[驚悚]一夜之間，所有人俾扶手電梯殺曬

「你睇到嘛……格格……半空中飄蕩嘅薔薇，係代表『純潔嘅愛』。」男孩揚起右邊嘴角，笑靨使我莫名心寒。

男孩轉身走向遠處，他……要去哪？

「呢度係咩地方？」我跟隨他追問著，腦內疑問泛濫，「你黎咗呢個異空間好耐？」

「我的確黎咗好耐。」男孩徐徐走著，回眸對我詭笑：「啊哈，『良知』冇同你解釋清楚，成件事嘅來龍去脈咩？」

誰是……「良知」？

此時，我倆步至一個巨型球體前，它在正方體中凸出半邊，純白的球體表面呈流動液態，似是有什麼在持續運行著……

男孩瞧著球體，從容不迫道：「你睇到嘛……置於中心嘅球體係『時間』，而你腳下嘅每個正方體各自係一個『空間』，亦即係人類所講嘅……嗯……『世界』。而呢度嘅所有『空間』，都會跟隨中央嘅『時間』運轉，一切按從秩序。」

什……麼……

我掃視荒誕的景象，深感無與倫比的震撼，這裏……難道是……

「呢度係『管理署』，管理所有空間運作嘅地方。」男孩淡然地說，彷彿看穿我的思想。

我理智頻臨崩塌，說話含糊不清：「即係話你……你係……神──」

「我唔係神，因為神不忍人類受罪；我亦唔係魔，因為罪孽都係人類自作。我係呢個管理署嘅職員……格格……」男孩把整塊波板糖咬掉，「亦即係，所謂嘅──『他』。」

我連氣都忘記透，四肢僵硬停住。

「小町」口中，掌管世界運作的「他」……竟是個矮小瘦削，含著波板糖的幼稚小孩……難怪當時，他會說得出那麼多的資訊……但為何偏偏是他？

荒謬至極。

此時，男孩把鋼筆遞向我：「你想唔想知道一切？」

一切？

我遲疑之際，男孩已經握住我的手，持鋼筆於掌心滴下墨水。

然後，墨水竟滲進肌膚裏頭，某種冰冷的東西在體內流竄，然後……我思緒變得紊亂，呼吸變得困促，心坎變得疼痛……腦海浮現著龐大的資訊……

結束了。

「呼哧……呼哧……」我跪地顫抖著，知悉「墮樂園」的真相。

我抬頭怒瞪著「他」：「你做咁多嘢……竟然當人類係玩具？！」

「『玩具』？我鍾意呢個比喻！人類於我而言，的確係富娛樂性嘅……嗯……『玩具』！」男孩亢奮地冷笑，「因為人類注定墮落，佢地嘅價值只會腐化，最後淪為扭曲『愛情』、『純真』、『自我』、『良知』嘅荒謬生物！」

「所以……你就要憎恨人類？」我怒不可遏，身軀猛然顫抖。

「啊哈，我點會『憎恨』人類？人類簡直係……點講好呢……『藝術品』！每逢睇見人類被自己嘅『墮落』所懲罰，喺絕望之中無助吶喊，我就會亢奮到極點……之所以係『墮樂園』，因為你地越『墮落』，我就越『快樂』……格格……」男孩咀嚼著糖碎，嘴邊溢出唾沫，滴落正方體之上。

這個喪心病狂的傢伙……真的掌管著世界？

多麼諷刺。

我心寒不已：「你咁樣做……會毀滅我地嘅世界……」

「啊？唔會啦，我又點忍心消滅有趣嘅人類呢？我只係挑選咗嚴重『墮落』嘅……叫咩呢……吖係『香港』，成為『墮樂園』，其餘地區嘅人類係不受影響，甚至唔會知道呢件事。」男孩從口袋掏出一支全新的波板糖，「啊哈，你有冇發覺到，『香港』個天變咗全黑色，而且同外界失去聯繫？」

我愣住了，事實的確如是。

「他」冷笑續道：「因為，我已經將『香港』從你地原來嘅空間『移除』咗，『香港』以外都只係一片黑色嘅虛空。而其餘70億嘅人類，已經完全遺忘咗『香港』呢個地方。不過又唔需要惋惜，區區一個皮毛之地，都死唔夠千萬個人類，對『管理署』、對你地『空間』嘅影響都係微不足道。」

泯滅人性。

「你點可以咁做！」我吶喊著，拳頭不絕捏緊，「你作為世界嘅主宰，點可以將人類當玩具咁蹂躪！」

「啊哈，我唔係啲咩主宰，我係『管理署』嘅職員──職、員！」男孩吐出舌頭，舉止甚為幼稚，「況且，係人類自取滅亡喔！如果價值冇被人類扭曲破壞，『愛情』、『純真』、『自我』、『良知』呢4隻想像怪物根本唔會出現。所以，一切都係你地自作孽──」

夠了。

我從褲袋拔出短刃，疾速地奔向「他」，準備刺穿他的胸口：「我理得你係邊個！同我受死！」

出乎意料，他竟還站在原地，毫無閃避的打算──

一團黑色的黏性液體，瞬間從側旁湧來，把我撲倒在地上！

「你……」我被牢牢黏住，全身瞬間變得無力。

「韶子雋，其實你真係好可憐喔。」男孩慢步走來，對我揚起右邊嘴角，「你只係幾年前，巧合咁喺後巷遇到『佢』，就成為咗我嘅專屬玩具。」

「記……憶？」

此時，那團黑色液體躍起，慢慢凝聚成一個固體，變成了……

一隻似曾相識的……黑貓。

這隻貓，正是我和小町在後巷，找到並共同餵養的孟買貓……

「係……黑洞？」我已震驚到極致，趴地並咬著下唇。

怎會這樣。

「我只係派遣『佢』化身成貓到『墮樂園』視察，既然你同岑小町主動接觸佢，我就不妨同你地玩吓遊戲。」男孩舔著波板糖，牙齒沾滿了藍色糖漿，「原來糟蹋人類嘅命運，真係好好玩。」

