[驚悚]一夜之間，所有人俾扶手電梯殺曬

lm

支持 對上一次睇係睇你套恐怖大廈

謝巴打嘅意見
可能文本冇講好詳細，嗰度係光線陰暗，所以有手機照明會更加清楚，但都未至於睇唔到嘢，例如會望到高處嘅霧

「自我」可以話係一個相對嘅概念，呢個故事係希望藉此做個比喻

「物事」意思係「事情」、「東西」，並冇打錯，只係呢隻字唔係日常最常見，通常喺書面語小說、文章先見到

等咗你好耐

感謝支持 live完呢邊 不妨睇埋小弟其他故

冇留意你開左新Post
已經一口氣追晒

呀浪死得好突然，
但點解佢要講啲咁柒既英文

儲左五日，一口氣睇哂！

「這個世界，只容得下一模一樣的人。」
睇到呢句好震撼...... 正正係呢個社會既hidden agenda

留言等更新

因為呢個故睇埋先前兩部曲

畀多10分鐘我，最後Check緊

感謝支持！

《CH.6》（上）

＝＝
今集官方Background Music：
https://youtu.be/ESw9_ZxXvfg
＝＝

我認得，那是西隧的狐狸人。

一聲巨響。

駝背怪物避過一擊，狐狸人猛揮圓鐘步步進逼，宛若持著一顆流星鎚。狐狸人攻勢疾快無影，駝背怪物終究閃避不及，很快被狐狸人砸斷兩臂，黑液從斷口湧出。

駝背怪物退縮至遠處，兩隻斷臂卻竟然迅速重生起來，使我看得三魂出竅。他對狐狸人猙獰地笑著，並且原地往下沉至鏡子下……消失得無影無蹤。

同一時間，四面八方的駝背怪物「複製品」，朝著狐狸人一湧而上，張牙舞爪圍剿著他，場面變得混亂。

咆哮聲震耳欲聾，宛若地獄的聲音。

倏然，小町微微顫抖起來。我揪心地端詳著她，察覺到她左手的袖口，正滲出濃濃的黑色液體，而非鮮血......

這個女孩，到底是誰......抑或是什麼？為何......她會有「岑小町」的外表？

「子雋……嗰隻駝背嘅怪物就係『自我』......」小町對我顫聲說道，「我地宜家身處嘅黑鏡空間……係『自我』創造出嚟嘅精神世界，用黎吞噬人類靈魂……所以佢喺度可以為所欲為，同佢爭持只會死路一條……」

「但點解......兩隻怪物會打？」

「我唔確定原因......」

狐狸人胸口睜開鯊魚般的口，無數蒼白之手從中湧出。他揮擊著圓鐘，擊潰一隻又一隻複製品，殘軀一個個化作黑液灑落鏡面。然而，鏡下不斷湧出新的複製品，數以千計的牠們露出尖牙，朝著狐狸人噬咬著，使他無路可退。

驚心動魄的畫面。

「我感覺到，嗰啲『自我』嘅複製品之中，必然包括真正嘅『自我』，但單憑外表根本難辨真假……複製品數目眾多，『純真』一定會俾佢地擊潰。」小町摸著左臂，標緻的臉頰慘白，「墮樂園人類所剩無幾，時間已經無多……要儘快消滅『自我』……」

「要點先可以消滅佢？」我聽罷愣住。

小町皺眉苦惱：「嗰啲複製品，理應只以殲滅『純真』為目標，對其餘事情唔會有任何反應……我地要搵出佢地嘅破綻，搵出真正嘅『自我』……」

我細心忖度著，此時狐狸人被擊至墜落黑湖裏，複製品們相繼湧進鏡下，景象觸目驚心。只消數秒，狐狸人再次撲出鏡面來，已淪為一副傷驅。

那些複製品......宛若撒旦的使者。

成百上千的「駝背怪物」成群湧出鏡面，再次把狐狸人包圍。狐狸人右手已然不翼而飛，左手的圓鐘斷成兩截，而他頭顱亦變得畸形歪曲，全身千瘡百孔，距離死亡不遠......

