法學院Player育成記 (2) Sem Break篇

好耐冇見，襯Dylan仔放暑假，而家出個續集先。舊故可以睇以下條Link:
https://lih.kg/565044
都係個句，人名絕無影射，故事內容有真有假，大家請自行判斷


1

我係Dylan，今年升Year 4，讀緊LLB。Status? 單身左一年到啦。你問我點解？自從我同左我兩位Ex Denise 同 Tiffany 分手之後，我就冇再拍拖。一黎我唔敢再傷害到其他人，二黎我亦唔想再拍拖。講真，得罪講句，拍拖都係想互相攝下對方時間，夜晚空虛寂寞個陣互相取下暖姐。

而家Sem Break，身邊所有朋友一係報Vacation Scheme、Intern，一係做Mini-pupillage，再唔係就瘋狂去歐洲旅行。我就對於做Solicitor 冇乜興趣既，所以我寧願返下Mini-p，識下啲大狀，Build up 下 network。

我師傅叫Steven Cheng，我諗都50幾歲，但就好撚型，冇肚腩勁Fit，講野又有霸氣，平時跑車代步，收工就去飲下紅酒，完全係啲 Stereotypical 嘅有型大狀咁款，佢個Chambers 喺金鐘，行幾步就High Court，盡享地理優勢；係食飯就煩左啲。佢話金鐘都冇乜好食，一係就食PP啲西餐，一係就去附近啲酒店食Lunch。

除左我之外，同一個Chambers 裡面都有其他Mini pupil。平時我地會一齊坐喺Conference Room各自修行。雖然，大部分時間都係喺度吹水。

「Dylan，入黎我間房。」Steven 師傅入左會議室，叫我入去佢間房。平時佢大約11、12點先返Chambers，但我就會9點返到去做下野，同其他Mini 吹下水。佢一返工，就會叫我入佢間房傾下計、或者assign tasks 比我做。

佢間房應該係全Chambers 中其中一間最大嘅房。入面放左好多酒同雪茄，仲放左張梳化喺度，都幾靚下。佢示意我坐低，我隨即坐喺佢張真皮梳化上面。

「點呀，Dylan，返左兩日啦喎，慣唔慣？」佢一路講，一路倒左杯Glenfiddich。時間係朝早十一點。佢施施然咁飲左啖酒：「拿，我遲啲九月有個Pre-trial review，下星期要上Land Tribunal。你幫手Draft 個Summons 啦。我叫我個Junior俾啲Bundle 你睇下。」

佢隨即打檯頭個電話：「Selina，拎一拎Lands 份Bundle 黎我間房。」

過左一陣，一個一頭啡色大波浪捲髮、身穿深藍色窄身連身裙、年約廿七、八嘅女人就入左黎。佢都幾矮下，扣左對3吋高跟鞋，應該得155。不過，佢個偽abc腔，加埋對勁白勁幼嘅腳真係好撚淫。

「Selina，呢個係我Summer Student Dylan。你Brief 下星期個Lands俾佢聽，我叫左佢Draft 份Summons。」

Selina望一望我，冷淡回應：「我而家要Draft 份Skeleton；一陣12點你黎我間房，我同你講下個case，反正我間房另外個tenant今日要上Court 唔會返chambers。」 Selina 以佢不可一世嘅語氣命令我，就算Steven 師傅喺度，佢都好似唔係好俾面咁。

「好。」

差唔多十二點，我就行左去搵Selina。佢間房喺會議室另一邊走廊既盡頭，房冇關到門。我敲一敲門，佢即刻講：「Come in。」

佢間房唔算大，基本上一眼睇曬。佢個位喺房既左邊，檯頭放左部Mac同iPad，電腦旁邊放左一張佢同一個男人既合照。個男人都幾型下，gel行曬個頭，係對眼細左啲。

「你坐住喺Kenneth個位先啦，佢同我一齊租呢間房，今日唔會返。」

我拉開張電腦椅，坐左係佢對面。佢巢一巢個頭，好似想曬佢左手無名指上個隻閃令令既黃寶石戒指。原來係人妻！

佢翹起佢白滑既美腿，一路fing佢對黑色高跟鞋，一路講：「你頭先應該睇左個Bundle啦？個facts都好簡單，我地係Respondent，而家比人告違反大廈公契。我地上Lands都係搞下啲Procedure既野，唔係太多Substantial既野要理。總知你跟返呢封書做一做Research，再打份Summons 就可以。有冇問題？」

