化驗之奴討論區

做小弟做咗幾年化驗，曾經被懶惰老屎忽恰，被狐假虎威護士恰，被催報告的無料醫生恰。今時今日終於做返個正常人。忽有其想就喺呢度開個帖分享下以前的遭遇，也想同同行或者準備入行的朋友交流下。
呢行可以話係一個要讀好多書學好多唔同領域野但卻人工甚低的職業，有意願入行的朋友請多了解再決定是否適合。

上面無提到，其實做呢行遇到最大敵人係客，尤其你做越小型的化驗所同客人交流的機會就越多。
無需要講得太文雅，最令人討厭的當然係西客。西客有好多種，識少少扮代表的有，

扮曬VIP的客有，樣樣都問長問短的客有，無理的趕住投胎的客有，攞著數的客有，遲到早到的客有。。。之後再慢慢分享。

首先講不准時嘅客人，遲到其實無所謂，遲抽血遲上機遲出報告姐。不過好多(通常)遲到的客人都好無品，遲到但又要打尖插隊想做先，遲到但又想報告喺預期時間出，遲到但又話自己趕時間要即刻搞掂，遲到但又埋怨要排隊，總之唔會內疚自己遲到係犯錯一方。另一種遲到就係過營業時間先黎敲門或者最後幾分鐘先黎。
早到其實仲仆街過遲到，間野明明門口寫明九點開，但就八點半企門口要人地開門入去俾坐，好喇就坐。之後八點九就問點解仲未開始，我屌你老母!

除咗時間，西客都有好多仆街野。首先講識少少扮代表嗰班，化驗一個組合，抽完血問報告幾時有，之後無論你答任何時間佢首先都係同一個回應，“吓!咁耐？”然後就係“點解要咁耐？” 呢兩句呢種客十個有九個都係咁回，差在究竟係鄉音定高音。然後就會懶醒咁話“我識人做呢行/我識你地做嘅野” “明明部機幾耐就做完” 或者“上次我記得第二度快好多啵!” 咁點解你唔去上次嗰度做呀？你識做你唔返你自己公司免費做？你個化驗唔見得光？

我以前都係做MLT

然後個報告一出，唔係叫個醫生解釋報告又或者聽完唔知係唔係唔信個醫生，攞份報告上黎問長問短。好多野化驗師無權講唔講又話你係唔係唔識，屌你! 最鍾意係“我覺得係咁”呢句野，咁你玩曬啦，自己抽自己驗自己分析一條龍喇! 又有種港女好鍾意講“我覺得唔準囉! 上次個結果明明唔一樣” 你覺得？次次個結果連小數點都一模一樣先係準？妳個身體機能永遠都係不變？“我咁健康呢個指數應該唔係咁” 哦。妳自己估到自己身體狀況咁呢世唔好驗喇，累人累物曬資源又曬你錢。

巴打而家做sales?

巴打你好!

No

不過點都好，恭喜你脫離地獄

班大陸客就最唔衛生，小便大便永遠放唔好，一係無扭實扭好個蓋漏到周圍係，一係用埋堆奇怪容器甚至紙袋生果袋裝屎，紙包飲品盒督大個窿裝尿。尿有時候好懷疑溝咗野，顯微鏡下好多不知名物體出現。個化驗所附近個廁所好多時候都會有未衝走的屎或地下有尿。難為個清潔工。

大陸人要打尖堆藉口都係特別西，標準答案係下午趕飛機，另外一個答案係“總之好趕/有急事”，就當你係真咁點解要計到最後一日一刻先黎？真係出唔到就真係等你下次黎先有。藉口都懶得搵，你唔尊重化驗師，又點要求到人地尊重你呢?

港女好多就英文又唔係好，但又要顯出自己識好多英文，成日中文英文夾住黎講，運用到不倫不類，英文屎中文更屎。
阿伯中有種叫廢老的就好無耐性，自己已經係攞醫療卡等優惠黎睇，正正常常咁排隊，但就總係覺得姑娘手腳慢浪費佢地等死的時間每幾分鐘就行去問仲有幾耐。
師奶阿嬸就最鍾意搞關係，成日話自己成日幫親要折，要優先，又話自己同邊個邊個大粒好熟，熟就帶埋個大粒佬黎囉。
仲有一班完全唔識帶細路的豬婦，由細路到處搞野跑黎跑去，最多細細聲敷衍咁講“唔好跑喇”然後繼續同鄰座的八婆吹水或講電話。

暫時講完客，講下護士(壞嗰班)，護士係醫療體制入面最自卑自尊心最重的一群(部分)。最鍾意做就係欺凌醫生/管理層以外的職員，覺得欺凌可以凸顯他們的地位。化驗人員最常遇到就係無禮貌打黎幫醫生問野的姑娘，自己學識唔夠聽極唔明就賴人地唔識解釋，想點人做野但自己唔明白個運作就喺度炆。最仆街嗰班就係為討好醫生，自把自為打黎催報告，然後早到出就好自豪咁覺得自己立大功。成日口頭禪就係“醫生話/醫生要幾點有報告” 試過問過相熟醫生話無咁催過報告。係唔係要人督爆妳等妳無臉落唔到台先得。
有種就係成日唔記得野做錯做漏填錯化驗紙就賴人嗰班，唔記得叫人上去收化驗就一直死話有講過，真係仆街醫護界之恥辱。