而我心念一動，奔向十數米的前方，拾起那把小町丟下的短刃。刀鋒還滲著黑液，卻是鋒利非常。

身後的小町焦心地道：「子……子雋你……危險呀......」

「相信我，我搵『自我』嘅真身出黎！」我握緊刀柄，走近那些怪物。

倘若她不是小町，何須著緊我的安危？

無數隻「駝背怪物」，正朝著狐狸人進逼，尖齒巨口重複著同一番話，瀰漫殺戮的氣息。同時，我亦下定決心，聚精會神。

「我、就、是、墮、樂、園、的、神。」

牠們詭笑著，我手臂拉弓。

「我、就、是、墮、樂、園、的、神。」

牠們睜大口，我瞄準他們。

「我、就、是、墮、樂、園、的、神。」

「駝背怪物」同步躍起，如蠕動的毒蟲湧向狐狸人。千鈞一髮間，我傾盡渾身之力，將短刃往怪物投擲！

百分一秒。

短刃尚於半空快轉，而那群「駝背怪物」之中，僅一名疾速轉過頭來。

是牠！

突然間，那轉頭的「駝背怪物」焚燒起來，燃起了……純黑的烈焰……

我回眸凝視小町，她跪在黑鏡之上，雙眸瞪著駝背怪物，右手食指筆直指向牠。她嬌小的身軀顫抖著，左手衣袖不斷滲出黑液，狀甚痛苦。

是……她造成牠起火的嗎，她怎會有這種詭異的能力？

焚燒著的駝背怪物墜落鏡上，趴倒並狠盯著小町，劇烈地抽搐著。

「我……就……是……」

燃燒的牠朝著小町疾速爬過去，向著小町張牙舞爪！

「小町！」我疾奔且撲過去，卻已來不及。

「墮……樂……園……的──」

小町痛苦地嘶叫一聲，豎起的右手抽搐並變得歪曲。駝背怪物身上的黑火變得更暴烈，將牠全身燒成一片黑！

牠在小町面前墜下，化作一團扭曲的漆黑物。

「神。」

駝背怪物停止焚燒，緩緩化作黑液，染滿黑色鏡面。

「佢……死咗？」我抱緊小町，此時空間正變化著。

那些「複製品」，逐一溶成黑液。

那些懸吊的陀錶，逐個靜止不動。

那面巨型的黑鏡，逐點破裂成碎。

周遭，變得萬籟俱寂。

「小町……」我攙扶起小町，她卻拐步走近狐狸人，語氣平淡不已：「點解……你會救我？」

狐狸人殘破不堪，顫抖的身軀溢出黑液，奄奄一息。

他冷然道：「我冇打算救你……『想像怪物』作為『他』嘅僕人……係有責任，消除任何挑戰『他』權威嘅力量……當然包括自以為是嘅『自我』……」

最後，狐狸人猙獰地笑：「我由始至終，都忠於至高無上嘅『他』。」

他跟駝背怪物一樣，溶成一團黑液，散落破碎不堪的鏡面。

而黑鏡之上，只剩小町和我兩人。

死寂，讓人很不習慣。

我倆陷入沉默，直到小町拾起短刃：「『他』啟動咗『末日機制』之後，就產生咗呢群『想像怪物』，旨在摧毀『墮樂園』嘅所有人類……」

「嗯。」我經歷荒誕的一切後，已不再懷疑她的說法，只是……

「只要剷除所有『想像怪物』，『末日機制』就會失效，『墮樂園』嘅人類就有一絲生機。」小町拉起白色圍巾，巾面沾滿了黑液。

「我想問，點解『他』要啟動『末日機制』，而點解香港會變成『墮樂園』？」

「抱歉，呢一切我都唔知。」小町深深鞠躬著，身軀微微顫抖。

「咁……既然全部『想像怪物』已經被殲滅，咁香港係咪即將回復正常？」我問道。

如果按照她說法，人類的危機已解除了──

