DSE中文5次5** 分享讀書心得

巴打有冇試過邊一年straight 5**到？

小妹bachelor未grad考4次數1粒星都冇
希望在明年 共勉之

畢業多年，依然記得鵠巴打嘅貢獻

鵠巴打

有2次
其他多數炒說話
我懷疑d marker一見你個樣大小小就起晒鋼
幾次都係一入到去佢就皺晒眉頭
買返餅帶聽返2次都唔覺得自己有咩問題(send埋比中學老師都係話冇問題)
但有2次都只係拎到4

巴打姓李 ？

peter好波
in peter we trust

考說話嗰陣
其他考生不斷輪流指定其餘考生回應
淨喺唔畀我回應，我完全無位入
考完走出去課室，見到佢地4個有講有笑咁

點名發言係會扣分架 所以佢都唔會好過
不過你其實都要主動D搶

咁最後講到幾多次野

原來會扣分，而家條氣順返曬
感激感激

首輪1次，跟住我第一個講
總共2次

點睇油麻地間三洋美食

咁你似賴野 仲要第一個講 回應一定唔係幾多

感謝支持

我想補鵠哥

中四補得嗎？

巴打而家正職係教日校？

今日得閒D 可以出Post講下「語感」既問題
中文成日比人話靠「浸」 其實係咩意思
成日話多看多寫 睇多D書 又係點樣呢?
要解釋呢樣野 我諗你首先要明白「點解你學得唔好」

我認為 所謂既「語感」係同學對遣詞用字既「整體處境意識」
一篇文章入面一句句子會係佳句 但並唔代表果句句子去到邊篇文都係佳句
好多同學補習(呢個亦都係好多補習社既弊端)
會派一大堆所謂"金句錄" "神級句式"
佢並無教錯 但要知道既係句式既限制

例如舉個例 好多補習社都有教既"對比句式"
「沒有XX,沒有XX,反而是XX。」

例如如果我話我做錯事比老豆發現 然後我誠實咁同老豆道歉
我會出呢句
「豈料 父親臉上卻沒有憤怒的眼神,也沒有失望的目光,取而代之的反而是一個溫暖的微笑,他拍拍我的肩,說道....(後略)」

咁呢句一定係高分句 因為佢強調既父親唔單止無嬲 反而欣賞我既誠實
但要注意既係 呢句句式既用法 前設係"本身你以為父親會嬲 但係無"
存在呢一個"落差感" 先會導致呢句句式既出現

但係好多人唔明 淨係係補習NOTES入面見到 就狂用
當處境入面唔存在呢個"落差感"既時候 呢D句式就會好礙眼

例如如果我寫我同個FD久別重逢
咁我無啦啦話
「一心面上並沒有失望的眼神,悲傷的目光,反而是一個興奮的笑容,衝過來道:「好久不見了!」」
一定係怪到痴線 因為一心本身根本就唔應該失望同悲傷
咁你夾硬去用呢句 就梗係肥啦

上面既例子可能比較極端 但亦因為咁我相信大部分巴絲打都睇得明
但係類近既例子仲有好多 而某D並唔係咁易GET到
但係中文科既老師就一定會睇得出 仲會打個交叉
(題外話:所以人地話 中文老師係睇得出邊個係補習 邊個係天生語感叻 呢個係真)

然後我會再講返點解人地話中文係靠浸
大部分人係靠睇書浸個語感返黎
我都唔例外 細個大約2年班開始睇衛斯理小說 3年班睇第一本金庸(好似係倚天屠龍記)
大約5年班已經睇晒所有金庸同埋九成既倪匡小說
後來中學再睇多左現當代文學
我自己就基本上從來無補過中文都考得唔錯 主要就係因為浸

但係所謂睇書既實際用途 就係你會自自然然咁掌握到D遣詞用字
例如你睇金庸入面 每一個情節用既字 其實背後都會有個處境
郭靖因為楊過係故人之子但係又頑劣不已 先會有果種愛之深 責之切
阿紫係因為內心愛戀住蕭峰 行為先會咁狡黠得黎又咁少女
寫出黎好"行" 但係事實上係睇得多左 你會"習慣"到咩情況會用咩句子同詞語
呢樣野係你補幾多個天王 比幾多千蚊都學唔返黎既野

而且齋睇作文 精華範文筆記 亦都好難FOCUS係呢D位
(多數你只會注意D寫作技巧,修辭)
變相呢一Part就好睇你浸成點

諗住再考一次中文 但又懶得溫範文
知唔知淨係考分卷得唔得

而點樣去改善呢?

當然講經d就係睇多d書啦

但你無心去讀既話其實睇都係晒氣

我幫學生會做既反而係真真正正既造句

有時我覺得補習唔一定要筆記厚 而係實用

有d ex做完就做完 唔需要再狂溫

我非常建議一個好實用但睇落好低能既功課：造句

類似係我比句句子你　中間空左幾隻字，甚至一行

你用自己既語感去填返　

例如：「可是，面前出現的，竟然是一心！霎時間我________(不解)」

中間我空左一格　其實你要填返自己既句子落去

關鍵係無標準答案　只要你合理就得　

例如我隨便寫既話　可能會答　

我的腦海間充斥著無數問號：為甚麼一心會在這裡？他不是要上學嗎？難道。。。

咁唔一定要係呢個（根本中文作文就唔會有標準答案）　

只不過呢個填落去ｏｋ　咁咪岩囉

一條　兩條　十條　二十條　老師出功課比你

當你每日都寫　慢慢你就可以習慣到語感

呢個亦都係我覺得比較實用快速既浸底方法

不過當然你要搵到足夠數量既題目啦

（題外話 香港教育制度係好難教到呢d語文科 因為大家都追標準答案 好似得個老師寫既句子先係岩咁 其實巴絲打好需要打破自己既框框 要明白到難既並唔係句句子要"靚" 而係要"合處境" 用字靚 反而係其次... 但係你又未必知自己岩唔岩 所以呢.. 講就easy.. 做就...）

梗係唔得