據該名網民指，日前在公司樓下買了一份火腿三文治，惟進食第一啖已感到「唔對路」，打開一看後，更令她大為震驚。只見三文治內，火腿只有邊緣一小截，火腿被切成小段，塗上了沙律醬後只覆蓋麵包約三分之一。事件令她大為憤怒，除將店舖稱為「良心舖」，也形容三文治是「藝術三文治」。記者曾嘗試接觸該名網民，但對方的朋友代轉達，表示拒絕受訪。 其他網民看過網主帖文後，都認為店舖「過份」、「離譜」，有偷工減料之嫌；亦有網民留言諷刺該店︰「好夠食」、「火腿冇益嘛，食少啲健康啲」、「咁好心機切條，呢啲直頭良心企業喇」。
記者事後聯絡到涉事小食店店主，他承認，切細餡料的做法確是為了降低成本，不過卻是另有苦衷，「嗰區啲人食嘅預算唔係咁多……有食客反映話想平啲，寧願唔要咁多餡，我哋壓低成本，做到20蚊兩份，朝早食完晏晝再食，平返少少畀街坊！」 他又指，對「藝術三文治」這個稱呼沒有意見，「隨得佢哋啦，人哋鍾意點講都冇所謂。」
早餐同午餐竟然要食同一樣野，生活仲有咩樂趣