「唔係。」小町咬緊了唇，「仲要做多一樣嘢。」

我愣住：「仲要，做啲咩──」

小町牽起我右手，將短刃放在我掌心，刀鋒朝著自己的胸口。

「請你殺死我。」

什麼？

時間，霎那間凝固了，忘記要往哪流。

我的腦袋被掏空，許久才斷斷續續說：「點……點解……你講咩笑……」

那神態和語氣，沒半點說笑的意味。

「吖……子雋你講得冇錯……我的確唔係岑小町。既然你已經發現呢點，我請求你殺死最後一隻……『想像怪物』。」小町低頭咬唇，「我忘記同你講，『末日機制』會創造出四隻『想像怪物』，而我就係餘下嘅一隻。」

她是怪物。

我聽罷，只管顫抖。

相貌跟岑小町一樣，且拯救過我好幾遍，甚至攻擊其他怪物的她……怎會是怪物？

「冇可能，你邊可能係怪物……你有小町嘅樣貌，甚至講得出我嘅名……」我苦笑著，思緒卻泛起洶湧。

「嗯嗯，但我並唔係佢。」小町娓娓道來，「『他』為每隻『想像怪物』賦予咗唔同形象，而我唔知點解被賦予一個人類少女嘅身份，擁有『岑小町』嘅外表、性格、情感，甚至擁有佢自殺前嘅記憶……我『認識』你，係因為你係『岑小町』異父異母嘅阿哥，因為『岑小町』佢對你……對你……」

「冇可能，你呃緊我……我冇可能會郁手！」我一臉繃緊，鼻子卻已在發酸……她在說謊……

「子雋我冇呃你，你頭先已經見到我可以燒死隻怪物，證明我唔係人類。『想像怪物』都有一個限制，就係無法自我毀滅，所以我必須懇求你殺死我，咁先可以救到人類──」

「收聲呀！」我嘶叫著，視線變得朦朧，「如果你係怪物，根本唔需要關心人類嘅死活──」

「『想像怪物』係有自由意志，而我擁有小町嘅人性情感，當然唔忍心人類被毀滅。而且人類未墮落到極致，係有挽救嘅餘地。所以我先違抗『他』嘅命令，嘗試破壞『末日機制』，宜家只到最後一步。」

「冇可能……」我已不懂反應，瞬即哭成淚人。

「你唔需要悲傷，我只不過係一隻……貌似人類嘅卑賤怪物。而真正嘅岑小町，5年前已經死咗。」小町別過臉，聲線顫抖不穩。

我發覺，淚水於她眼眶打滾。

我哽咽著道：「你好自私……」

上次，她因抑鬱症自殺，使我一直抱憾自咎著。

這次，難得再遇見一遍，她卻要我再次殺死她。

「你知唔知，自從你離開嗰日起……我每日都盼望能夠見返你……同時愧疚自己冇好好守護你……點解你總要對我咁殘忍呀！點解呀！」

小町不語，只是拼命忍淚。

「點解我咁冇用架……」我跪地嘶叫，崩潰慟哭著，「點解我連一個重要嘅人，都保護唔到──」

小町撲到我的懷裏，哀淚沾濕我的胸膛。她也一併哭了，皆因她有小町的記憶情感，儘管原因不詳。

「我唔係岑小町……但我知道佢，唔會怪韶子雋。」

「佢……會……」

「唔會，」小町拭著淚，「因為韶子雋，一直係岑小町最……最……」

她湊近我的嘴邊，卻只是握著我持刀的手，對我說了一番話。

「假若時間可以倒流，我諗小町會揀一朵白薔薇。」

她最後只是這麼說，淚容甜絲絲的。

「一切，就拜託你喇。」

不知從何時起，短刃渲染了悲鬱的黑。

那條純白的扶手電梯，突然在面前出現。

＝＝

今晚寫篇長啲嘅

感謝留言、正皮嘅巴絲，聽晚10點繼續

250正皮再會加一更