化驗之奴討論區

唔知養和amt好唔好做呢?

識用離心機得架啦

花左幾年時間，用左十幾萬，我老婆最近終於轉職成為AMT。本來以為做HA AMT 前途好D，又可以準時收工，點知件事同想像中有D出入，佢依家晚晚返屋企就係不停講自己有幾辛苦有幾唔開心，之前明明仲係一個好happy 嘅女人仔黎。情緒忽然轉壞，都唔知會唔會影響肚入面個BB。

(睇到呢度，可能已經有人知我講緊邊個，但係唔好相認唔該，自己知算，唔好響個lab 度傳，我只係不吐不快)

我太太係HTC黎。我可以話俾大家聽HTC入HA做MT 真係非常之難。首先，每年都會有一大批Poly 畢業出黎爭，HA又明顯係會先俾機會Poly。佢讀完HTC之後報Central in，Waiting 都冇。第二次諗住再接再勵，本來諗住機會又細左，點知居然有Waiting。等左半年到，無厘頭有個offer，咁當然點都要左先，唔係連行都冇機會入。話係無厘頭係因為 1. 都冇諗住去呢個cluster 2. 都唔係佢讀開o個科。

之後，因為人事部問題，個offer dum 左半年，由冇仔去到有仔，懷孕中期就過左去。呢件事響好多人眼中都係癡孖根，明明有舒服工唔做，走去做份辛苦D嘅，但係我地都好無奈，又放棄不能 (因為一放棄就應該以後都做唔到MLT)，只能頂硬上。如果個管理係正常o既，咁都應該會體諒下孕婦情況，點知...

個LAB IC 對我太太非常唔友善，原因不明，只能認為佢係典型老屎忽。佢基本上認為我老婆係白白浪費左佢個headcount，因為唔係本科，又唔係Poly 出身，又疑似係想黎呃產假。我地都明白 1. 佢大肚一定會為同事帶來不便 2. 呢科佢其實唔係非常熟，所以我地兩個都知道一定要顯示出願意工作願意付出願意學習o既態度，大肚唔係hea 做藉口。問題係呢條仆街好似一開波就覺得我老婆冇希望，教佢都廢撚事。得閒就問下佢書，有少少錯就向其他人無限放大錯處 (問題係錯o既地方，基本上都係HTC唔會教，又或者係個lab specific 嘅野)。搞到佢俾人個印象係蠢同懶，所有佢響lab 度o既付出好似全部都俾個老屎忽抹殺咗。個經理都算係正正常常，但係唔知點解又好信個仆街，似乎又以為我老婆好唔掂。

我認同如果想要前途，就點都要付出一D代價，辛苦D係要。但係我覺得佢響呢個workplace 完全係冇受到應有嘅尊重同體諒。佢依家晚晚就係不定咁講呢D野，連weekend leisure 都覺得內疚 (因為覺得要溫書)。呢個階段明明就係應該養好身體，多D胎教，等待新生命嘅來臨，變成咁我自己都覺得好無謂。

我都唔知做咩好喇，聽得多自己都心情不佳，但係我點都要做最硬淨，可以支持到佢嘅人。只係真係忍唔住要響呢度講，希望大家真係勿相認。另問，其實佢轉部門機會有幾大?

睇完之後有幾樣野想講
1. 我自己都有知道d htc唔係讀本科嘅人入左d唔啦更嘅lab做，基於工作環境壓迫佢地都付出咗好多時間去彌補自己知識上嘅問題

2. 睇您篇野講話淨係ic harsh 您太太，其實都唔算太worse.....因為我亦有聽聞有d 人做野唔掂係全lab一齊講佢令到佢自己辭職 ～～所以其實係好多唔同地方都有出現呢d問題，問題係自己應該點做去解決呢d問題

3. 至於話無厘頭派咗去其他cluster，其實even poly fg都有呢個問題

4. 轉lab 係可以，不過好似要做夠一年同埋對家有位先可以

希望幫到你太太，叫佢比d心機自學番d basic野應該唔大問題

我朋友今年waitlist, 唔知要等幾耐了.....

多謝你share htc出身同amt做野既苦況出黎
你老婆都係幾黑, 一波三折入到去仲要俾人撚
有冇得跟第二個同事學下野?
正常lab都有好幾個bench, 轉下bench lor
定有d野大肚婆真係唔做得?
有冇睇定d產假要返幾多月工先放得?

轉discipline 唔係唔得, 但最好有門路
首先要知對家有位
第二係要同對方com下, 要你而唔係其他fg
(不過如果等得central recruitment9成9有poly佢都想要poly啦)
第三係你老細肯放人
二、三點如果寫花左個SDR就基本上唔洗諗



其實我覺得, 如果咁辛苦不如唔好做啦,
始終粗身大細, 大既太大壓力,
對自己同對肚入面細果個都唔好
唔好被佢搞到拎白卡呀, 份工真係唔值咁大代價呀清

另外咩野私院都係預左會受氣, 好多都要上ward抽血
同咩都係急急急急急, 壓力大

另外同d fg開心share下唔同discipline既情況
各巴絲都可以一齊討論下

HA成個勢都係workload慢慢逐年升緊,
不論cluster/醫院/discipline

想準時收工同冇咁忙(唔係唔忙呀注意)
必定係入細院>大院, 但想升職快就要入大院

discipline hea既程度高至低, 我覺得係:
chem>hemat~=histo>micbio

壓力大至細既程度我覺得係:
hemat>micbio>histo>chem

以上純屬個人感覺,
由報告急切性到步驟有幾繁複到到壓力幾大我都有考慮過下
但人人感覺都唔一樣, 唔同意絕對冇問題

升職快至慢既程度(同amt入職既數目)好depends果幾年搞緊d乜,
早幾年搞專職當專做, 請多左人當更所以chem同hemat都多位,
呢一兩年cluster龍頭micbio開24/stagger, 佢地又多左位
histo就平均地較少請人同開位, 除非開新醫院/新bench
而退休位dun番出黎既位就平均d既,
所以係chem/hemat/micbio>>histo