講真，佢係咁玩腳，我點集中到精神呀。

「Dylan？明唔明？」佢見到我眼神迷茫，於是一臉不耐煩。

「我明呀，我頭先睇左次Deed of mutual covenants架啦。一陣我再research civil procedure。」

「咁你聽日內好比到我。」

呢個女人，成副不可一世既態度，真係好想大巴大巴車埋佢個度！

「好，咁我出返去先。」

一見係巴打出文秒速follow between 最後係咪denise定tiffany走咗去英國讀llm, 同你以後都無再聯絡

Denise 去左讀LLM

2

見完Selina 之後，我拎左疊Bundle返會議室。

「有新野做呀？」坐我旁邊嘅Duncan問。

坐喺會議室裡面既，除左我之外仲有另外四個Mini p，兩男兩女。男嘅一個就叫Duncan，讀Nottingham 升Final Year；另一個叫Jeff，同Tiffany（即係我個Ex）一樣，都係讀Blaw 升Year 3。兩個都青靚白淨，小大隻。佢地兩個跟隔離房個Bar Paul Chan，聽講個阿Paul gay gay地，好鐘意收埋啲年輕男學生。

兩個女嘅Mini pupil 都唔錯。一個叫Gemma，讀KCL；一個叫Cherry，讀我間學校嘅Glaw 升Year 2。可能因為佢讀KCL 啦，Gemma 都幾戰鬥格，成日著埋啲好窄嘅黑色短裙、高踭鞋返工。而Cherry 就幾清純，黑長直白白淨，我諗佢仲等梗人pop佢粒cherry。佢地兩個跟一個出名咸濕嘅SC，成日收埋啲正妹學生。

所以話，第時做Solit又好，做Bar 又好，一定要收啲大波學生妹做Intern。

「係呀，師傅有單新野，Selina 做 Junior。」

一聽到Selina 個名，Duncan 即刻雙眼發光：「哇Selina好撚正喎！我上星期三跟師傅上High Court，Selina 都喺度，不過係做其他case。我成程就係不停咁𥄫佢！」

「唔，ok啦，」雖然我都好同意Duncan講嘅野，但我廢事喺其他學生面前暴露我真實嘅一面，所以我都係輕輕帶過；「不過佢好似結左婚？」

「係呀，佢有老公架啦。聽講——聽講咋，佢老公就好錫佢嘅，但佢就唔太靚仔，又係啲好靜個一type，所以Selina自己成日出去玩。」阿Jeff 補充。

「你又知？」我問。

「你見唔見到佢檯頭張合照？」Jeff問。

「見到，佢老公丫嘛，都幾型呀，唔係你講到咁差喎。」

「屌，嗰個梗係唔係佢老公啦。佢老公好似係醫生定唔知乜黎架。張相個男人我懷疑係Selina SP。」一聽到「SP」呢個term，Cherry即刻紅曬塊面。

「哇，你地都係早我一個禮拜做mini p姐，你地好似熟曬成個chambers 啲人事關係咁既？」我不解。

「屌，淨係知Selina啲野咋。係我師傅個真徒弟同我講架。不過今日個pupil去左court 唔係度，咪如果仲多野聽。」Jeff續。

突然，會議室外傳來響亮既高跟鞋聲。

「Dylan，」全間房頓時變得極安靜。「你拎漏左個bundle。」

佢臨走個陣啤左我一下，眼神有啲凌厲，又好似有啲曖昧。而講佢嘅Duncan 同 Jeff，反而冇被Selina望。我隨即逃避佢既眼神，仿佛我有份講佢壞話。

Dylan is back!
Jeng!

