希望身在喺大阪及附近地區既所有人平安
正題
我本身今個星期會飛大阪，所以經過KKDAY買咗下周大阪USJ 門票，因為大阪地震關係，預計未來可能會有餘震，所以打算取消機票或者行程。
查詢KKDAY之後，客戶服務指出因為佢哋係台灣公司所以除非台灣當局或者日本當局發出旅遊警示否則一概不予退款。即時假如係香港當局發出旅遊警示亦都不接受。(聽到真係必一聲)
另外因為當日未能預測是否會發生地震，假如當日真係發生地震而我嘅行程係受到影響的話， 才有機會幫我”嘗試申請”退款。
客戶服務位小姐話，如非”事發當日”發生自然災害， 係不獲退款。即使當地災害嚴重，只要唔係事發當日發生，係不會退款嘅
其實我覺得只要係喺自然災害發生嘅10日之內都應該安排退票。。。始終呢一個係二次災害最容易發生既時期，繼續前往只會有機會增加當地人嘅負擔。
個人覺得下次不如到達當地先至買門票，始終天災嘅嘢係好難預計。。。依家真係好後悔。。。去又唔係唔去又唔係