欺凌呢樣野，老屎忽認第二，無人敢認第一。
根據經驗，越無料越廢的老屎忽，就越多時間欺凌後輩。
欺凌，目的在於平衡欺凌者的潛在自卑心理，通過欺凌凸顯自己地位上的優越。
欺凌方法不在乎於把自己的工作交予被欺凌者，不交代清楚就要求被欺凌者做未做過的工作，把自己的失誤歸咎於被欺凌者。
老屎忽通常都是不思進取，自我中心唔進修唔提升自己遲到早退規律性詐病的一班老員工。

醫生，要求我地出報告的老細們。
地位崇高令人尊敬的他們，某些行為令為他們做牛做馬的小弟們失望。
不合理催報告，不合理加驗，不去了解化驗的真正流程，這些行動只會把大家的距離拉遠。
化驗報告，通常按流程標記號碼順號碼化驗，有標籤緊急的會優先處理。緊急的意義在於病人身體狀況極差需要快速判斷身體功能結果，又或準備做手術的病人配上相對的血型和了解血凝的狀況。
但現在很多醫生想自己的報告優先凸顯自己的診斷快速以禰補自己其他醫學能力的不足，所以就算一般驗三高血糖都可以緊急一番。
可能一開始一個醫生這樣做，然後部分醫生開始效法鬥緊急。這位醫生放一個緊急印，那位醫生就放兩個，到最後可以四五個緊急印。到底那個是真正緊急的，變成化驗師的工作，如果真正緊急的做慢了又變成化驗師的錯。但個個都話緊急，又如何準確判斷那個是真真非常火急呢？某些人渣醫生，可以從來未見過他們的報告無貼上緊急的，做這樣自私的行為一定不會是人格好醫德好的醫生。前排新聞的醫療判斷錯誤，就是太多垃圾醫生亂印緊急印而導致職員已經當緊急為一般而錯過了優先處理。

還有些醫生，應該是生意差還是工作輕鬆，把時間花在打電話催報告，每一份報告都親自打落黎催幾次，又懶惰不嘗試去了解這裡的真正流程，道聽途說就以為化驗是簡單到放標本落機就等結果。完全唔明白他們這等態度智慧如何成功考到執照的。催到生氣就用權力壓你威脅你，那是流氓還是醫生的行為？

而家雖然脫離苦海但想起以前的日子。。。
勸各位後生細仔如果唔係有宏遠志願要做實驗室老細定SMT的話。。。其實出面有很多性價比更好的工作等住你。

Sales say個hi

hello

有幾個化驗工會，不過都係圍爐黎攬權威風由得化驗師被老細擠壓，因為幾個工會都係由實驗室老細成立。所以乜鳩標準工時五天工作等喺呢行極不普遍。五天半係最普遍的工作時間，某些返六天，而且禮拜六通常要返全日的很普遍。老細想賺到盡禮拜六大部分打工仔比較得閒唔需要返工的日子就得閒黎驗身，所以好多化驗所禮拜六都係全日或者介乎半日與全日之間的工時。
政府有個註冊組，但可能無實權所以唔會幫化驗師出聲。

做化驗師的好處：
1.都算係一個師，係一門專業
2.因為係一門有牌的專業，所以不易被取代
3.人工係所有師中最低，但好歹都混到飯食
4.工作地點會係室內，即係有冷氣
5.與客人接觸的機會不多，除非蚊型化驗所
6.好少需要離開化驗所街外走動或出差
7.生意額通常不會有太大的浮動，所以算穩定
8.老細通常都係同行升上去，通常都了解下屬的工作
9.不太需要其他行業工種的知識
10.除了互幫化驗自己化驗所無化驗的項目，基本上不太多與其他化驗所交流
11.因為係西工求過於供，所以轉工跳槽容易
12.一般會知道估計到自己的上下班時間
13.一般都會有清晰的旺季與淡季
14.超廢的廢人基本上入唔到行所以比較少出現豬一般的隊友
15.超懶的懶人基本上很快離開呢行所以老屎忽外隊友都應該做到基本野
16.化驗入面的幾個專業的基本個個都識，所以偶然互補搵人頂更唔難
17.如果做微生物或分子分析嗰類野可以一個人喺自己小天地做野
18.做大化驗所或醫院基本上可以做死一個部門複雜性相對較低
19.做細化驗所基本上化驗都係簡單好快就可以上手做得好
20.基本上野識做就得，無需要去了解太多的背景，也無需要解釋

樓主有無做過ivd相關既lab野