Ho

第二集

dylan哥出文啦

岩岩intern有event，屋企都未返到 聽日又返工

有時間先寫啦咁 intern加油

聽日一定有

等你出文

3

當Selina 離開左間房後，Jeff同Duncan即刻細細聲講：「仆街啦今鋪⋯俾Selina知我地講佢是非，我地以後仆硬街。」

唔知點解，我硬係覺得仆街嗰個會係我。

不過點都好，快啲做完份Summons，廢事一陣有位比Selina 入。我打開本Civil Pro White Book，開始做Research。

當我做梗野個陣，Jeff 離開佢個位，望一望走廊，make sure冇人，又將度門關細啲，道：「我都有九成把握我講嘅野係真。頭先Selina 聽到我地講佢，佢即刻黑面，即係比我地講中啦！枱頭嗰個唔係佢老公，而係佢SP；呢單野仲唔係真？」

我冇回應Jeff，只係輕輕頷首，並繼續埋首眼前工作。

去到差唔多一點個陣，電話突然響起。

「Dylan，食左飯未？」電話傳來Steven師傅既聲音。

「未呀。」

「好，咁你而家去香格里拉7樓間日本野啦。你坐低先，我搞掂啲野就黎。」

當我去到間餐廳個陣，門口經理問：「先生，請問有冇訂位？」

屌，唔知師傅有冇訂位喎。

「我唔係太肯定，有冇鄭生嘅Booking?」

「唔好意思呀，我地搵唔到呢個Booking。」

「咁我walk-in得唔得？」

「唔好意思呀先生，我地Full booking。」

正當我困惑之際，師傅突然出現。佢拍一拍我膊頭：「Dylan，搞乜？」

經理一見到師傅，態度即刻變得格外恭敬：「鄭生！好耐無見！請入黎！」

經理帶左我地去左一個靠窗既位，道：「兩位請坐，」佢又望一望我，「頭先唔好意思呀，唔知你係鄭生既朋友。」

師傅問我：「Dylan，想食乜？」

我望一望餐牌，應：「我跟你。」

師傅向經理講：「咁兩Set 懷石料理Lunch Set。今日仲有咩推薦？」

「今日既平目魚刺身唔錯，好新鮮。」

「咁我要多份平目魚刺身，再要多兩杯Sake，你幫我地揀。」

經理笑容可掬咁應道：「冇問題鄭生，多謝曬！」

當經理走左之後，我問師傅：「師傅成日黎？」

師傅從容咁飲左啖水，同我講：「係呀，呢度夠靜，冇咁迫。我同呢度經理幾熟，次次黎都有位。」

啲野食好快黎左。師傅示意我起筷，並問：「我琴日同前日都好忙；你黎左三日，我都未同你食過飯，真係唔好意思啦。今日食多啲！係呢，你阿爸近來幾好嗎？仲係成日唔喺香港？」

「係呀，而家佢地基本上係長居美國，所以變左我自己一個住。」

師傅奸笑：「岩啦，帶多啲女仔返屋企啦。想當年，我同你阿爸仲讀梗大學個陣，你阿爸係少女殺手黎架，成日都好多靚女跟出跟入。不過唔好同你阿媽講返！」

中年人果然係比較鍾意想當年。

「第時你都係想做Counsel 架啦Dylan？」

「係呀，我鍾意advocacy多啲。做Solit唔岩我。」

「岩啦，咁你呢排就睇多啲，問多啲。不過唔洗太Chur，試做下就ok！你學生黎架咋，放暑假咪去玩下，溝下女，enjoy yourself。第時你讀完書要搵師傅，我都可以幫你問下。」雖然師傅叫我enjoy myself，但佢應該對我期望都高，一陣都係返去搞埋份Summons算。

