覺唔覺BTS俾人高估得好撚緊要

比起上面提到咩批判性、講夢想呢啲
個人覺得佢地啲詞好有個人性同埋獨特性 包含左佢地嘅第一身經歷
好似之前聽過佢地首搬家 講佢地由練習生開始住嘅細屋 到賺到第一桶金搬去間好啲嘅屋嘅心路歷程
講間屋見證住佢地由成日小小事就鬧交 到長大左成熟左 跟住要搬走果日就諗番起哂第一日黎嘅心情
好少會見有團講啲咁私人感受嘅野
所以我覺得佢地會同fans分享個人諗法
可能因為咁所以多忠心fans？

仲有佢地出道嗰陣啲歌主要係圍繞着年青人面對嘅問題，例如no more dreams係講年青人冇夢想，N.O.係講教育制度
就算去到依家，佢哋有啲副歌都係有類似呢啲主題

同佢哋講咁多做咩姐。
反彈仔既人有幾多個係會聽曬全部碟既每一首歌，有幾多個會睇埋中翻嘗試理解彈仔想係首歌度表達出黎既想法，有幾多個會用心明白佢哋既創作理念？如果真係明解而反我都覺得冇要緊，正所謂道不同不相為謀。但如果佢哋咩都唔知，聽過幾首扮代表既就擺明係為反而反，同呢啲人嘥咁多口水為乜，你講完佢哋咪又扮聽唔到繼續反

上面有人問我地army同bts係咩關係 我地係一個互相支持既朋友，但唔係普通既友誼 可能我地唔真正認識了解對方，但係我地永遠都會o係對方心中佔據一個無可取替既位置 即使到某日少時已經全部娶哂老婆，生埋仔，我地都會祝福佢地，守護佢地 反之亦然，我地永遠都係對方既天使，最純潔既守護天使 而對於我黎講，佢地更加係夜空之中明亮既星光，劃破漆黑一片既夜空，照亮整片大地，令我既人生充滿意義（可能你地覺得誇張左，但係我就係諗到呢d野），最後，如果你問我點解中意bts，我只可以答你，因為佢地係bts