學琴? COME ON! 由0開始講到你明!

號外: 10月考既5級樂理速成班: 7月正式開始(12堂), 有興趣既巴打(初學者都OK) 可以TELEGRAM 查詢

小弟考左LT, AT, AmusTCL, 8級琴+樂理, 香港國際音樂學校讀鋼琴教學畢業
希望帶到基本既鋼琴知識比大家
其實網上面有好多人已經做過, 但唔同人有唔同方法, 第2到唔明既, 可能LEE 到會明, 大家有咩問題隨便問
小弟Telegram : BCPiano


上次講左基本樂理:
https://lihkg.com/thread/331528/page/1

今次講基本點彈琴: 由淺入深, 一步一步帶大家進入音樂既世界
今主個POST 都係主要對像係初學者, 所有講既野係唔會太深入& 只對初/中 人士有用

希望可以3~4日出到1次, 應該會講
手型, 指力訓練, 不同技巧彈奏方法: EG: Thumb under, 3 type staccato, legato, arm weight

關於手型/點彈, 坊間都有唔同講法, 唔同PIANIST 都有唔同既手型(可以好大分別), 所有我講既可能同你出面學會有唔同都唔出奇, 如果你有咩意見請提出, 大家討論下

因小弟中文mama地, 加上第二次寫咁大篇野……寫得唔好請見諒 (如有錯請指正)

講小小前言先….
咩係鋼琴?
到底鋼琴點黎?

首先, 鋼琴係鍵盤樂器既其中一種, 其他鍵盤樂器既例子有:
手風琴, 管風琴, 古鍵琴, Clavichord, Fortepiano…..
咁改良成為鋼琴既人係: Bartolomeo_Cristofori ,意大利人

有興趣可以睇下:
https://www.youtube.com/watch?v=BMxqAKxWMYA&t=0s&list=PLb0YPaImE28YCJTXGmlQZu1vEnAqr26L3&index=9

咁個POST 主要集中 點樣彈, 所以關於鋼琴既歷史就唔多講
1) 關節:


基本上你既所活動到既關節 係黑色圈個D, 紅圈個D係唔現階段唔會用到

*以下講既野, 大前提係要放鬆, 唔可以令隻手有太大TENSION, 搞到成隻九陰白骨爪咁

千奇唔好咁做呀!!!! 手背中間D 青筋都現曬形

想像隻手中間有個細細地既BALL, 但小心手掌唔好過份突起, 搞到成座山咁


如果你正確, 基本上每隻手指都會微曲( 即使你彈緊個陣)


2) 活動方式:

1) 先把5隻手指放琴面
我地先用2手指, 用圈圈個關節, 提高(提到最高) 你既手指, 同時記得微曲你既手指(可以FF 你隻手係隻小猫猫既手手)

2) 用最短既時間, 同最快既速度彈落去!! (小心不要變左用最大力, 如果唔係會變左敲琴, 唔係彈琴)

3) 注意出力既時間只係你決定彈落去個一下( 我諗得0.2秒), 彈完就好放鬆

唔理想既彈法:


中間個陣手指, 冇微曲


第一部份小結: 何為正確? 用最小既力, 出到最大既效果, 如果你隻手指彈落去, 比關節赦咁D 力走, 咁就唔理想啦, 簡單D講, 即係部琴食唔到你既力

基本彈奏方法仲未講完的, 下回再續

留名支持

終於見到巴打你上水

如果只係想彈到首流暢嘅流行曲，由零開始大約要用幾耐時間同埋可以點練？

岩岩sem break想玩下琴， 見到你教手指d動作，但我好似已經錯撚曬

死背一首又唔會好耐既....但好唔好聽又另一回事

可以點練？
要睇下你咩唔店先有相應既練習

死背除咗節奏有d問題外，仲有咩問題？

有幾個問題嘅

睇譜方面，唔知幾時彈白鍵幾時彈黑鍵，同埋只識背譜唔識邊睇邊彈

彈琴方面，左右手協調唔到，可能到某一個小節明明左右手分開彈都ok, 但一齊彈就亂曬 同埋想問下同一粒制，有冇話規定用咩邊隻手指彈？例如a彈呢粒音用中指，b就要跟住用中指彈唔可以用食指

d問題可能on9咗d

唔知幾時彈白鍵幾時彈黑鍵:
咁可能係你對個KEY 未熟, 可以練下SCALE/ 搵同一個KEY 既歌彈多D,
如果你係彈POP, 練下BLOCK CHORD

左右手協調唔到:
你係音彈錯曬, 定係D拍子對唔到?

