法學院Player育成記 (2) Sem Break篇

dylan 哥直線抽擊kenneth
feel 到下篇會有突破性進展

Dylan 由性人變聖人

就好似Chris鍾意學生妹一樣 不如佢哋綁埋一齊 唔好放返出黎啦～

真心好同意 唔知點解慢慢好似融入左呢啲咁嘅19文化
開頭以為自己好似好fit in到入去呢啲文化 但係個人冇左自己開頭嘅初心 越做越冇心機 之後越黎越麻木
唔知好事定壞事

完全係我寫呢個故其中一個想寫既message

Live

我覺得星期六日得閒D時要由頭睇多次，好似對cherry 冇曬印象, 睇睇下又覺得佢有D似以前既自己

點解咁講

識親D朋友一聽到女仔讀law即刻走夾唔抖

就我所知，law fac啲女唔掂 ba/socsc/business/dental就唔錯

79

等到手中香煙終燃成灰燼，Kenneth先出聲：「你想暗示啲乜野？」

「Selina同我講左佢啲野。」我又補充，「我可能咁問會好八卦，而且我都知我冇資格去干涉你既私事。但係，我唔忍心見到你地無疾而終。」

Kenneth似笑非笑咁應道：「有時，有啲野唔係我地想點就點。我係鍾意佢，但咁又點？我同佢都踏入左社會，諗既野再唔係好似中學生咁，諗下放學去邊度行街，聖誕節約佢去Christmas Ball。我同佢背景太唔同。佢係千金小姐，由細到大都盡受疼愛。我呢？唔怕話你知，我由細到大都係屋邨大。佢學琴、學芭蕾舞個陣，我喺度同啲屋邨細路踢波；佢同父母去歐洲旅行個陣，我喺度期待緊去長洲既畢業營。佢想讀LLM，佢大可以話走就走，去外國讀書。我呢？我大學個陣，左R Grant Loan右幫啲中學生補習，先勉強夠生活費。我同佢太唔同。你話我點比到幸福佢？

可能你會話，Selina唔介意我窮。我都覺得，窮唔會make too big a material difference；但係，我地既背景不同，係令我地既諗法、興趣、話題極盡不同。況且，Selina如果知道左真正既我係點，可能我喺佢心中既形象會破滅。」

我唔知點反駁。佢講野既其實不無道理。

「咁Kenneth，點解星期五個晚你唔理Selina？係咪真係因爲Steven師傅？」

「我唔係為Selina所做既野而感到失望。冇，我完全冇為佢作既選擇而去睇低佢。但係，我唔識面對Selina——作為佢既朋友，喺佢面對流產、離婚、工作壓力等等既事上面，我根本就幫佢唔到。」

「Kenneth——」

「多謝你咁關心我同Selina，Dylan。我喺你咁大個陣，我曾經都以為一段關係入面只要有愛就得。但係，事實上一段關係除左感情之外，仲有好多野要顧慮，包括金錢、家庭背景。你再過多幾年啦，出到黎社會你就明架啦。」

Kenneth將香煙整熄，又拍一拍我膊頭：「好啦，我上去做野先啦，你慢慢。」

看破紅塵的Kenneth

sad af

頂一頂先

點解咁講啊