「係……係你令小町自殺？」我把唇咬得皮破血流，「係你……將隻想像怪物變成小町？」

「啊哈，你講緊想反抗我嘅『良知』？我只係將『良知』設定成『岑小町』嘅特徵，令佢喺信和中心遇上你，再強迫你親自殺死佢……睇見你崩潰嘅樣，真係好有趣。」男孩蹲下來病態笑著，「相比人類，其實『想像怪物』更加可憐，佢地只不過係我即用即棄嘅……點講好呢……『工具』！」

「人……渣……」

「命運，係咪令人好無力呢？」男孩抬高我的下巴，朝我亢奮調侃著，「不過喺5年前，真正令岑小町自殺嘅人，係你呀。」

「你……收聲……」我已然聽不下去。

「佢一直患有抑鬱症，每個深夜獨自哭喊，你唔知唔理。

佢一直想發展歌藝，但聲帶已無法痊癒，你唔知唔理。

佢一直堅持去透氣，盼望裂縫會長出花，你唔知唔理。

佢一直暗地戀慕你，長期咁抑壓住情感，你唔知唔理。」

「收聲呀！你同我收聲呀！」我哭不成形，「他」則撫摸著我的臉，「不過岑小町的確係畸形嘅……天生係抑鬱症患者，啞巴但又渴望唱歌，對世界抱太多美好幻想……甚至仲對阿哥產生感情……或者，佢生存咁痛苦唔係世界嘅錯，錯嘅係佢融入唔到世界。」

一切謎團，已經全部解開。

然而，我無力接受，如此骯髒的真相。

悲哀的真相。

「啊哈，你係時候返去『墮樂園』喇。」男孩站起來，拿著鋼筆在空氣中一揮，我面前出現兩個並列的長方形框框，就像兩道豎著的門。

兩個框框裏……展示著空蕩蕩的彌敦道。

「我畀兩個選擇你。

揀左邊門行出去，你會成為『倒影』一份子，失去人類嘅靈魂，但可以喺『墮樂園』無憂無慮咁存活。

揀右邊門嘅話，你就會維持宜家嘅一切，但就會活喺恐懼之中，被一模一樣嘅『倒影』無止境圍剿。

你會選擇喺樂園裏，做一個遲鈍嘅寵兒，

抑或選擇喺墮落園，做一個單純嘅孤兒？」

什……麼……

「他」冷笑著補了一句：「啊哈，我建議你儘快抉擇，當『墮樂園』嘅人類全部被殲滅，我就會『永久刪除』呢個地方。順道提提你，宜家嘅生還人數係──26人。」

＝＝

會有加更，努力打緊文，凌晨1點會出！

希望大家喜歡呢個故事

下篇開始係結局篇了，倒數3篇完故！非常感謝你地

喜歡故事可以正皮、留言支持，無言感激

「啊哈，你係時候返去『墮樂園』喇。」男孩站起來，拿著鋼筆在空氣中一揮，我面前出現兩個並列的長方形框框，就像兩道豎著的門。

兩個框框裏……展示著空蕩蕩的彌敦道。

「我畀兩個選擇你。

揀左邊門行出去，你會成為『倒影』一份子，失去人類嘅靈魂，但可以喺『墮樂園』無憂無慮咁存活。

揀右邊門嘅話，你就會維持宜家嘅一切，但就會活喺恐懼之中，被一模一樣嘅『倒影』無止境圍剿。

你會選擇喺樂園裏，做一個遲鈍嘅寵兒，

抑或選擇喺墮落園，做一個單純嘅孤兒？」

什……麼……

「他」冷笑著補了一句：「啊哈，我建議你儘快抉擇，當『墮樂園』嘅人類全部被殲滅，我就會『永久刪除』呢個地方。順道提提你，宜家嘅生還人數係──26人。」

＝＝

會有加更，努力打緊文，凌晨1點會出！

希望大家喜歡呢個故事

下篇開始係結局篇了，倒數3篇完故！非常感謝你地

喜歡故事可以正皮、留言支持，無言感激

抱歉，錯Send了多次

第一部愛情個隻太唔怪物 同埋講佢既野我覺得唔算多 唔似第二三部咁有戲份 但都有佢既存在感 對我 我鍾意第一部多啲 當時諗住會係伏筆 用愛情個隻野黎講出末日機制點知一下就死左得返末日機制呢樣野既伏筆 但我都仲有印象 一講就知係佢
Btw都係想樓主你可以寫得絕望啲 悲觀啲 我自己鍾意睇到呢啲故事到最後人類反抗唔到 最後都係末日 同埋唔好太多俾情感影響既性格 要殺就殺 好似試一部我仲諗住個女主角學生最後都係會死 會描寫佢就算點做 個女仔點幫佢都無用 點知都係無事 有啲失望

角色構想圖：「他」



等陣凌晨1點繼續

地獄/黃泉同人間同化

地獄大軍

狐狸先生

阿浪
Why so9sad ar

主角要爭氣呀

愛情=夕彥？

yes 夕彥係player

忙到冇時間追

一次過追返先

夢巴個個女角都短頭髮ge

唔明，果4隻怪物分別係邊個？