隻手指彈:
我遲下會講下...

學緊琴
想問左右手分開彈無問題
但一夾埋彈就會彈錯音/拍子
可以點練

講小小原理先….
點解一定要微曲?
其中一個原因係確保你彈落去既時候, 係用到指尖彈(當然有情況可以唔用, 但初學就唔好搞咁多野住)

點解用指尖彈? 根據牛津力學唔知第幾條:
接觸面逾大, 力量逾分散, 相反, 接觸面逾細, 力量逾集中

所有小心唔好用左指肚彈, 咁個力量傳遞上冇咁好

黑色(指尖)既位置比較理想, 紅色(指肚) 就冇咁好

上回講到講到如何彈單音, 但唔知大家試既時候有冇覺得, 單單起一隻手指既時候, 會比其他手指扯住?
例如: 你提高4手指既時候, 5手指好想一齊拎起?

其實冇話一定只可以提起一隻手指, 你係可以一齊拎起其他手指, 但只彈你需要個隻

咁可能你會問…咁連續彈點算?

基本上我地係唔會長期都貼住部琴彈
原因: 1) 力量會分散到其他手指 2)好難發力

我地彈既時候只, 唔需要用到既手指就會拎起
而手指既轉換, FF下你游水個隻腳咁, 一隻起/一隻落


關於手部關節講住咁多先, 下次講下肌肉AND 其他關節既問題

大家有興趣 可以單手係部琴彈 C D E F G (用12345手指), 但彈既時候要確保關節活動正確, 聲音唔會時大時細, 要每粒音都咁大聲 ( 小心唔係大力)

比較進階可以練HANON

點解唔問下你老師?

一夾埋彈就會彈錯音/拍子:
分手個陣有冇數住拍子? (用口數)

唔好彈, 用手(2隻一齊)拍左個拍子先(都要用口數), 確保自己對個拍子完全掌握先

唔好所有音都彈曬先, 可以先彈正拍既音, 之後先加反 好難對個D
如果係CHORD BASE, 練BLOCK CHORD

彈錯音:
刻意將成日錯個粒音, 彈大力D(但唔需要跟足個拍子先, 音準行先), 改反你既記憶


當然可能係其他問題, 咁仲有其他做法, 但唔係面對面 好難講
唔同情況個做法都冇出入, 咁LEE個就經驗問題

少見鋼琴post
學咗半年琴，依家先學緊第三本everybody

呢個Post 終於有第二集..

不過可惜小弟唔識彈琴...

好窮 冇錢學

有無得教AT

網上都有好多免費堂, 可以試下 有咩唔明係到問

有琴行叫我教, 但我唔想分一半教at, 所以推左

原來你開咗係度，唔怪之得舊post冇咗反應

死背除咗節奏有d問題外，仲有咩問題？ 
有幾個問題嘅

睇譜方面，唔知幾時彈白鍵幾時彈黑鍵，同埋只識背譜唔識邊睇邊彈

彈琴方面，左右手協調唔到，可能到某一個小節明明左右手分開彈都ok, 但一齊彈就亂曬 同埋想問下同一粒制，有冇話規定用咩邊隻手指彈？例如a彈呢粒音用中指，b就要跟住用中指彈唔可以用食指

d問題可能on9咗d

上面#3 答左

見到啦

我係唔識睇譜，仲睇緊你之前d post,主要係唔知幾時升半度幾時降半度

左右唔協調方便，我係彈錯d音

有時手指尾好自然”橋”起
點解決

去 musictheory.net 做下練習
有個叫做 keyboard reverse identification

咁只可以由極慢對起,
注意注意!! 唔好比隻手快過腦

可唔可以形容得仔細D?

支持
我下年都要考八級

你彈邊3首?

Gigue Rondo 同 selling sundry goods

當右手彈緊melody
唔需要用手指尾彈個時
就會自然咁飛起左咁