多，希望幫到大家

想問閱讀理解同埋綜合應該點溫

就係你呢d人渣
年年都考霸哂d 靚grade

自修生同日校都唔同curve

咁夜校生係同日校一齊計，定計自修個邊？