「多謝師傅。」我飲左啖Sake，不過⋯唔太鍾意。

食完野之後，師傅就坐低喺度禁電話。佢同我講：「Dylan，而家幾點？」

「兩點半。」

「拿，第時你做Counsel，未夠兩點半都唔好埋單。兩點半前埋單嘅，係打工仔；兩點半後埋單嘅，先係老闆！」佢又繼續道：「失陪一下，我去洗手間。」

師傅將佢個電話放左喺檯面，擺喺我面前，佢仲要冇quit到whatsapp —我知，偷睇人Message 好唔道德丫嘛；無計，我係八卦。

Selina Chung 傳來一個新訊息：

「我book左今晚10點尖沙咀Hyatt 2508號房。」

點解Selina會send 啲咁嘅野比我師傅？

lm

示意圖

多啲做野情節個故會有層次啲 btw得既咪出多啲囉～

Dylan

文呢

4

「Dylan，你返Chambers 先啦，我去食枝煙。」 師傅食完飯後，不忘一支飯後煙。

Selina send 比師傅個message 喺我腦海揮之不去。

當我返到Chambers個陣，得Cherry同Gemma喺房。「Jeff同Duncan呢？」

「佢地出左去同師傅開會呀。」Cherry回應。

「原來係咁。」我繼續完成手頭嘅Skeleton Argument。

「The Respondent’s submissions contained herein are in response to the skeleton submissions for the Applicant dated 10 July 2018. The Respondent denied that there is a breach of clause 8 of Deed of Mutual Covenants (“DMC”) by the Respondent, as put forward by the Applicant... 」

我一路打，一路揭書，一路睇Westlaw research。過左差唔多2個鐘，我都差唔多打曬。
呢個時候，有個女人入左我地間房。

「Hi，我係Amanda。」講野嘅中年女人，應該就係隔離間房嘅一個未婚中女大狀；我諗佢都五章，皮膚完全零保養，著衫又成個修女咁，「你地係⋯？」

「我係Dylan，Steven師傅既Mini p。」

「我同Gemma都係跟Francis。」

「唔。」Amanda點一點頭，意味深長咁同我地講：「我之前幾日唔喺香港，今日返黎諗住同你地打聲招呼姐。落樓下coffee shop飲杯咖啡？」

我地遂跟隨Amanda落去樓下Starbucks。當Gemma企起身個陣，Amanda啤左佢一眼。

我地坐低後，Amanda渣住佢杯Earl Grey Tea，開始發表佢既偉論：「你地都係想做Bar？」

我點頭。

「當年，我岩岩出到黎做Bar個陣，收入都幾可觀；不過而家你地應該會難啲啦。我知道而家好多後生既Bar，特別係女仔，都會做埋啲不知廉恥既勾當。我之前喺某間Chambers做過，入面啲Counsel房完部都係閂曬門、上曬鎖。我有時候會見到有啲女Counsel，入左間SC既房，閂埋門好耐都唔出黎！」佢又望一望Gemma，續：「所以你地啲女仔要潔身自愛！」

聽到呢度，Cherry、Gemma完全唔識比反應。

「你點睇呀Dylan?」Amanda見到冇人出聲，遂開口問我。

「Er⋯可能佢地未必有做啲咩唔見得光既事既。」我無奈應道。

「就算冇事發生，你地啲女仔都要著得檢點啲呀。呢度係Chambers，唔係歌廳，人地作為學生應該著Full suit、或者過膝既裙。」佢啤住Gemma，道：「你咁著就唔太理想啦。條裙又短又窄，件衫又透又低胸；一陣啲客上到黎就唔好啦。」

Gemma 聽畢，滿臉通紅，連我都感覺到佢怒火中燒。

Amanda望一望錶，道：「差唔多啦，我有野做，你地上返去先啦。」

我地上返去Chambers個陣，Gemma 連聲抱怨：「個女人真係痴線架！我著乜佢都要理！」

Cherry安慰道：「唔好咁啦Gemma，佢都係驚你蝕底姐。」

「蝕底？！個老虔婆自己冇男人要，又老又殘先黎搞我咋嘛？頭先個啲咩『要潔身自愛』，擺明就係影射我啦！」Gemma反駁。

不過，我覺得「要潔身自愛」反而唔係影射Gemma。

加速