身為屯門仔日日都要搭長途車
冇返一技傍身真係大獲
但頭先嘅經歷真係我忍屎史上最驚心動魄嘅一次
話說我要搭962由屯門去西隧轉車站
路程一個鐘左右，平時我都係瞓咗佢嘅
點知一上車，合埋眼冇耐
我感覺到身體入面有沉睡的兇猛在甦醒
雖然只係輕輕攪咗一下
但以我嘅經驗，呢個係暴風雨來臨嘅先兆
我即刻擘返大對眼
集中精神，嚴陣以待
果然好快第一波衝擊就來襲
我立即收緊括約肌，調整呼吸，感受衝擊嘅強度
然後結論係：今次大獲
事關我仲連屯門公路都未入
而以我嘅性格，一定唔會去啲垃圾臨時廁所
所以我嘅目標只有西隧轉車站隔離嘅九龍地鐵站！
大約仲有40分鐘車程，預計仲要對付4-5次衝擊
淨係諗都已經標曬冷汗
我即刻坐直個人，嘗試調整心態
因為我知緊張只會令事態更加嚴峻
結果都好順利擋住第二三波衝擊
呢個時候巴士已經去到汀九橋
仲有15分鐘！！
為免落車嘅時候撞著遇到衝擊
我決定提前起身行落下層
望到奧海城，望到圓方，終點在望啊
啊啊啊啊啊啊啊啊啊啊啊
係第四波嘅衝擊。。。
我再次夾緊括約肌
一秒兩秒三秒四秒，竟然仲未完？？！！
要明白當你集中力放曬喺一組肌肉嘅時候
身體會變得僵硬，亦係最脆弱嘅時候
偏偏呢個時候巴士開始剎車埋站
我喺呢個繃緊嘅狀態下仲要站穩個馬
痴撚線，簡直精神同肉體都到達極限
我個心一路呼喊住「唔可以瀨啊，唔好白廢心機啊」
巴士終於停低，我亦成功守住第四波
但仲未完，轉車站去九龍站都要行段路
我收拾心情即刻加快腳步
因為再嚟一波我真係有心無力喇
偏偏上帝真係要考驗我嘅意志力
我望住九龍站，仲有幾十米距離
但我已經痛到行唔郁，挨咗喺牆接受蹂躪
我感覺到有屎探咗頭出嚟，同我條底褲say hello
我心灰意冷，以為自己瀨咗
諗緊要射波飛的返屋企換底褲
但屎都仲係要屙
去到廁所，我門都冇閂廁板都冇落
就已經頂唔順一除褲就坐落去，
同時望下條底褲咩情況
「沒有，沒有，沒有！！！」
個屎眼好似慶祝緊呢個奇蹟咁大放煙花
一舊硬屎之後緊隨住嘅係一堆蛋花爛屎
我坐咗喺馬桶好耐，回想頭先幾驚險
成日話打完丁會聖人mode，其實忍屎都會
呢一刻我感覺自己無堅不摧，係無敵嘅
