本身腸胃都係差嗰一種，成日一食錯少少嘢就會肚痾。
咁早兩年同個朋友去大陸昆明旅行，包咗架車day tour 上雪山。走嗰陣上返架車返酒店（車程要4個幾鐘
）所以上車前我同個friend 痾清晒先上車。我仲明明無屎痾，都夾硬谷咗兩舊仔諗住萬無一失啦。點知我計漏咗我喺雪山嗰陣為咗補充體力，飲咗兩包乳酪，而乳酷係增加腸嘅運動量。
上咗車一個鐘左右，個腦已經同我講：「今次你仲唔仆街？」我都未黎得切反應，個肚已經響晒戰鼓準備開戰。我即刻分析咗個形勢，屌那媽忍3個幾鐘屎係mission impossible，即刻宣布投降，同個司機講話有無地方有廁所，個司機同我講：「早說嘛，剛剛上了高速公路，能憋一下嗎？不然我就靠旁邊你拉一下。」我靠佢老母，我急屎呀，點撚樣拉一下？好，我就忍到落高速公路（要行成兩個半鐘）嗰陣先痾。
咁昆明係大陸相對比較發達嘅城市黎，但強國始終係強國，對比起香港啲高速公路係差好多。凹凸不平之外仲有好多沙石，我地包嗰架車避震又廢，成程車就勁chok，加大咗忍屎集中嗰種難度。
嗰陣我智慧齒有問題，基本上食嘅嘢硬少少我都會流牙血。我個朋友知我急屎當然笑鳩我啦，仲喺度講埋啲泄氣說話（例如話：急咪停埋一、二邊痾咗先囉，又無人識你。/ 痾喺膠袋度再車出窗囉，幫後面架車黎個哪兒來的屎）。我嗰下個肚直頭痛到面青唇白、面容扭曲。
為咗尊嚴，我我唔可以輸比篤屎。我咬緊牙關，心入面嘅我一路用毛筆寫大字，係個忍字。
肚在搞，車在震，成口勁腥（因為咬實崩牙）。但係我唔敢飲水或者浪口，哪怕肚入面嘅一啖水嘅空間，都唔想浪費。
唔可以有刺激，唔可以有意外：所有屎一定要喺廁所排放，一粒一滴都不能少。
好不容易忍撚到落高速公路，接下黎嘅係塞車，塞撚到郁都唔撚郁嗰一隻。我嗰一刻嘅意志完全無動搖，到去到油站已經又多半個鐘嘅事。
落車嗰陣，我個朋友由一開始笑鳩我，去到見識到我忍屎嘅氣魄去幫我開門。我嗰一刻真係心中只有兩個字：兄弟，屌，唔撚係，係「痾屎」。
樓主話街嗰啲臨時廁所好臭唔會去？
我嗰日嗰個廁所嗰種污糟嘅程度係煉獄級。
我嗰一下，下半身喺度炮轟嗰廁所，個意志力轉為平衡力廢事跣腳搞到成身屎，一邊食住煙淘醉喺我是無敵嘅一絲寂莫、空虛感。
忍過差唔多呢3個鐘，我唔覺得有咩係難得到我。