至於應唔應該跟興趣/住既地區揀?
有得你揀再算啦
interview冇錯係會問, 不過感覺年年傾向唔同
唔知係discipline/地區既受歡迎程度,
同開出黎既amt位互相配合唔到定點
有d年份傾向派discipline先, 結果就係住北區可以叫佢東區返工
呢d人會好想轉院
轉轉下而家有d年份又相反, 變左派地區先,
結果就係係就係返工近, 但做野做落就唔開心,
甚至係唔係好識tim
結論都係睇彩數, poly瓣瓣識既可以考慮地區先
htc就應該強烈考慮discipline優先,
話9之佢叫你邊度返工啦

依家就係驚SDR會花，因為IC對佢嘅評價太唔公正，好似隨時都會揾到把柄咁。


唔做mlt唔係唔得，但係幾年心血冇左咁囉

缺過人咩? 聽唔少poly fg好多都想入histo wor
話多手作冇咁悶喎
但升職真係好撚慢架, 發夢見平均都要做左十年以上先有得升, 仲要係好彩
唔好彩分分要等廿年
又等我分析(鳩up)下

histo位係最少, 咁多年黎都係
其次係micbio
chem/hemat 最多位

肯定SDR係i/c寫? 唔係smt?
出左去的確入唔番HA架啦, 要入係靠呢幾年好景,
駁佢收晒poly fg仲有位, 唔會話頂到好多年架咋
不過我個人覺得份工唔值咁大代價姐
或者可以諗下去DH, 入職人工係會低D
但max高過HA amt既max

其實有得揀既話做公院定私院好d?

唔怕辛苦又想高人工，私院
唔想擔驚受怕被炒，公院

如果計升職前境呢，假設係同一部門？

差d入左行，其實出到來社會份份工咁上下
共勉之

呢個就唔太清楚。。。。我自己諗就應該公院多小小機會。。始終私院要賺錢唔會開禁多高人工職位出黎
有錯請指教

前景同升職唔撚同架wor
升職黎講公院睇人同邊間院架咋,
始終工作環境好睇老闆(smt/COS醫生)點搞,
冇得一概而論
發夢見過有人公院冇位升出去撈到風山水起,
亦見過有人係公院好似坐直升機咁扶搖直上,
主要係depends discipline同佢做架院既風格架咋

巴打你係做呢一行？想問下其實入私院要學抽血係咪可以報HA果d抽血班？

就咁
我唔知你出呢個post為乜
睇完我淨係覺得一係你就智障嘅
一係你唔想你老婆返工好過
睇黎你都預左你老婆同事會睇到
我唔知你有冇諗過佢哋睇完會有咩感覺
如果俾個IC睇到
又有冇諗過會點？
即使佢哋唔會實質上做啲咩
但印象分只會再低
Med lab呢行其實真係好細

呢兩三年HA其實出唔少post
係要人用嘅
的確poly u同東華畢業係優先
但如果你老婆要in兩次先有waiting
會唔會其實係佢in得唔好？
我知係有HTC畢業第一年就入左HA

你話你老婆唔係本科請左佢
返工辛苦要溫書babababa
其實accept個offer時你哋冇諗過要咁？
Med lab唔同普通一份寫字樓工
做錯嘢出錯報告係可以死人
個IC問書睇下程度去到邊有咩問題？
冇人揸住支槍指住你要accpet個offer

真係諗住做med lab可以他條做準時收工？
你知唔知一樣要輪班
壞機一樣要OT
以為薪高糧準他條hea做嘅我諗你老婆入錯行

你講到咁擔心你老婆
接佢返歸等生好過啦

條路自己揀
仆街唔好喊

以我所知係唔洗,
出面坊間果d都得,
你識就ok, 唔洗要有HA果個牌

BD以前都有開抽血課程, 而家就唔清楚了

睇到你個post，有好多好有心嘅過內人提出意見想幫你或給你參考也有一些無賴可能自己一味夠運未遇過逆境就以為其他人都唔會遇到。呢行係有一種好廢但係死好彩刷到鞋點錯點慢都有人罩住，順順利利只遇到蚊型問題就懶醒咁當自己係大師嘅人。

每個人的機遇不同，看法也不同。遇到接近一樣的問題，有人會怨天尤人，有人會一笑置之。怨天尤人完有人會理性返繼續解決問題，一笑置之完有人會繼續逃避現實。無話邊個看法做法絕對對或錯，呢個世界任何事情都係。

不過估計你太太在的係龍頭大醫院吧，調走其實係非常不容易，而且想調走的人表現也最少要達標另外一個地方才會考慮接收。不達標的話不如做返一般化驗所，之前提到有五天工作的其實可以考慮。上jobsdb或jump應該大把。

想要一定的人工但又唔想太辛苦的話還是建議你太太轉型做藥廠/機廠吧，多勞多得。

反過黎講如果決心要留低，以你太太情形就一定要讀好多書，追返個差距。你一有料，人地就好難蝦你。同埋要有條理地收集足夠欺凌證據，直接報上SMT度。反正你無出聲又係蝦你，出聲又係針對你，出聲起碼俾人知道你唔係好蝦。當然另一方面做好自己先等人之後好難屈你。針對你太太個IC如果五十幾歲就忍下啦，幾年姐，但如果四十幾歲的話就搏唔過，一係同佢死過。

sosad
其實有d cluster既internal training係幾好， 就算你對果個discipline咩都唔識， 肯學就會有training officer教